寄宿生比例低？

aa4142010

想問寄宿生比例低重要嗎？
剛剛報了一間學校有親戚話寄宿生比例低叫我要考慮整到我而家囉囉攣.

學校700人，寄宿生佔2成，國際學生佔兩成，估計全部寄宿生都是國際生
求意見感謝(emoji)(emoji)

sleung2020

aa4142010 發表於 21-12-1 00:34
想問寄宿生比例低重要嗎？
剛剛報了一間學校有親戚話寄宿生比例低叫我要考慮整到我而家囉囉攣.

我個人覺得係揾英國寄宿學校最重要嘅考慮，我淨係會考慮8成以上嘅學校，最好係9成以上

sleung2020

aa4142010 發表於 21-12-1 00:34
想問寄宿生比例低重要嗎？
剛剛報了一間學校有親戚話寄宿生比例低叫我要考慮整到我而家囉囉攣.

我相信嗰2成人入面絕大部份係華人

katrinafu

sleung2020 發表於 21-12-1 02:23
我個人覺得係揾英國寄宿學校最重要嘅考慮，我淨係會考慮8成以上嘅學校，最好係9成以上
...

8成以上寄宿都唔係好多間學校。

sleung2020

katrinafu 發表於 21-12-1 02:49
8成以上寄宿都唔係好多間學校。

都唔少，夠報喇

katrinafu

aa4142010 發表於 21-12-1 00:34
想問寄宿生比例低重要嗎？
剛剛報了一間學校有親戚話寄宿生比例低叫我要考慮整到我而家囉囉攣.

睇下你孩子是讀Year 幾囉 ？

如果低年級 Year 7-9又真係要入讀寄宿比例高的學校囉 ， 因為 同學之間玩呀 ， 學校活動又真係好重要 。

aa4142010

katrinafu 發表於 21-12-1 02:53
睇下你孩子是讀Year 幾囉 ？

如果低年級 Year 7-9又真係要入讀寄宿比例高的學校囉 ， 因為 同學之間玩呀 ...

Y10

beastiebistro

回覆 aa4142010 的帖子

全寄宿比例可以話係去英國讀「寄宿」嘅最重要考慮，原因我都喺唔同帖或者日誌講過，其實真正嘅交流唔係平日上緊堂嘅時間（無去過寄宿嘅家長可能唔明）。
冇理由老師講課，學生自己喺下面傾閒偈㗎？轉堂又係滾水淥腳，冇乜時間交心。英國讀書唔似香港，學生唔係坐死一班，唔同學生修唔同科，可能每科又唔同set，堂堂都要轉課室，其實堂堂都可能見到唔同人，所以無同班同學呢回事。落咗堂鬼死咁多嘢做，你可能去樂團choir，我又去運動軍訓咁。

所以真正交流交心嘅時間，係食完飯做完prep（即係夜晚做功課時段），或者週末百無聊賴嘅時候。咁如果全寄宿比例低，呢啲時候有幾多人留低喺學校同你交流呢？留低嘅又係咩人呢？多數留校嘅係無屋企返嘅人啦，即係香港/中國/非洲/東歐/南亞人等等。咁點算「英式」寄宿呢？

留意，唔係淨係要「寄宿」比例高喎，係要「全」寄宿（即係Full boarding）比例高喎，因為weekly/Flexi boarding嘅學生好多喺呢啲時間一樣返咗屋企唔喺學校，一樣交流唔到喎。嚴格嚟講，應該要Full boarding比例起碼七成先叫真正有英式寄宿嘅體驗。退而求其次，起碼包埋weekly/Flexi boarding都要夠七八成先勉強叫夠啦。

選擇係少咗，不過仲有得揀。

wloi

我自己覺得，識朋友方面，主要取決於仔女性格同際遇...寄宿比例唔會有太大影響..如果性格古宿，full boarding都唔會有朋友。活動就要睇學校規模位置等等...

我細女當年去英國讀 Y10, 係一間大校，Day school為主，boarding主要係international students,以香港人多。到現在還是朋友同有見面的有一位大陸同學加兩位 Day school 英國同學。我女當時，weekend會約同班的Day school同學出去玩，都試過去參加生日會同留宿。當時點解選呢間？主要係見佢GCSE成績唔差,加上大女在這校附近讀大學，覺得會有多些照應...所以都無找太多學校去考。

事實係我大女一個term先meet up 細女一次，我地見細女時間仲多過大女。


跟住sixth form轉校去了一間 full boarding的細校(我細女自己選的，主要係住宿設備同A level成績)...現在還是朋友同會見面的，都係當時少數的international students, 有香港，大陸同非洲同學。咁有幾位英國同學現在同大學，街撞到都會chitchat, 但未熟到會食飯吹水。

如果話活動，大校因為所在地方原因，就多好多day trip, shopping trip..細校呢，雖然係full boarding, 但位置偏遠，活動主要都在校內，加上我女讀sixth form，話唔想同班小朋友出去。

以上只係我見到細女的情況...可能只係少數情況

squeaky

aa4142010 發表於 21-12-1 00:34
想問寄宿生比例低重要嗎？
剛剛報了一間學校有親戚話寄宿生比例低叫我要考慮整到我而家囉囉攣.

