本地學校 vs 國際學校

bigheadshrimp

kkandypan 發表於 24-3-29 15:31
如果再簡一次, 會選擇邊條路比自己既小朋友?

再揀一次，都一定由幼稚園開始讀國際學校。在身邊也從來未聽過有國際學校嘅家長後悔。我覺得真係好睇邊一個system更加適合自己小朋友同家庭嘅教育理念。

有啲小朋友真係好適合本地學校嘅教書方式，學嘢嘅時候需要多啲guidance，你叫佢自己摸索佢反而覺得唔舒服。有啲小朋友凡事都要自己試過先至真正明白。有啲家長覺得冇功課做好冇安全感。

國際學校無功課係為咗畀小朋友可以更加自由發展，多啲空間做自己感興趣嘅嘢。終生學習係好需要有自主性，自己冇興趣/冇目標的話，會讀得好痛苦。

如果最終想小朋友讀國際學校的話，真心勸你唔好等。而家國際學校學位越來越緊張。好多人好鍾意等到小三小四，睇下小朋友讀成點先轉國際學校，不過國際學校如果miss咗mass intake真係唔容易入。就算pass左interview，都未必有位。