net 14 佛教康山 20分都要抽

子翹

其實呢間好好，睇到好多人留言都句句有骨咁，唔明點解要咁？如果只因為曾經係寶校而受到攻擊，都好無辜。上年K2，喺我揀校list,呢間註明：寶校之一，但比較好，到今年要揀校，我就去左聽講座，了解呢間野，睇下做唔做到保險線。
聽完後，真心好鍾意，但要說服自己，一來因爲佛教，從未讀過佛教學校，二來，要搭車..
去埋另一間心水，丹循既講座，仲掙扎不止，就狂上網搵多啲兩校資料，睇左好多訪問、兩校網頁都比我碌到爛，最終就揀左康山。

希望大家唔鍾意呢間學校既人，都了解左先鬧，同埋，問多啲用家意見先好鬧，OK?

子翹

補充下，點解樓主會知20分要抽，我相信係問職員，因為我都問過，佢話今年好多20分，的確要抽先有機會中，我好彩14區，乙1好大機會會中返。

子翹

14區，無宗教既學校，例如滬江、太古，機會一樣微乎其微，而家呢2間都幾谷，真心想輕鬆少少既，又唔會揀呢2間，丹循、北循、衛理，三間又無得比15分玩，當然，我決定康山前，無諗過今年連康山都比唔到15分玩，但係，要博111，我相信機會好大，始終14係真係間間都大熱，康山放乙2、乙3多，乙1暫時未上到

子翹

happypapapa 發表於 17-9-27 21:08
如你得15分，自行又選左康山但萬一抽唔中時，其實你有機會成本，因為好多同區超熱小學都要1-1-1 睇你誠意 ...

但係，例如丹循咁，所謂111誠意分加比你，其實無意思，上年印象大概200人叩門，叩門位得8個定6個，我小朋友唔係叻到可以爭到呢啲位，而我心儀既就只有丹循同康山，咁我自然會揀間，自行又有機會，111又9成9會入既康山，唯一預料唔到既，係康山今年20分都要抽

子翹

Jessy 發表於 17-9-27 22:39
佛教學校20分係咪即係有宗教分?? 佛教係點證明自己是佛教徒??

我見人有個皈依證，咁就有20分了

子翹

Charlotte_mom 發表於 17-9-28 07:34
有架！純粹分數考慮，A校較高分勝算高。其實入左點都係唔甘心
所以後來考到私校（可抽獎）就取消A校註冊/ ...

當然大把呢啲人，唔好話康山，入左丹循都未必甘心，再去博嘉諾撒、華仁，但交得表，一定係心儀既，放棄得其他校既111，揀間入校成數極大，證明佢都好鍾意呢間。如果求其揀，唔見啟基變大熱？！

明白有好多人好大膽、好進取，你地又介唔介意講下你地自行邊間？統一甲乙又咩策略？

子翹

我揀呢間唔係抱住水泡心態，只係叫做保守啲，你入到北衛，真係好好彩，但係今年北衛新校舍，爭佢既人只會更多，而另外有人提到北官，係呀，呢間如果111,應該都必中，我點解唔揀呢間做你地所講既水泡呢？因為呢間谷得黎，對佢印象極差，喺街見到佢地既學生唔乖不在話下，我都識幾個用家，有眼見佢地唔鍾意返學，返學辛苦。我何必要我小朋友咁樣呢？

你地話見到個校名煩，其實就係因為你地唔了解呢間校而去話人地咩5毛呀，公關，先會有人睇唔過眼，我一路有睇啲POST，本身都無諗住出聲既，不過見到幾個POST，揀自行既人都比人串到爆，先忍唔住出下聲，我都係重申多次，可以鬧可以踩，但係，唔該了解左先鬧，好嗎？

子翹

時間可以證明既，到底係得幾個人唱好，到時自行收生不足，定係會20分都要抽呢？？好快會知，以我所知，而家自行既人已經有百幾個，你地實話唔知我點知，可能公關啦又，其實只係睇到派咭仔人數，見到百幾個，不過你地應該唔會明，因為你地唔會想去了解呢間小學，或者怕真係去了解後，會一齊做埋呢間學校既所謂5毛，