我覺得冇乜所謂。就算有500 full boarder ，你都唔會識曬咁多人、同咁多人玩。我女學校boarder 比例都唔係好高，但都有超過多過一半係白人。如果係英國本地人，應該唔會係full boarder。脫歐之後又少咗歐洲人去英國讀書，full boarder 又係白人應該會越嚟越少。今個學期老師已經係weekend 帶佢哋去咗兩次倫敦。我女中六，佢哋weekend 會幾多同學一齊去附近town 食嘢行街，有時會買嘢一齊返宿舍煮，都好開心。學校又有唔同活動比佢哋參加，我女仲話佢識咗好多英國人。

不過寄宿少的話，有時support 冇咁好，例如冇得係學校隔離，又唔會話有車去機場接送

hiddenhero

aa4142010 發表於 21-12-1 00:34
想問寄宿生比例低重要嗎？
剛剛報了一間學校有親戚話寄宿生比例低叫我要考慮整到我而家囉囉攣.

我初時都為左阿仔學校寄宿比例唔高而後悔。 仲念過係咪應該轉。 但係我仔讀落佢話都enjoy。 可能佢參加既課外活動華人比較少， 本地生多。 同埋佢好活躍於語言科目， 同本地生交流都多。

當然週末真係得返寄宿生， 佢sofar 話無所謂， 學校有活動， 得閒可以出去走走。 佢鍾意返學既日子多過break。

咁佢仲有收穫既， 我仔本來國語廣東話都好差（差到一個點…… ） 依家好進步。

咁我地總結呢個時勢不變應萬變……

aa4142010

咁聽完安心多了

sleung2020

squeaky 發表於 21-12-1 12:51
我覺得冇乜所謂。就算有500 full boarder ，你都唔會識曬咁多人、同咁多人玩。我女學校boarder 比例都唔係 ...

我女嗰間boarding ratio九成以上，八成英國人

katrinafu

wloi 發表於 21-12-1 11:21
我自己覺得，識朋友方面，主要取決於仔女性格同際遇...寄宿比例唔會有太大影響..如果性格古宿，full boardi ...

我女讀的學校寄宿生係4成左右， 但Felix 唔多， 由Y7起入讀， 她都是同英國人玩多， 低年級時都有3-4個香港人， 但從未與港人/中國同學同一間房， 同一個set 。 一到Exeat 就會去本土英國同學屋企住（宿舍是開放的） ， 學校星期六都會安排參觀/ Day trip, 星期日都會有活動安排， 其實好多時星期五放學後校方都會安排去看電影， 打保齡球等活動。
至於夜晚功課後的一小時， 係有一個鐘左右自由活動時間， 就會同宿舍同學在Common room 傾計，睇電視電影等。但係一到Year 10 轉變就好大， 因轉為獨立房， 星期六日的活動就自由參與， 星期六會與同學自行外出附近的Town , 食野和補給， 星期日就會在宿舍時間較多， 但通常到呢個年級，同學們的時間都多用來做功課和溫習。
學生性格都有很大因素，由其高年級加入， 我女見到很多新加入同學一係就好積極搵人玩，一係內向的就靜到每日只收埋自己係房間， 學校的必需參加的活動， 先見到她會參與， 但都是唔出聲、唔講野。
低寄宿比例學校不等於一定少活動， 我女當年仲嫌活動多，不太想參加， 由其要上山下海又要玩繩網的活動， 結交英國本土朋友問題當然寄宿比例高的係會多啲， 但Day student 的就是否不認識和不可深交？

wtcys

要睇你孩子是否成日要人陪,又唔鍾意識外國人。我女以前同房台灣人, 又home sick, 又只同講普通話嘅內地人交往, 食飯都係一檯自己人。我女多約外國同學出街 /party, 佢話唔想困住自己。

aa4142010

wtcys 發表於 21-12-1 15:21
要睇你孩子是否成日要人陪,又唔鍾意識外國人。我女以前同房台灣人, 又home sick, 又只同講普通話嘅內地人交 ...

我囝都活潑嘅 外向鍾意識新朋友, 但當然如果好多香港人正常都會同香港人玩啦, 所以我先有呢個擔心唔知寄宿學生少會唔會對佢學英文有影響

aa4142010

sleung2020 發表於 21-12-1 14:21
我女嗰間boarding ratio九成以上，八成英國人

是否男女校？可否推介一下

wtcys

睇佢參加咩活動, 我女鍾意musical, 玩野外訓練, ballet大部分係外國人,keep到英文,亦容易識人。佢平日食飯及最friend都係外國人,睇佢影相就知,連今個聖誕都可住在外國同學家中, 我女係唔想浪費去英國的體驗。你都多些鼓勵孩子踏出第一步。

sleung2020

aa4142010 發表於 21-12-1 15:25
是否男女校？可否推介一下

女校

katrinafu

sleung2020 發表於 21-12-1 14:21
我女嗰間boarding ratio九成以上，八成英國人

你女讀SG ?