有問題唔識想請教

sweetapplebb

有人同我講中學面試要填學過d乜，有證書證明。我女而家P3,佢對咩都無興趣，咩興趣班都無參加，係屋企有時會自己畫公仔。有無人有經驗人話我知，我係唔係一定要叫佢學一樣野?
唔學會有咩壞處? 我對這方面唔多了解，睇下有無人解答我，謝謝!
我同阿女講去學英文會話，佢都唔肯。

Yanamami

課外活动学到既野，書本俾唔到｡而家学校都講求多元智能，齋讀書讀到再叻，都好似剧扒無配菜禁，唔夠色香味俱全｡不过如果為升中，無兴趣夾硬学又係無意思｡試下参加下校內既有既活動，如女童軍之类，玩下运动或跳舞，又或者參加下朗誦辯論之类｡中学都想收d学生又讀得(考好DSE)又玩得(代表学校出賽，為校争光)嘛，唔係坊间禁多兴趣班、泳会、田徑会、樂团……就唔会其门如市啦｡

GreenMaDad

吾好怪我直接，如果小朋友從小吾參加任何興趣班，浄係番學，就吾好諗考中學，跟政府派位就得。
政府派的亦不是不好，甚至可能很適合你小朋友。

Jane1983

同意樓上講。如果除讀書零興趣班零課外活動，係適合抽獎多d。

朋友個女同樓主講的一樣，小學時叫佢學樂器話悶唔想練，運動球類體操游泳，唔係話驚就話教練惡，最後因為成績好，都上到band1女校。但佢女而家見到d同學，成績好之餘，亦週身刀張張利。言談中都有後悔，同埋厚面皮怨亞媽無逼佢

LeeCC

無學野，可以參加制服團體活動，做服務

sweetapplebb

我都想女多少學d興趣班，但係佢連最重要既英文都唔參加。逼就無意思啦唔係佢原意有興趣。
如果佢唔學野，到時真係按政府派位了。
你地考中學意思係自行同私校面試，筆試嗎?
政府派位就唔使面試，筆試?
thx

gracelam

sweetapplebb 發表於 19-2-17 14:59
我都想女多少學d興趣班，但係佢連最重要既英文都唔參加。逼就無意思啦唔係佢原意有興趣。
如果佢唔學野，到 ...

讀官津中學, 自行階段可揀2間中學, 不過要進行面試, 唔會筆試, 及提交小五小六, 甚至有D中學要求小四成績表。 以及其他課外活動證書之類, 不過都係成績行先, 成績越好, 取錄機會越高。

就算乜都冇興趣, 小四小五小六參加制服團隊, 服務性崗位如班長, 風紀, 圖書館理員, 或者義工等等。令心儀中學睇到小朋友唔係只有讀書一面!!

自行階段係增加自己主導權, 如果自行落選, 就跌落大抽獎階段㗎喇!!

MrBeast

有樣嗜好是好，子女是否肯練習，比心去做，父母又是否願意陪行，適當時候支援。othewise, 貼錢買難受，一張沙紙未必對升中很大影響。

sweetapplebb

明白，謝謝大家!

0030

小朋友不想學，迫都無用～我細女都係甘～咩都無興趣～除了打機，睇電視～

little_yolky

sweetapplebb 發表於 19-2-17 12:54
有人同我講中學面試要填學過d乜，有證書證明。我女而家P3,佢對咩都無興趣，咩興趣班都無參加，係屋企有時會 ...

其實唔計升中, 咁宅都唔係幾好。

kwokbobo

IloveJJ 發表於 19-2-18 11:02
經歷緊升中，發覺如果目標係直資學校，課外活動的確好重要，唔止係有，係要強，同校去申請直資的，即使級 ...

請問什音樂朗誦?係點架?是一個考試來嗎?

kwokbobo

IloveJJ 發表於 19-2-26 12:04
唔係，係話佢有音樂突出表現，朗誦冠軍啫

oic, 謝謝，咁請問如果有參加活外活動，但只是當興趣班咁學，但又無特別突出的活動成績，咁係咪都係無用?同無學無分別?

bobbob

kwokbobo 發表於 19-2-26 12:08
oic, 謝謝，咁請問如果有參加活外活動，但只是當興趣班咁學，但又無特別突出的活動成績，咁係咪都係無用? ...

我覺得有學好過無學，就算無獎攞，過程中總有得益

bobbob

IloveJJ 發表於 19-2-18 11:02
經歷緊升中，發覺如果目標係直資學校，課外活動的確好重要，唔止係有，係要強，同校去申請直資的，即使級 ...

其實真係未必，係你唔好彩啫，識人無乜課外活動（無攞過獎），一樣考到神直，你target嗰2間識人無乜eca強項都入到（其他男神校就真係要啦），到頭來似乎成績緊要啲

kwokbobo

bobbob 發表於 19-2-26 12:16
我覺得有學好過無學，就算無獎攞，過程中總有得益

我都明白，現代的小學生生活已很忙，如果活動要有成績，其實要花時間、心血去練，我不想迫小朋友去學，只想揀樣佢喜歡的活動學下，但如果學下又唔取出活動好成績，好似有d浪費