我地呢啲自行既百幾人，如果令到康山小學成為熱門，搞到你地連14既保險線都無埋，我好抱歉。

子翹

回覆 happypapapa 的帖子

你呢個回覆，好中肯，的確過左龍年先會見到真章，邊間好，邊間要殺，過幾年就會知，大家一齊拭目以待，我都好期望呢間可以快啲上到一線，大家龍年加油啦！

子翹

回覆 hkpapa852 的帖子

所以我話「幾」年後，其實，無三不成幾...................

子翹

所以成日話14天地網，咁難玩就係咁解，未至於話100%唔中乙1就啟基，不 過大熱嗰啲就無曬，乙2可能好彩既，仲入到北官，炮米，因為14真係間間學校都各有支持者，間間都大熱，康山未到大熱，只係上位中，所以今年乙2都仲會中，乙3就可能中OR唔中，自行因為誇區，OPEN DAY都睇到，多數係誇區支持者，藍田，觀塘，將軍澳係好多，因為佢地黎康山好快，有校車，仲要平，睇過上年車費，6百幾蚊，仲要有東區中學校網，所以點解自行咁多人就係咁解。

至於乙部，因為14仲有好多間熱門，間間熱既關係，所以康山乙3都仲有啲機會，呢間學校升得快，唔一定係14區支持者，而係仲有外區支持者喺度，本區既2,3線，對外區黎講，已經係大熱了。

子翹

回覆 keith_ccc 的帖子

所以，我都講過2次了，了解左先！
你可以問下學校，我就交表時問過，學校的確咁答我，你都可以問下，但你最好似我咁，直接、親身去問，免得你問左個答案同我唔同，又話我地亂UP。

子翹

我唔係入左先算架，我真係想入，因為要了解左呢間學校先，了解後，我係真心鍾意，我都好明白，因為大家都14, 今年真係好嚴峻，我自己都經過掙扎，我其實應該放心水既丹循111,乙2先康山，咁樣就係大眾都讚同既做法，只不過，我又諗返轉頭，丹循有咩係比唔上康山呢？？除左唔使搭車外，仲有校舍新啲。。。。呀，仲有一樣，就係出名啲。

而康山有咩好呢？透明度高，交通方便，我一落樓已有小巴（不過校車仲平）其他教學野我唔講了，費是又賣廣告咁，最緊要既係，每個家長都有校長電話，而我都試過WTS佢，真係會覆既，呢樣，我相信無一間學校可以做得到。

子翹

回覆 littlerabbitmom 的帖子

呢樣我都有比較過先會有最終決定，不過網上數據都係避重就輕，只係聽到校長OPEN DAY講過，今年小六畢業既，有4個係去左張祝珊，仲有啲去左庇利呀嗰啲學校，我都唔太記得，如果一班有咁既%,完全可以接受。

子翹

回覆 hkpapa852 的帖子

因為教育局原則係每個小朋友都有書讀，以就近入學為原則，不過無得比原區你都無計，誇區都要比一間你

子翹

你地搵既資料，我一早睇曬，啲周年報告、訪問，我自己上網不停搵，搵小學，唔係剩係睇升中數字，要升中好既話，一山還有一山高，成日話教育制度唔好，政府唔好，令到咁多學生跳樓，根本多餘，比最大壓力小朋友既，咪係家長囉，你話咩啟基開放日，我都有去，但完全吸引唔到我，我又請問你有無去呢？？啟基有無去？康山有無去？？如果無既，其實你唔使回帖，唔使買花生，更加唔使令呢個POST不停置頂，令到啲唔關事既人覺得煩親佢

子翹

littlerabbitmom 發表於 17-9-28 17:59
呢位家長唔使咁激動, 大家都係討論下唔同觀點, 睇多啲知多啲.
我回POST都係純粹分享去年有見過的經驗, 作 ...

我唔係話你