「沙紙」何價？幸好姜濤讀不上大學

UTB

Nbranson

算把啦天王巨星， 市儈啲，咁紅紅咗6，7年先至喺西環供間二手兩房單位。其實一個學生努力啲讀書讀神科， 叻仔嗰班搵得一定多過佢。天王巨星？ 定係中一大話精？  我都係努力啲讀書是少可以做到退休，佢就問水啲。

poonseelai

Nbranson 發表於 26-5-13 19:03
算把啦天王巨星， 市儈啲，咁紅紅咗6，7年先至喺西環供間二手兩房單位。其實一個學生努力啲讀書讀神科， 叻 ...

佢係2023年頭買, 1,800萬, 而家睇返當然蝕緊錢, mirror 係2018年尾正式出道, 即係工作滿4年自己買樓

有說佢一次過比錢, 或者當佢比5成首期（900萬）, 再供尾數, 都係叻仔

人真係不能去欣賞別人？

姜濤從無話過自己叻仔, 佢不在主流學校升讀, 從另一途徑取得等同中六學歷, 他不止一次講過未能在主流學校畢業是一大遺憾

UTB

睇完段片，我嘅睇法係：（1）上世紀大學學位少，收生嚴謹，畢業生前途美好，大家對讀大學都有冇限憧憬和想像。但隨著九十年代初大學學位不斷膨脹，大學學歷貶值；現時讀大學幾乎變成必需品。讀咗無特別優勢（因為好多人都有學位），但唔讀而又冇特別技能，肯定處於劣勢；（2）姜濤的例子，我覺得佢係想表達：如果唔喜歡讀書嘅人，就冇謂隨波逐流，勉強自己去考大學；倒不如早點出來投身社會，掌握一技之長，可能仲實際。

poonseelai

UTB 發表於 26-5-13 23:12
睇完段片，我嘅睇法係：（1）上世紀大學學位少，收生嚴謹，畢業生前途美好，大家對讀大學都有冇限憧憬和想 ...

"行行出狀元", 知易行難, 今時今日多數父母都希望孩子讀大學, 希望會多些機會, 但現實係當個個都係大學畢業, 一張沙紙未必保證條路易行

姜濤的例子也是獨特的, 要天時地利人和

beastiebistro

個人認為大學係做學問嘅地方，根本就唔應該咁多人入。好多人唔適合、冇能力讀大學，或者唔應該18歲讀大學。所以大幅增加大學學位從根本嘅理念已經係錯嘅，應該回歸返兩三成人入大學，8+4間大學應該減返去3間夠晒...

UTB

poonseelai 發表於 26-5-13 23:23
"行行出狀元", 知易行難, 今時今日多數父母都希望孩子讀大學, 希望會多些機會, 但現實係當個個都係大學畢 ...

姜濤的例子我也覺得係萬中無一。出來社會做事，除咗講實力，也要說際遇。尤其係教育呢行，教得好嘅老師如果夠年資多數都升到做SGM。但再想升做PGM（副校）就要講關係。不過如果教得差，但同學校有特殊關係，一樣可以逐步直升至校長。見過有間學校，管理層差不多全部都係校長／校監嘅親戚朋友，佢哋信唔過外人，又或者有筍位都益自己人。起初我覺得好黑暗，但後來諗深一層，天下烏鴉一樣黑。

twhkleung

beastiebistro 發表於 26-5-14 12:31
個人認為大學係做學問嘅地方，根本就唔應該咁多人入。好多人唔適合、冇能力讀大學，或者唔應該18歲讀大學。 ...

或者可以分開重點大學, 和通用型大學.

如果一個學生, "真正能夠體會到", 大學教育, 所給予我們, 對思考的培訓和鍛鍊, 其實對喺大學裏面讀什麼科目, 都已沒有太大關係.

beastiebistro

twhkleung 發表於 26-5-14 12:49
或者可以分開重點大學, 和通用型大學.

如果一個學生, "真正能夠體會到", 大學教育, 所給予我們, 對思考的 ...

個人認為冇咩意義，適合就適合，唔適合夾硬要讀其實都無咩得著。如果想要多點「涵養」，求其讀兩年community college 就得喇，仲可以邊做邊讀，一樣得到所謂對思考嘅培訓（當然係針對根本唔適合或者冇咩能力讀大學嘅學生，而我個人認為係佔多數）。

咁樣，大學唔會再開咁多Mickey mouse學科、學位唔會氾濫、大學生會得到應有嘅尊重、做真學問嘅又唔會受影響。

stillgood20

UTB 發表於 26-5-14 12:40
姜濤的例子我也覺得係萬中無一。出來社會做事，除咗講實力，也要說際遇。尤其係教育呢行，教得好嘅老師如果 ...

天下烏鸦一样黑！
教育，存在利益分配。

只是，表面？ 還是，暗地裡！？！

UTB

stillgood20 發表於 26-5-14 14:22
天下烏鸦一样黑！
教育，存在利益分配。

我覺得係透過親疏有別的利益輸送。

以我所見，佢哋嘅關係不會張揚，以免招來閒言閒語。學校每次宣佈新的管理層人選後，如果該人平日表現並不特別出色，同事們就會開始猜度佢同學校私底下是甚麼關係。

twhkleung

beastiebistro 發表於 26-5-14 13:00
個人認為冇咩意義，適合就適合，唔適合夾硬要讀其實都無咩得著。如果想要多點「涵養」，求其讀兩年communit ...

