請問有冇人可分享下ORT對小朋友有咩好？

lamlamlamchong

呀女讀緊k1,爸爸媽媽英文唔太好，想呀女自學英文，買Oxford Reading Tree比較好？應該如何去買，因為我見有好多冊，淘寶又有，有冇用家可分享下，多謝！

momo_cheung

....

scgift

無論一套教材有幾好，小孩總需要大人引導/教導才能有效學習。如果家長認為自己英文唔好/唔識教，與其要求小朋友自學，倒不如幫小朋友報英文班俾人教吧。

lamlamlamchong

momo_cheung 發表於 18-4-22 12:04
K1 小朋友自學，我覺得發揮唔到ORT 最大用處，因為入面有好多互動，同佢一齊睇先有趣味。就算一本簡簡單單 ...

多謝你回覆，睇來我可以同女女一齊學:dadday:

lamlamlamchong

scgift 發表於 18-4-22 13:24
無論一套教材有幾好，小孩總需要大人引導/教導才能有效學習。如果家長認為自己英文唔好/唔識教，與其要求小 ...

多謝你回覆，俾人教會等大小小先

scgift

lamlamlamchong 發表於 18-4-22 13:32
多謝你回覆，俾人教會等大小小先

咁家長要加油，同小朋友一齊學吧。喺淘寶買ORT點讀版+點讀筆，同小朋友一齊睇。唔好要小朋友自己點點下自己睇來"自學"。

lamlamlamchong

scgift 發表於 18-4-23 09:27
咁家長要加油，同小朋友一齊學吧。喺淘寶買ORT點讀版+點讀筆，同小朋友一齊睇。唔好要小朋友自己點點下自 ...

Okok,thank u!

sushimama

ORT 圖書館有好多，很方便借回家跟小朋友一起閱讀，我沒有用點讀，小朋友會慢慢pick up 的，因為內容keywords 會不停重複，每個level 有系統咁加上去

千語mami

請問伴讀ORT,大家會讀到小朋友認得所有字先換書，還是讀完一兩次就換書呢？通常頭幾個level, 幾耐可以finish 1 level 呢？

scgift

千語mami 發表於 18-11-6 00:45
請問伴讀ORT,大家會讀到小朋友認得所有字先換書，還是讀完一兩次就換書呢？通想頭幾個level, 幾耐可以finis ...

我主要陪讀到stage 3。阿囡由stage 4開始自己朗讀，佢讀完一頁我再讀一次+解釋。到stage 6佢多數已唔要我讀/解釋，覺得我拖慢佢睇書既速度。我地每本只讀1次，除非佢好鍾意個故事(stage 5後才偶然發生)才會翻睇1次。有數得計，如果勤力每日睇一本既話就會好快睇完一個stage(當然冇咁勤力)。

千語mami

scgift 發表於 18-11-6 11:56
我主要陪讀到stage 3。阿囡由stage 4開始自己朗讀，佢讀完一頁我再讀一次+解釋。到stage 6佢多數已唔要我 ...

多謝分享

Cacameister

scgift 發表於 18-11-6 11:56
我主要陪讀到stage 3。阿囡由stage 4開始自己朗讀，佢讀完一頁我再讀一次+解釋。到stage 6佢多數已唔要我 ...

想請教，有時叫小朋友朗讀ort，佢隻隻字都要諗,或者好多都唔識讀，就讀得好慢，讀完佢個樣好似好無癮咁。如果跟住我讀，就讀得快，但佢其實又冇認到d字，因為只copy我嘅讀音。
應該由佢自己朗讀，唔識先教（但讀嘅時候勁唔流暢）對認字有效d？定跟我讀（流(emoji)d有多d自信先）有效d？

教認字嘅過程好難，想過程愉快又學到野，但唔目標為本（唔針對認字，只係我陪讀），認字真係認得好慢，特別英文字

小朋友現在k2,細b

scgift

Cacameister 發表於 18-11-7 08:27
想請教，有時叫小朋友朗讀ort，佢隻隻字都要諗,或者好多都唔識讀，就讀得好慢，讀完佢個樣好似好無癮咁。 ...

