來自老爺奶奶的壓力，求意見！

angel-papa

今天，老爺奶奶的一些說話，令我一直耿耿於懷⋯⋯很懷疑自己的選擇對小朋友是否正確⋯實在好想在這裏分享一下自己的心情。我當然明白名校不是我想入，學校便會收，不過聽完他們的一番說話，實在令我增添不少壓力。


細女嚟緊九月上K1，相比哥哥同齡的時候，性格算是較主動、外向，喜歡主動撩小朋友玩耍，亦喜歡主動同大人打招呼。溝通能力我覺得只屬一般，可以用完整句子英文對話，爺爺嫲嫲都認為可以試吓抽某間女名校，又有小學中學一條龍，而且有免費學費。

（續⋯）

angel-papa

angel-papa 發表於 18-6-18 02:07
今天，老爺奶奶的一些說話，令我一直耿耿於懷⋯⋯很懷疑自己的選擇對小朋友是否正確⋯實在好想在 ...

更說我們應該現在就給她學多些音樂彈琴之類的，運動方面就要學溜冰⛸️（完全不明白為什麼要學溜冰⋯(emoji)(emoji)) 說名校都喜歡收這些運動

不過我同老公都一直認為不用特別考那些催谷的小學，這樣大人小朋友也非常辛苦。亦不認為名校出來的成就一定比普通小學的成就好⋯更何況哥哥現讀的私立小學也是不錯的選擇，不算太谷，老師也很好有愛心！不過弟妹弟妹都需要面試才能入讀，而且有沒有中學。不過，我和老公都已經打算好妹妹將來入讀同一所小學或同類型的小學。

angel-papa

angel-papa 發表於 18-6-18 02:08
更說我們應該現在就給她學多些音樂彈琴之類的，運動方面就要學溜冰⛸️（完全不明白為什麼要學溜冰⋯(emoj ...

因為咁，老公就同老爺奶奶有些少拗撬，各持己見更說道：女兒是你們的，你想她如何就如何。現在只是給你們一些意見，你們不接受，就隨便你們！但可以嘗試的，為何不嘗試讓她入校試試看，可能他真的可以追得到課程呢？⋯

說實話，我不是抗拒或不喜歡某間名校，只是我也需要返工的媽媽，現在每天放工回家也要管理哥哥的功課或測驗考試。將來加了妹妹，而且還是一間名校的說話，自問我真的可能無法管理得到咁多⋯(emoji)(emoji)  但是如果因為我自己的能力已抹煞了妹妹入學的選擇，到底我是否出錯呢！？

（續⋯）

angel-papa

angel-papa 發表於 18-6-18 02:09
因為咁，老公就同老爺奶奶有些少拗撬，各持己見更說道：女兒是你們的，你想她如何就如何 ...

另外的就是，我實在未知妹妹的學習能力是如何，雖然她的學習能力都似乎比哥哥強一點點，不過她真的會是入讀名校的資質嗎？我不確定我是否看小了自己的女兒，（因為自己不是名校出身）可是就是覺得比自己女兒好的還有一大堆⋯

最重要的是，我認識有朋友在該名校讀書，小一的頭幾個月學期每天上學都是不高興的，回家後一說到學校的事情，眼睛便會紅了起來，因為小朋友已經覺得很有壓力，老師亦很嚴謹，功課默書測驗亦很緊張(emoji)⋯⋯ 我真的感覺這種生活對小朋友來說一點兒也不健康⋯

angel-papa

angel-papa 發表於 18-6-18 02:11
另外的就是，我實在未知妹妹的學習能力是如何，雖然她的學習能力都似乎比哥哥強一點點，不過她真的會是入 ...

可是老爺奶奶麻番說話，就一直在我心入面耿耿於懷⋯ 到底是我膚淺，還是我真的抹殺了妹妹入學校嘅選擇呢？(emoji)(emoji) 很矛盾！

知道寫得有些長氣，但求有心人比些意見⋯

（完）

HaYi

我2個都是仔, 讀較輕鬆的直資,  在職媽媽.   但好多朋友都是一仔一女, 女仔的選擇的確比男仔多, 選免費又名校, 如果我有女可能都會試. 我又唔覺得你2長老是錯的.