你講嘅係有道理, 亦都好合理.

不過, 唔怕見笑, 自己細個懶, 唔讀書, 成績非常差, 全靠一些機緣, 去到英國讀大學, 先至由一個盲字都唔識多過嘅廢青, 變成一個學會用腦, 反而喜歡上追求學問.


所以, 我自己係有些偏心, 希望有潛質嘅年青人, 錯失咗第一個機會, 仍希望畀咗佢哋第二嘅機會.

barque

twhkleung 發表於 26-5-15 11:38
你講嘅係有道理, 亦都好合理.

不過, 唔怕見笑, 自己細個懶, 唔讀書, 成績非常差, 全靠一些機緣, 去到英國 ...

點解去到英國讀大學先有轉變？

twhkleung

barque 發表於 26-5-15 13:02
點解去到英國讀大學先有轉變？

因為考唔到香港嘅大學, 甚至TI都唔收...

barque

twhkleung 發表於 26-5-15 13:04
因為考唔到香港嘅大學, 甚至TI都唔收...

我反而覺得是否香港的教育制度不是人人適合，好似你的例子明明是可以讀到書的。

beastiebistro

twhkleung 發表於 26-5-15 11:38
你講嘅係有道理, 亦都好合理.

不過, 唔怕見笑, 自己細個懶, 唔讀書, 成績非常差, 全靠一些機緣, 去到英國 ...

我明吖，而我認為個問題只係時間點。我都有話，唔係人人適合18歲讀大學。有啲人可能要做幾年嘢先發現自己原來應該進修，咁無問題喎。只係大家習慣咗一廂情願讀完中學，一定要立刻入大學，否則當「失敗」論。我嘅睇法係，18歲唔知自己想點，做下嘢捱下先。之後發現其實應該進修再報大學，會更加珍惜機會，更用心學習，亦唔會嘥錢嘥時間讀埋啲唔等使嘅「米奇學科」或者5流大學。

twhkleung

barque 發表於 26-5-15 13:29
我反而覺得是否香港的教育制度不是人人適合，好似你的例子明明是可以讀到書的。
...

同意嫁, 不過, 其實好難有一個制度適合100%人, 如果一個制度能夠滿足到70%, 80%人, 其實已經好唔錯.

所以, 如果家庭有能力, 盡量為自己小朋友搵一個合適, 培育佢嘅方法.


好明顯, 我同阿仔, 都係唔係好適合香港呢種教育制度, 如果硬要我同佢喺呢種制度下, 相信, 好大機會都會考第尾... 我真係有諗過, 如果我冇去英國讀書, 我可能今時今日, 喺香港會係一個藍領, 或者做小販都唔定 (唔好誤會我睇低其他工種, 只係描述可能有另外一種人生而已)

所以, 我係中學貼嗰邊都分享, DSE, A-level, IB, AP, IFY, OSSD, 乜都好, 搵個適合自己嘅教育制度最重要.

twhkleung

beastiebistro 發表於 26-5-15 13:47
我明吖，而我認為個問題只係時間點。我都有話，唔係人人適合18歲讀大學。有啲人可能要做幾年嘢先發現自己原 ...

是的, 每一個人的成長經歷/環境, 都不一樣, 遲幾年, 思想教成熟, 覺得真係想入大學, 相信會更加珍惜第二次的機會.

beastiebistro

twhkleung 發表於 26-5-15 14:02
是的, 每一個人的成長經歷/環境, 都不一樣, 遲幾年, 思想教成熟, 覺得真係想入大學, 相信會更加珍惜第二次 ...

我甚至唔會話係第二次機會。（如果18歲嘅時侯根本未適合入大學，又何來錯過第一次機會呢？）

可能我都係比較「另類」，唔係好覺得要「跟大圍」嘅時間線..

twhkleung

twhkleung 發表於 26-5-15 11:38
你講嘅係有道理, 亦都好合理.

不過, 唔怕見笑, 自己細個懶, 唔讀書, 成績非常差, 全靠一些機緣, 去到英國 ...

諗諗下, 可能我澄清一下會好啲. 怕年青人睇到我咁講, 以為唔讀書, 一樣可以讀到好大學.

- 我話唔讀書, 其實係指, 我唔鍾意讀一啲我唔喜歡嘅科目, 但我喜歡嘅科目, 我仍然係全級頭幾名, 甚至有時級一的.
- 我說的成績差, 其實係相對性, 雖然唔係乜嘢神校, 但係都係精英班, top 20%. 成績差, 係指相對我精英班嘅friends.
- 考唔到香港大學係事實(當時CS, HKAL 3A1, 都唔一定入到, 而我, 入唔到CS, 我寧願唔入, 我唔會為咗入大學, 而入大學), 但好彩同時有考試GCE A-level, 又考到AAB (嗰時未有A*), 所以, 基本上任何英國嘅一線大學(除咗Oxbridge, 可能仲有IC), 都沒有難度.

只可以咁講, 香港嘅教育制度, 沒辦法激勵某類性格嘅同學(包括我)去學習.

所以, 希望如果有同學仔睇到, 千祈唔好誤會, 我鼓勵你哋唔讀書!!!