讀國際學校可變得合群愛群體生活嗎?

腸仔豬仔飽

小朋友在人前很被動, 不多說話, 如果見多幾面的人會願意多講一兩句。

很擔心子女會有宅男/電車男既傾向, 唔知入讀國際學校, 會否令佢地變得外向主動型呢?

本地傳統谷的名校會否令情況更槽,例如:不主動, 學校會令佢少發言等?

有人話多參予多些課外活動也可以令小朋友主動外向, 還是轉讀國際學校會更快更直接改變一個人的性情?

謝謝大家~

Radiomama

腸仔豬仔飽 發表於 18-8-24 10:43
小朋友在人前很被動, 不多說話, 如果見多幾面的人會願意多講一兩句。

很擔心子女會有宅男/電車男既傾向,  ...

你描述的小朋友幾多歳？

國際學校會有一個環境讓小學生從小開始做presentation, 特別是IBPYP, 家長日叫3-way conference, 即是由學生自己報告全年學習及表現。過程會見到小孩一年比一年進步。

但國際學校也會有性格內向和文靜的學生，不一定個個都活潑開朗。

mandy_ng207

回覆 腸仔豬仔飽 的帖子

我都可以分享少少。
我仔N讀local，K1轉國際，讀左一年，個人的確活潑開朗左好多。
不過佢本身有少少language delay，唔知係咪純粹長大了語言能力好左所以多野講左。
我好鐘意現在學校的老師，課程和同學仔家長，這是轉國際的最大得著。我仔就算到了現在（4歲）比起其他同學都算靜和怕羞，可能是天生的，要改也改不來。

腸仔豬仔飽

回覆 mandy_ng207 的帖子

佢而家三歲呀, 家中就表現自我, 學校就表現得怕羞及要多加鼓勵先會答問題, 人多都不說話, 人少就會同同學仔傾下計笑下咁, 我怕讀本地谷的學校會更佢受到好多束縛, 更文靜, 更內向。
但都有考慮到就算國際學校都有文靜內向既學生,所以好爭扎好唔好轉校?
俗語有話三歲定八十嘛... 想佢可以外向合群D...

Radiomama

腸仔豬仔飽 發表於 18-8-24 14:19
回覆 mandy_ng207 的帖子

佢而家三歲呀, 家中就表現自我, 學校就表現得怕羞及要多加鼓勵先會答問題, 人多 ...

三歳男仔，自我一點是普遍現象；除非屋企已有哥哥家姐一齊成長，才會有所不同。
國際學校的教育環境有助孩子，經濟條件許可不妨考慮。

木子兔媽媽

Maybe you can consider to have assessment on his social skills, language and ? tendency of elective mutism in child assessment centre first. Both local & IS has SEN support

腸仔豬仔飽

Radiomama 發表於 18-8-24 14:40
三歳男仔，自我一點是普遍現象；除非屋企已有哥哥家姐一齊成長，才會有所不同。
國際學校的教育環境有助孩 ...

怕就怕讀左國際都無助佢外向, 因為我都明白讀國際學校入面都會有文靜內向的學生, 不過就希望可以令佢好D冇咁封閉咁..

dem0cracy

有一點要考慮嘅係國際學校幼稚園至year 1收生係睇面試表現，主要係觀察個小朋友識唔識英文。如果小朋友好內向，面試時唔肯講嘢，加上係本地人，好容易被學校當佢唔識英文。

樓上有人提到IBPYP，但問題係內向嘅小朋友入唔入到…我睇身邊見到嘅case，行IBPYP嘅學校傾向收啲chatty嘅學生。

safeway

腸仔豬仔飽 發表於 18-8-24 15:37
怕就怕讀左國際都無助佢外向, 因為我都明白讀國際學校入面都會有文靜內向的學生, 不過就希望可以令佢好D冇 ...

唔好神化國際學校啦～ 放遠啲咁睇，如果國際學校真係可以大幅度改變人的性格，唔通全部西方國家就無文靜內向，不善言語嘅人？

讀國際學校唔係仙丹妙藥，只是另一種教育模式，唔好搞錯焦點

Radiomama

腸仔豬仔飽 發表於 18-8-24 15:37
怕就怕讀左國際都無助佢外向, 因為我都明白讀國際學校入面都會有文靜內向的學生, 不過就希望可以令佢好D冇 ...

你個仔才3歳，慢慢做好家庭教育和均衡生活，不要杞人憂天吧。

認同樓上所講，國際學校不是萬靈丹；先了解不同的教育制度再下決定。

hitommycc

腸仔豬仔飽 發表於 18-8-24 14:19
回覆 mandy_ng207 的帖子

佢而家三歲呀, 家中就表現自我, 學校就表現得怕羞及要多加鼓勵先會答問題, 人多 ...

