中二生, 全級考後十.

知D唔知D

哎, 亞仔本身讀BAND 2學校, 中一有一科唔合格, 今次升中二主要科及有其他科欠幾分先合格, 全班尾三, 全級尾十在內. 叫佢努力奈何佢本身有讀障, 我話下學期如果唔努力就會留班, 同佢講不如轉校去水平無咁深學校佢又哭著叫唔好, 我個心好煩, 夠究去定留返原校?

知D唔知D

但學校會否威迫家長, 學生跟唔到進度要轉校?

GIGI168

知D唔知D 發表於 20-3-18 12:36
哎, 亞仔本身讀BAND 2學校, 中一有一科唔合格, 今次升中二主要科及有其他科欠幾分先合格, 全班尾三, 全級尾 ...

假如佢本身有讀障成績實會影響, 只要佢有用心學習, 有正確讀書熊度, 佢考咁尾都無辧法, 做家長唔可以順便放棄佢.

YmOra

知D唔知D 發表於 20-3-18 12:36
哎, 亞仔本身讀BAND 2學校, 中一有一科唔合格, 今次升中二主要科及有其他科欠幾分先合格, 全班尾三, 全級尾 ...

出年中三要面對選科問題，若然轉校要做足資料搜集，不然就留番低努力改善學習問題。有無與班主任傾過？撇開讀障，孩子是否中程度喜歡讀書都無嗎？

知D唔知D

YmOra 發表於 20-3-18 15:01
出年中三要面對選科問題，若然轉校要做足資料搜集，不然就留番低努力改善學習問題。有無與班主任傾過？撇 ...

上年班主任都對亞仔有關愛,但今年個班主任好像對亞仔不太好, 成日話亞仔有主見唔聽話, 懶散等說話, 所以唔知會否影響到亞仔.

YmOra

知D唔知D 發表於 20-3-18 15:27
上年班主任都對亞仔有關愛,但今年個班主任好像對亞仔不太好, 成日話亞仔有主見唔聽話, 懶散等說話, 所以 ...

我認為對孩子成長有影響，原本有嘅關愛一下子無咗！除非係你的孩子出現問題，否則老師做得不是太好呢！我當你囝囝喜歡讀書，因為見你緊張地問學業問題，否則轉校嚟都無意思，如果真的轉校讀中三，首先要考慮別的中學有無孩子想讀的選修科。

Danielhk

留班不解決問題。我兒子小二，現在如果復讀小一，我估計仍然是班尾。即使讀K3,我都無信心。

所以我認為留班是最無效的做法。堅決反對留班制度。

再看我大兒子班上，有一名留班生。原因不詳。

整個疫情期間功課，她居然一次都未提交。或許人在大陸，或許家中無網絡。但這名留班生學習情況，並不理想。

1998Ruby1998

你呢個問題轉校同留班都解決唔到，留班只會令佢冇信心亦唔會令佢排名前進，轉校只能夠去 Band 3，仲要擔心校風、同輩（除非你願意送個仔去赤航，咁就另話）。

倒不如開門見山同老師說明，仔仔有學習困難，本身已欠缺自信，唔太熱愛學習，所以容易心散，遇著要求高嘅老師，只會越來越抗拒同封閉自己。唔奢求佢分數有大突破，只在乎仔仔認真態度，平平安安畢業，有一門手藝，又搵到一份正當工作就得。你講到咁直白，相信班主任都唔會再有微言。

有啲老師見到學生成績唔得又唔多聽話，就覺得「爛泥扶唔上柄」，之後個學生無論做乜都唔理想，但只要你肯同老師多溝通，表達自己對仔仔嘅期望，咁我諗學校都會畀你仔仔平穩畢業。識個 SEN 小學生，本身成績都唔太好，因為屋企有事搞到成績更差，同社工、班主任傾過，一致認同小朋友留班只會帶來更大打擊，轉校只會令佢更加抗拒唔適應，所以畀佢繼續升班。不如試下同社工傾，等社工都幫下你轉達仔仔情況同需要畀學校。

MrBeast

回覆 知D唔知D 的帖子

讀障的小朋友需要另一種學習方法，香港有個website list out some avail resource, try google 一下，既然佢唔想轉，大家傾下計劃一下。有部印度電影：地球上的星星，試找來看

知D唔知D

多謝大家的意見, 但我現在好心煩, 都唔知點幫亞仔好. 我有諗過, 夠究比佢讀完中三去I讀VTC, 假如佢可以讀到中六考埋DSE, 起碼都可能讀到IVE. 哎, 但我見佢咁款(估計成績), 應該IVE都未必收佢.

Jane1983

回覆 知D唔知D 的帖子

佢點諗？佢對乜嘢有興趣？佢的意願都好緊要，奮鬥有個目標，亦有動力。

little_yolky

知D唔知D 發表於 20-3-20 14:48
多謝大家的意見, 但我現在好心煩, 都唔知點幫亞仔好. 我有諗過, 夠究比佢讀完中三去I讀VTC, 假如佢可以讀到 ...

其實VTC入面有D課程，係銜接青年學院既課程的。當然捱到去DSE，選擇會多好多。

utopian

我嘅情況差不多，不過係中三，就快要選科！
可能唔係唔想讀，而係升中以來都仲未搵到讀書方法，溫咗書分數都係差

ywtsang

回覆 utopian 的帖子

有讀障 ?有冇做評估 ?做左係, 考試有得加時 ....DSE 都有

utopian

ywtsang 發表於 20-3-21 17:00
回覆 utopian 的帖子

有讀障 ?有冇做評估 ?做左係, 考試有得加時 ....DSE 都有

專注力不足，讀唔入腦，加時也沒有用

LingChiBaBa

utopian 發表於 20-3-21 22:28
專注力不足，讀唔入腦，加時也沒有用

S4時成績都係唔理想，到S5時改選Category B 科目.

http://www.hkeaa.edu.hk/en/hkdse/assessment/subject_information/category_b_subjects/

bobbob

utopian 發表於 20-3-21 22:28
專注力不足，讀唔入腦，加時也沒有用

有無睇過臨床心理學家或精神科醫生？

思澄爸爸

utopian 發表於 20-3-21 01:39
我嘅情況差不多，不過係中三，就快要選科！
可能唔係唔想讀，而係升中以來都仲未搵到讀書方法，溫咗書分數 ...

好多人努力温咗書成绩都未到理想。好多原因，例如試题目出得深，學生理解题目能力以至牛頭唔答馬嘴，背書唔夠熟又或背得唔啱自己都唔知...。