女女入讀的是咩類型幼稚園? 不如一直觀察K1表現合唔合傳統的學校, K2先決定抽唔抽名校 (是天神 / St Mary ?).  仔仔是邊間私小? 如是救恩可能煩些, 如是其它的可以hold 學位照抽的就可以有backup. 真抽唔到名津都可以回頭手上私小.

如果真係覺得仔女一齊教會辛苦, 其實就算同校都可能因為P1己改的要求不同而發生,  到時真有需要就請外教吧,
續..
溜冰我覺得好學列手腳協調同平衡. 我遠些都每個夏天俾我個2個學, 有summer course, 試下無壞.   

yungyungchu

angel-papa 發表於 18-6-18 02:12
可是老爺奶奶麻番說話，就一直在我心入面耿耿於懷⋯ 到底是我膚淺，還是我真的抹殺了妹妹入學校嘅選擇呢？ ...

如果是天神和st Mary 我都(emoji)卻步了。 但名女校又可試真光, 但幾好 , 而課㚈活動, K1太早了吗?

伍sir

我贊成維持你同老公的共識，跟哥哥返同一間其實都唔少好處。大家(你同老公)有左共識後，至於長輩意見其實好易處理，表面聽佢地話照報，實際上hea面試，咁做唔會破壞關係，又可以跟返你地自己計劃，一石二鳥！

talknwrite

如果長老唔介意帶出帶入, 又可以看住佢練習唔准偷懶, 咁就好囉!
最怕佢哋先投降!

Jane1983

你6299關心孫女，比d意見，幾好呀，只要唔係逼你跟佢就得，無需太介懷。你女先K1，你聽吓唔同意見，考慮清楚小朋友資質、性情和你家庭的情况，去作决定。最後無論你比個女去名校或去亞哥果間，你都會心安理得，唔會second guess自己。

好似我之前住31網，有St Mary，甲部亦可以抽Maryknoll，但我地連大抽獎都無參加。人最緊要知道自己要乜，咁人地講乜都唔會令你唔開心。

assado

選校是因材而去選擇合適學校, 最了解小朋友是父母, 所以父母有共識就可以。

MrBeast

angel-papa 發表於 18-6-18 02:07
通能力我覺得只屬一般，可以用完整句子英文對話，爺爺嫲嫲都認為可以試吓抽某間女名校，又有小學中學一條龍，而且有免費學費。

1. 淨呢句，入到程度高小學中文你一定死硬
2. assume大仔C校冇中學，不聽老人言⋯

3. 抽=大抽獎？抽到再諗

MrBeast

angel-papa 發表於 18-6-18 02:08
更說我們應該現在就給她學多些音樂彈琴之類的，運動方面就要學溜冰⛸️（完全不明白為什麼要學溜冰⋯(emoj ...

女仔溜冰好，我見玩得叻身形都超fit，大個唔洗殲體 ，不過頗貴

GreenMaDad

如果"名校"是抽的，就不需要學好多野去考，咁點解吾去抽呢？

有一條龍中學其實係好重要, 可能到大仔要考中學時，你會覺得你同小朋友都好辛苦，到時可能會後悔沒有同細女試一條龍小學。

mimi222shi

選校2公婆有意見分歧都大把，6299你自己睇下需唔需要理會。

yubaba

溜冰對個人發展是Ok的。學校是否鍾意, 我覺得就一般。

MrBeast

angel-papa 發表於 18-6-18 02:11
另外的就是，我實在未知妹妹的學習能力是如何，雖然她的學習能力都似乎比哥哥強一點點，不過她真的會是入 ...

咁你兩公婆心儀什麼小學？若入／考不到whats ur plan b?

1998Ruby1998

果兩間一條龍係你話抽就抽到咩？
不過唔好睇少直屬同一條龍帶來嘅好處。宜家先 K1，你點知佢唔會變好？我一年冇見一個小朋友，佢由唔識英文怕英文，變得有鬥心同識講好多英文。就算讀書唔太好，真係得個 Band 2，直屬同一條龍可以保障你升到上去好中學。

assado

MrBeast 發表於 18-6-18 09:34
女仔溜冰好，我見玩得叻身形都超fit，大個唔洗殲體 ，不過頗貴

小朋友學溜冰, 班上都吾太貴。

Jane1983

學溜冰，幾靚、幾好玩，但真係唔覺對考學校有任何幫助，係任何。