個人覺得如果用ort來認字，其實同中文用青田圖書去認字一樣，要小朋友反覆讀好幾次才認到啲字，個人來講係唔會咁做。阿囡自己朗讀ort係靠phonics去拼讀，唔需要靠死記去認字。如果冇phonics底子既話，個人覺得家長伴讀小朋友跟讀會比較好。由少字的開始，讀讀下就會認到。

picalo

Cacameister 發表於 18-11-7 08:27
想請教，有時叫小朋友朗讀ort，佢隻隻字都要諗,或者好多都唔識讀，就讀得好慢，讀完佢個樣好似好無癮咁。 ...

認字要先認sight words

短字認起，好似串字咁，三個字母開始

開頭如果吃力

佢讀sight words, 你讀其他

但你要佢指住讀

你讀佢聽亦要指住

其實認字快慢各人不同，小朋友圖象記憶好會易d（尤其係中文）

picalo

ORT的好處係前面的level sight words 為主
用重覆的句子令小朋友易掌握

中後level不再重重覆覆，有故事性，不似青田或漢字基礎無聊

而相同角色由level 1 一路上，小朋友易投入

利申：我不是sales

熙熙M

scgift 發表於 18-11-6 11:56
我主要陪讀到stage 3。阿囡由stage 4開始自己朗讀，佢讀完一頁我再讀一次+解釋。到stage 6佢多數已唔要我 ...

請問你小朋友幾大開始呀？因我小朋友依家先得15個月。如果每本書只讀一次我會覺得佢完全吸收唔到喔

ngakiho

熙熙M 發表於 19-11-5 15:24
請問你小朋友幾大開始呀？因我小朋友依家先得15個月。如果每本書只讀一次我會覺得佢完全吸收唔到喔 ...

我個時跟number讀，每星期讀5本重覆跟書讀，有時當佢中文書咁全中文讀。我2個女都係識坐我就伴讀，果效幾好，大女幼稚園可以自己讀到，細女而家就黎2歲，佢都好鐘意睇！

scgift

熙熙M 發表於 19-11-5 15:24
請問你小朋友幾大開始呀？因我小朋友依家先得15個月。如果每本書只讀一次我會覺得佢完全吸收唔到喔 ...

15個月大重點培養閱讀興趣就夠了，小朋友喜歡的故事自然會自己要求重複又重複咁睇。文字敏感期係4歲左右才開始，3歲半前我只是用口語講故事，指住啲圖畫描述下。我一直到K1下學期學校開始要認字才正式俾個女認睇基礎漢字500去認中文字，K2聖誕後才開始要佢運用phonics拼讀英文書。K3下學期開始可以自行閱讀中文橋樑書及英文簡單章節故事。

Cheeselover

我記得我從N班時開始每晚跟女兒伴讀15分鐘，直到P1, 由level 1 到9, 不時重覆，由她決定，我重來沒有刻意想她認得什麼字，開始是伴讀，後來是我讀一頁，她讀一頁，最後是她自己閲。
她現在英文能力不錯，英文是浸出來的，不用太著緊識多少字和讀得怎樣，不要設下目標，要令孩子不討厭英文就可以，在生活中提供多些語境給孩子。

Tanyafish

lamlamlamchong 發表於 18-4-21 17:08
呀女讀緊k1,爸爸媽媽英文唔太好，想呀女自學英文，買Oxford Reading Tree比較好？應該如何去買，因為我見有 ...

最好讓小孩在外面上下phonics, 然後買套有點讀筆的ORT讓小孩可以點開來讀。當然自己伴讀到最好，但就算真係唔得，ORT的故事很有趣。如果有phonics 和sight words (可youtube學）的根基然後伴讀就事半功倍。