喺英國讀書嘅前景

DevilPig

最近同朋友傾開計, 朋友本身係 BC, 屋企人都仲喺英國開舖頭仔,朋友話去英國讀書,好多親戚就算大學畢業,都係做藍領嘅工作,
有啲親戚大學畢業之後,只係可以做住part time或者contract,
或至終都係喺香港搵工容易,叫我三思移民

想問一下, 係英國, 係唔係真係咁難搵到比較好嘅文職工作?

王家爸爸

DevilPig 發表於 21-10-14 23:29
最近同朋友傾開計, 朋友本身係 BC, 屋企人都仲喺英國開舖頭仔,朋友話去英國讀書,好多親戚就算大學畢業,都係 ...

首先，大學畢業其實係一個好籠統既概念，大學畢業之後既前途其實好睇個人既具體情況，個個人唔同。
大學畢業生之間既差異，其實全世界都一樣，以香港為例，鯨魚大學畢業同港大畢業已經好唔同。同樣係理大，放射係同結構工程又好唔同。
喺英國，如果你G5名系高分畢業，你見到既係僱主排隊請你。相反，如果係技術學院轉大學既學校，仲要係水抱科Third-Class Honours畢業，你真係要預咗投百封求職信都無面試既可能性。全世界都一樣，唔同人見到既景象好唔同，無話邊個見到既係啱，邊個見到既係錯。亦無話邊個見到既係真實，邊個見到既係假象。情況就好似 blind men and an elephant 中既 blind men，每個人摸到既野唔同。

Radiomama

王家爸爸 發表於 21-10-15 10:12
首先，大學畢業其實係一個好籠統既概念，大學畢業之後既前途其實好睇個人既具體情況，個個人唔同。
大學畢 ...

同意！朋友在英國名大學工程畢業，回港工作結婚，近日已再次回到英國工作居住。他是有公司向他招手，所以才下決心離開。

王家爸爸

Radiomama 發表於 21-10-15 10:29
同意！朋友在英國名大學工程畢業，回港工作結婚，近日已再次回到英國工作居住。他是有公司向他招手，所以 ...

如果名大學工程畢業，喺英國做工作會更適合。我做電子既，退休前（幾年前）去英國見客，好多客都同我講揾唔到工程師。

wloi

讀邊間大學同讀咩科，在英國代遇完全唔同。牛劍畢業生，在香港係罕見，在英國，每間公司學校總有幾個牛劍畢業生，如果係大公司，就大部份員工都係呢兩間的畢業生。呢班牛劍畢業的主管，又喜歡請返師弟師妹，見工時HR仲會問埋讀邊間college (因為大學30+ college,大學college自己每科都有排名).

就算搵 internship,都係果兩間的學生優先，跟住係G5剩下個3間，再跟住係其他大學。除非係醫那類專科，英國大學的排名，絕對影響搵第一份工。

我兩個女同佢地的朋友就體驗到咁明顯的分別..不過無謂公開講

TTEE1819

我喜歡上來睇野，實在有好多家長佢地好有經驗，又肯分享，得著很多。

唔好局限自己去睇「文職」工作，在英國，做醫生都唔係薪酬高，反而當個技工，搵錢唔少。

elbb

回覆 wloi 的帖子

請問G5名系是指什麼系?

TTEE1819

elbb 發表於 21-10-15 12:22
回覆 wloi 的帖子

請問G5名系是指什麼系?

G5是指：
University of Cambridge
University of Oxford
Imperial College London
London School of Economics (LSE) University College London (UCL)

brother4

DevilPig 發表於 21-10-14 23:29
最近同朋友傾開計, 朋友本身係 BC, 屋企人都仲喺英國開舖頭仔,朋友話去英國讀書,好多親戚就算大學畢業,都係 ...

路過！揾工大情度上靠際遇或認人，朋友個孩子正正是Ｇ５之—大學，昰ＢＣ，文科及喜運動，曾代表大學在河上賽蛙艇選手，畢業後在芵揾唔到工作…好彩在國際公司搵到，要到中國工作…

SmileSmileSmile

我無樓上樓主咁叻同專業，唔識分析，比小朋友出去寄宿，希望佢可以擴闊視野，學懂獨立思考，建立人際網絡

當以上幾點做得唔錯嘅時候，去邊度做事，相信前景都唔會太差

brother4

DevilPig 發表於 21-10-14 23:29
最近同朋友傾開計, 朋友本身係 BC, 屋企人都仲喺英國開舖頭仔,朋友話去英國讀書,好多親戚就算大學畢業,都係 ...