可以分享一點，因我仔幼時性格差不多也是這樣，內向害羞不愛講話，遇陌生環境會不開心，五歲入IS，兩年後變開朗起來，愛聊愛笑，有幾年未見的長輩說他彷彿變成另一個孩子，誇張點，但確實轉變很多。假期帶他去國外參加類似camp的活動，兩百個孩子同家長一共五百人，他一直很踴躍地舉手發言，有問題會自己去主動溝通，在以前我是無法想像的。雖然只是一個單獨例子，但如果可以給別人一點點建議，我會說轉IS愈早愈好。

Monstereasy

腸仔豬仔飽 發表於 18-8-24 10:43
小朋友在人前很被動, 不多說話, 如果見多幾面的人會願意多講一兩句。

很擔心子女會有宅男/電車男既傾向,  ...

點解要妀？内向亦有内向優點。
我兩個小朋友，一個外向，主動但同時衝動，創意創造力高喜歡發問，不喜歡框框下學習，就讀在國際學校發揮得好好。
另一個内外，被動但文静又細心，喜歡在指示下學習同樣能在學習中得到滿足感，就讀本地傳統學校，老師非常欣賞佢專注守規矩，同樣發揮到佢既優點。

LittlePanMama

Monstereasy 發表於 18-8-25 09:41
點解要妀？内向亦有内向優點。
我兩個小朋友，一個外向，主動但同時衝動，創意創造力高喜歡發問，不喜歡框 ...

我囡都係好守規矩，慢熱，唔鐘意成為焦點，我都諗緊係咪傳統學校比較適合佢，因為佢依家讀本地國際幼稚園，返學都唔肯同老師講英文，只講廣東話

Monstereasy

LittlePanMama 發表於 18-9-11 13:57
我囡都係好守規矩，慢熱，唔鐘意成為焦點，我都諗緊係咪傳統學校比較適合佢，因為佢依家讀本地國際幼稚園 ...

我認為我囡囡係傳統發揮到佢既優點，而且佢因為自己守規矩做得好有老師讚而自豪。

有試過去IS playgroup, 佢所有反應比人慢，因為佢係觀察型，睇得好清楚佢先比反應，節奏跟唔上，見佢唔開心。而且好多時無model answer open ending questions, 佢會好迷失。
平時係學校，老師問完問題一定坐定定，老師再慢慢揀人答，佢有足夠反應時間，而且答案一般係model answer, 佢有自信去答，我覺得阿囡需要一個框架令佢有安全感。

當然每人選擇不同，有人會覺得不夠主動選擇活動教學希望令佢改變，而我選擇順勢而行。

我自己比較喜歡國際學校教學模式，不過我覺得傳統學校比較適合阿妹。

健次郎朋友

腸仔豬仔飽 發表於 18-8-24 10:43
小朋友在人前很被動, 不多說話, 如果見多幾面的人會願意多講一兩句。

很擔心子女會有宅男/電車男既傾向,  ...

除非一開始就讀國際學校，中途加入學校，內向的小朋友很難交到朋友，因為其他小朋友和家長一般是由幼兒班已經是朋友，你很難加入核心既內圍，正所謂 play day 都唔叫你。反而留在傳統學校個個返學日都很忙，只有放假才能 join 下暑假期活動，所以多數都會約同學一起去。

健次郎朋友

safeway 發表於 18-8-24 17:12
唔好神化國際學校啦～ 放遠啲咁睇，如果國際學校真係可以大幅度改變人的性格，唔通全部西方國家就無文靜內 ...

非常同意，不要神化國際學校，每年中學畢業入唔到大學其實都有很多人。想要孩子成功，家庭教育和小孩本身努力先是最重要

964000

.....

964000

腸仔豬仔飽 發表於 18-8-24 15:37
怕就怕讀左國際都無助佢外向, 因為我都明白讀國際學校入面都會有文靜內向的學生, 不過就希望可以令佢好D冇 ...

不過若你只以「想佢性格變得外向」作為選IS的原因，而非真正了解和喜歡它的理念，恐防會失望，因為IS不是萬能，裏面讀的孩子也一樣會有不同的性格問題。

964000

健次郎朋友 發表於 18-9-11 20:21
除非一開始就讀國際學校，中途加入學校，內向的小朋友很難交到朋友，因為其他小朋友和家長一般是由幼兒班 ...

太內向的小朋友，其實想融入也不易，插班更是挑戰

LittlePanMama

Monstereasy 發表於 18-9-11 14:14
我認為我囡囡係傳統發揮到佢既優點，而且佢因為自己守規矩做得好有老師讚而自豪。

有試過去IS playgroup, ...

你既見解真係好透徹，我囡真係同你細囡一樣，我俾佢讀國際幼稚園都係想嘗試可否令佢變得主動，不過愈黎愈覺得性格係天生，佢應該都會覺得喺框架裡面比較有安全感。