成績大退，冇責任感中一生

qooqoofans

升上中學後放手比囝自己做功課/温習。第一測已只是及格水平。今日見班主任取成績表。5科不合格，平均分只有50.x, 全班第尾。
伛自己一早都知，返來吾講，吾覺得這成績好大問題。
小學時我跟足功課，測考必放假陪讀。
成績都有中上，入返B1中學。

我甘快放手是否我的錯？

qooqoofans

伛自己懒懒嫻，軟皮蛇。鬧也鬧過，道理又講過。但自身吾上心，我真係吾知點教。

Yanamami

“小學時我跟足功課，測考必放假陪讀。”

佢从來無自己搞掂过，你亦从無引導过讀書係佢責任，禁又点可以指望佢升中会变左另－个人呢？

放手係要放，但都要睇人睇情况~~我女小－时我已唔check功課，因為佢幼稚園已識自动做好功課執埋書包｡小学亦自己温書，我最多係出題考佢温好未，从唔洗陪讀，升中全放手先無问題｡但你情况係小学－直跟足功課請假陪讀，升中真係唔可以－刀切—下子放哂手｡想中学放手，小学就得开始訓練。責任感係需要培養，而且係要从小培養，青春期好难搞……

2jkidsfather

qooqoofans 發表於 18-3-3 20:54
升上中學後放手比囝自己做功課/温習。第一測已只是及格水平。今日見班主任取成績表。5科不合格，平均分只有 ...

漸進, 好過忽然完全放手

crazyhippo

1. 錯就錯在你沒有從協助佢去找佢的讀書方法, 只是你叫佢行就行, 企就企. 佢從來都吾知自己要怎做才達標, 佢只係一部讀書機器, 無靈魂! 你突然放手, 你叫佢點好?
2. 課稅只會愈來愈深, 你想跟都難
3. 如你想放手, 都要試下問下進度

1998Ruby1998

你唔覺得，係你放手太遲了嗎？

測驗考試陪太子讀書我還能理解，但是功課「跟足」，這個很多幼稚園生都已經沒有了。因為佢知道自己唔急沒有問題，還有媽媽急，可以依賴你。你沒有讓過你的兒子「自動波」，他又怎麼可能一下子自己完全 pick up 到？咁樣同揼唔識游水嘅小朋友落海一樣。

現在還只是中一，有時間讓他自己找讀書方向。慢慢放手，由功課開始，再到測驗考試。

Yanamami

1998Ruby1998 發表於 18-3-3 22:49
你唔覺得，係你放手太遲了嗎？

測驗考試陪太子讀書我還能理解，但是功課「跟足」，這個很多幼稚園生都已經 ...

“揼唔識游水既小朋友落海”~so on point. I like it!

asweetmom

無責任感的其實是樓主，突然放手，難道會出現奇蹟？但也不是沒有得着，起碼知道兒子自己的實力就是平均50.x。肯面對現實，及早改善才是，還來得及。

^—^

樓主，好多人都小學跟到好足，我自己個小朋友啲考試測驗的溫書，我自己都會跟到好足，但係佢平時課外活動嘅功課，有時我知佢溫得掂的默書或者佢平時學校嘅功課特別系要搵資料嘅功課，我就由佢自己來.......佢自己去搵都係一個學習課程……

佢上到中學，初第一個學期，考試嘅時候，我都有跟一跟，因為多咗好多佢小學冇嘅科目，好似地理， 歷史，俾個guideline佢 點溫，到下學期先至完全放手......到完全放手，佢先可以搵到一個方法佢點樣去溫習....其實都要慢慢探索.....

小朋友到中學你放手係好啱，但係真係唔係一下子放手，係慢慢一步一步咁放手，亦都比佢慢慢適應，我覺得如果你跟到好足一下子放晒手，其實就會突然間覺得佢成績退步左好多⋯⋯佢亦無所適從....

洋蔥頭媽咪

qooqoofans 發表於 18-3-3 20:54
升上中學後放手比囝自己做功課/温習。第一測已只是及格水平。今日見班主任取成績表。5科不合格，平均分只有 ...

樓主最尾一句 “我甘快放手是否我的錯“， 我會話太遲放手才是你的錯。樓上許多網友已經指出重點，我亦不再重覆，只想說放手係要有方法逐步去放，而且家長亦要在後面作支援，孩子才能慢慢地在錯敗中學習、成長。

還有個重要的問題就是孩子學習態度，要明白孩子能力未達還可以幫倒佢，但態度差/懶散呢啲，若佢自己不願改就真係神仙難救，所以我個人極反對孩子在小學階段時家長貼身去跟功課、跟測考，小朋友容易欠缺責任感，影響深遠。
樓主現在應與兒子約法三章，重新檢討兒子學習方式，適量收緊孩子自由度，逐步改善佢嘅學習態度。

brother4

可能是一條龍定中學要求高？盡力定未起步？有很大分别

b3410

我覺得又未必是放手遲早的問題。同學學習動機如何？如果同學自己一心也想學業方面進步，方法方面可以慢慢調節。

cmir

我好明白樓主, 因我預見我個仔都會一樣。高小面對呈分, 唔敢放。唔係唔想放, 係放唔到, 一放手, 就hea. 軟皮蛇, 唔溫。小朋友自細性格無目標, 無自我要求, 就算遇到鍾意運動, 一要擺effort就覺辛苦, 試過好多方式都改唔到。唉....

cmir

苦口婆心勸過, 嚴厲訓示試過, 都係咁。應承你, 轉頭又故態復萌, 真係好嘔血

cmir

IloveJJ 發表於 18-3-5 14:46
咁你真係要有心理準備。我老公就係咁，所以當佢入了名中之後，更無動力，最後就是墊底。
所以我現在常教仔 ...

我明呀，但最慘佢唔care，無大志。 點都motivate 唔到佢

Isaacmommy

cmir 發表於 18-3-5 14:57
我明呀，但最慘佢唔care，無大志。 點都motivate 唔到佢

無大志的軟皮蛇最難搞，佢唔 care 將來揾唔揾到錢，話唔使買樓，一世住在家裏！