點樣可以令小朋友勤力啲？

LeeCC

yaijing 發表於 20-3-31 11:40
仔仔小六， 學習能力高，記性好。老師都話佢好叻好聰明， 但同時亦係班上最懶嘅一個。 例如作文，求其寫一 ...

我覺得主要原因系佢無目標

popochiny

同我個仔好似，有時真係有恨鐵不成鋼的感覺

小學時我是用利誘的方法：練完琴可打機15分鐘，做一篇閱讀理解15分鐘...... 總之是將你想佢做的和佢想做的掛鈎；再大點就一齊set 一個佢能力所及但稍高的目標，如果佢做到，我都會隻眼開隻眼閉

LeeCC

yaijing 發表於 20-3-31 14:11
你講得啱佢。完全冇目標。因為佢對好多嘢都冇特別大興趣，所以都唔知點樣set目標。 ...

未搵到興趣，或者一直以來所有活動都係大人安排，並非佢自己想參加，所以唔知目的，只知到時出現就得，這點好似我朋友的孩子，做咩都無主動性

小曳人

點解你要話佢唔係資優生？你做咗評估？

anyways資優生當中有唔少係呢d情況，叫做缺乏學習動機，明明學野快記性好，但就係無持久能力，堅持做好佢
一般而言，要等佢遇到伯樂，搵到方向同目標，咁佢就有動力

我識唔少人係咁，最後入band 3中學，唔知hea 到幾時

有個故事可分享，如果無記錯，係某HKAGE 高層P (現任某私小校長) 幾年前同HKAGE家長分享嘅故事 當年，佢教中學，有個佢覺得好聰明又無乜學習動機嘅學生，英文特別差，逃避英文
有日，P sir捉咗佢去傾計...
對話大約係問佢大個想做乜，呢位學生話想做飛機師
P 就話要做飛機師，英文好重要架
從此，呢位學生放多咗精力响英文度，如果無記錯，佢公開試成績唔錯，入到大學

anyways, 先解答孩子：點解我地要學習?
要係一個打動到佢嘅答案

popochiny

yaijing 發表於 20-3-31 14:10
其實我仔都好自動自覺做功課， 就算練琴唔同做補充練習都唔需要利誘也肯做。 只係佢做人冇目標，要求唔高， ...

目標唔一定係要好遠大嘅，我仔小五丶六時，我同佢set 的目標是要入B1中學，初中我地的目標是要達全級頭30% 等高中可以揀喜歡的科目，到高中應該就會有自己的興趣和目標了，輪不到我插手

1998Ruby1998

回覆 yaijing 的帖子

你對資優生嘅理解好狹窄，資優生唔一定數學叻，有啲係圖像、有啲係文字，有啲係領袖能力。你又唔係專家，你又冇受過相關訓練，你點可以一口咬定唔係？正如家長都唔可以一口咬定自己仔女有冇 ADHD 一樣，一定需要專家評估。


唔少資優生仲有其他情緒/行為問題，呢類叫 2e。2e 孩子可以不善社交、讀書唔叻、興趣範圍好廣但對學業冇興趣，但唔代表佢哋唔係資優生。你唔係專家我地唔係專家，只係靠估。

小曳人

yaijing 發表於 20-3-31 15:38
多謝你分享。 以我認知，資優生應該係嗰啲數學超強，IQ 爆分，4歲已經有能力做小四數學嗰啲人。 我個仔肯定 ...

非也~
IQ高過130就係資優，而當中，可能包括數理無乜興趣嘅語言資優，測唔測得到，好睇強項係乜，因為現時嘅智力評估，係針對理解能力，短期記憶，推理等能力

你講嗰d，就係資優特質

試下俾佢學programming，參加創新/發明比賽

好希望同時帶俾大家一個訊息，資優唔一定成績好，更唔一定數學強，因為個測驗係無可能做到創新、領導能力、體育、音樂、藝術等等嘅能力。現時加入HKAGE 小學學員當中，大部份的確係數學及科學，但其實humanity 範疇都有唔少，到中學就會再加leadership等。

小曳人

btw, 四歲數學有小四嘅，一定少於1%，但以智力評估做出嚟嘅資優，係2%，一d都唔少！

我好衰，你越係話佢唔係，我就越覺得佢係！
我實在見得太多，一個二個父母好似見鬼咁，唔想自己嗰件係資優，學習能力超強，但無情緒問題，就話唔係資優，我最討厭呢d！
係~因為我係有情緒問題呢班，但佢四歲時 (K2)，都未有小四嘅數學能力，佢係已經係<0.1% 嗰d，所以，呢個"參考"並不反影真實情況

S-Kwok

小曳人 發表於 20-3-31 14:20
點解你要話佢唔係資優生？你做咗評估？

anyways資優生當中有唔少係呢d情況，叫做缺乏學習動機，明明學野快 ...

唔知係咪講緊同一位P sir呢？
仔前2年嘅校長都係用呢個例子同我哋班學生講

S-Kwok

yaijing 發表於 20-3-31 15:38
多謝你分享。 以我認知，資優生應該係嗰啲數學超強，IQ 爆分，4歲已經有能力做小四數學嗰啲人。 我個仔肯定 ...

試下參加啲比賽，為比賽去學習一種coding, 起碼係一個短期目標。

貝珠

為乜要argue 資唔資優呢？加多個label 就會令小朋友有大d動力咩？

小曳人

S-Kwok 發表於 20-3-31 22:52
唔知係咪講緊同一位P sir呢？
仔前2年嘅校長都係用呢個例子同我哋班學生講
...

應該係，但兩年前佢唔係港島私小校長，應該係仲係沙田直資校長
P sir 真係有心人，响佢眼中，每個學生都無限潛能，個個都係"資優"，只欠伯樂

小曳人

貝珠 發表於 20-4-1 00:10
為乜要argue 資唔資優呢？加多個label 就會令小朋友有大d動力咩？

唔係，而係先改變家長，唔好自訂boundary ，令孩子無咗自由發展空間
其實，孩子係咪資優唔重要，但家長視野只係"聰明好記性，但唔努力"，即係佢視野有限制，未能發掘孩子多方面潛能

S-Kwok

小曳人 發表於 20-4-1 08:48
應該係，但兩年前佢唔係港島私小校長，應該係仲係沙田直資校長
P sir 真係有心人，响佢眼中，每個 ...

係
我仔就係沙田直資嗰間
好多學生、家長都好鍾意佢，尤其我哋呢啲有咁特別嘅小朋友嘅家長，覺得小朋友喺佢眼中不是一夥石頭，而是一塊寶石。我仔都好鍾意佢，連新年大家不著咗同一樣顏色嘅中國衫都可以令佢樂透一番。