同上各位講得好大學是剛人生開始，不要局限文科。。。有人大學文科畢業回港報醫，現私家醫生

foxli

成績表只係求職上高嘅入場券，際遇其實好緊要，同埋你中學同啲乜嘢同學，大學同啲乜嘢同學嘅家庭背景都有關係，其實英國人自己都知，政府最頂層，或者係私人公司最頂層果班，絕大部份都係傳統私校出身，英國自己當地人都唔係咁多人讀得起私校，八九成都係公立學校，我相信呢個都係其中一個分別。

brother4

brother4 發表於 21-10-15 14:41
同上各位講得好大學是剛人生開始，不要局限文科。。。有人大學文科畢業回港報醫，現私家醫生
...

又路過！外語系畢業，算文科，其中出名名人是馬雲。。。

sp3014

SmileSmileSmile 發表於 21-10-15 14:36
我無樓上樓主咁叻同專業，唔識分析，比小朋友出去寄宿，希望佢可以擴闊視野，學懂獨立思考，建立人際網絡

...

絕對贊同。從來無諗住局限仔女要留係外國、返嚟香港、返去內地發展。

最緊要佢出去見識多咗，訓練到佢獨立自主，佢自己唔係人云亦云，認真思考後要過去邊度發展，我都全力support

wloi

foxli 發表於 21-10-15 14:43
成績表只係求職上高嘅入場券，際遇其實好緊要，同埋你中學同啲乜嘢同學，大學同啲乜嘢同學嘅家庭背景都有關 ...

傳統私校 呢個 concept 在英國係好明顯，牛劍一向都被人話收得太少公校生...咁呢兩年係改收多左公校學生，但始終都係主要收傳統私校學生....

咁私校又真係多些機會認識到英國有錢人。我女sixth form個間學校，有同學家裡開 primark, 有同學家裡在美國開鑽油公司。亦有同學逢放假，都係私人helicoptor 接送...又有人係皇親國戚


我叫佢雖然同佢地唔熟，點都要keep住有connection

20020116

wloi 發表於 21-10-15 16:22
傳統私校 呢個 concept 在英國係好明顯，牛劍一向都被人話收得太少公校生...咁呢兩年係改收多左公校學生， ...

你估咁易打得入有錢人嘅圈子咩

20020116

王家爸爸 發表於 21-10-15 10:37
如果名大學工程畢業，喺英國做工作會更適合。我做電子既，退休前（幾年前）去英國見客，好多客都同我講揾唔 ...

路過，醒起最近朋友搵過我問，奈何我都唔識，現在搭單請問，劍橋大學工系低年級還沒有分主修，朋友個仔想高年級時主修electronic and information technology呢科前景如何？容易搵工嗎？（我都唔知即是讀乜？我淨係答佢香港唔知有冇呢啲工呢？）

王家爸爸

20020116 發表於 21-10-15 17:05
路過，醒起最近朋友搵過我問，奈何我都唔識，現在搭單請問，劍橋大學工系低年級還沒有分主修，朋友個仔想 ...

如果係喺英國同歐洲，其實劍橋工科畢業，已經唔需要擔心搵工。如果係主修 electronic and information technology 呢啲熱門科目，更加容易。香港既情況好唔同，基本上無晒研發（得返科學園啲似是而非既研發），連 Linear Technology、National Semiconductor 等公司既 Application Engineering Team 都係好幾年前搬咗上大陸。中美decoupling之下，我估呢啲公司應該未必會再加人，甚至搬去台灣。而台灣又有自己既堆，香港人好難埋到。如果係我，我會試下轉戰新加坡、美國，或者索性留係歐洲。

LoveChild

wloi 發表於 21-10-15 11:44
讀邊間大學同讀咩科，在英國代遇完全唔同。牛劍畢業生，在香港係罕見，在英國，每間公司學校總有幾個牛劍畢 ...

5G剩下那三間，即係邊三間？

wloi

20020116 發表於 21-10-15 16:59
你估咁易打得入有錢人嘅圈子咩

據我所知，都只係IG關係..畢左業都無講個野