路德會梁鉅鏐上午校

Index99

各位有小朋友在此校就讀的家長, 請幫忙比意見.
一萬個多謝   

Index99

請幫忙.....     

tbo

我個女讀五年級，讀得好開心！我覺得老師好，副校長積極教學生很多課外知識，每個星期二週會有不同主題，我覺得個女學多了很多其他知識。

另外學校又積極教學生注重環保及健康，又要佢地做早操。我個女自己話唔食咁多杯麵，又在掉垃圾前想一想這件東西可否變成其他物品，不會輕易浪費。

我知上午部派位唔錯，有50%入英文中學。另外學校功課幾多，但我覺得個女做多D練習都係學到知識的，我相信打好個底將來升中都唔會追唔上。

Index99

tbo,
很感謝你的回應, 近來為囡囡找學校的事煩到成日訓唔著
    :

x9

tbo,

hi! 我想問呢間學校校風好唔好呢?  因為我係學校對面返工, 但當我放食lunch o既時候，時常係學校對面士站見到d男學生好百厭，所以印象唔係太好，其實裡面到底係咪o甘呢? 同埋好似佢07轉全日喎! 係咪呢?  唔該晒!

Index99

tob, 係咪真架？不過男仔多數都活躍d架啦...

tbo

我知道係 07 轉全日制，仲有兩年讀上午班。我自己覺得讀上午班幾好，多D時間學其他東西。學校放學後都有好多東西學，有中樂、步操管樂、Drama等，學完返去仲有時間做功課。

我個女自己坐巴士返學，所以我見唔到學校放學情況。但我估男仔比較活潑D係正常的，最少我個女都無話佢學校D男同學好壞。

仲有我想講，雖然我個女個班主任係比較年幾大，但佢一樣好似後生D老師咁愛錫我個女，仲多過我緊張佢，又教佢做人道理，一D退休Feel都無，好難得。

Index99

很感激你的回應, 現放心比囡囡就讀此校.

想請教一下, 若小朋友放學後留校課外活動, 咁咪好晏先食飯？會唔會好肚餓架？ 上埋課外活幾點先放學架？

tbo

佢地12:30p.m.放學，通常12:40pm開始食飯，1:00pm開始課外活動，有D到2:00pm，有D到2:30pm，佢唔會hungry。但返到去我比佢食D小食先開始做功課。仲有課外活動一星期一日，晏D都唔怕啦！

alauct

Are they need to finish the heavy homework daily?

lemontree

我都係在學校對面返工, 本人覺得d學生好差, 我好多次遇到的情況(中午放學), 令我都忍不住想去佢學校投訴, 希望校長注意一下, d成績幾好都無用, 你見到都唔會比小朋友去讀, 我慶幸我仔大左, 唔會讀呢間. 只乃本人親身經歷, 你只要搭一程車就見到, 不用問人啦

經歷如下:
1. bus 上學生會用書包拈位,even 有人問佢可否讓放書包位予人家, 都好無禮貌, 通常282單層, 放學好迫下, 連低年班都唔讓.
2. 86k 去火車站途中 -  男生對女生講 : 你做雞架, 你唔會嫁得出, 因為紅顏薄命, 你都死左啦.
女生回應 : 你叫雞就生花留, 做和尚啦
男生講:我先叫你,
因為大聲講d咁既野, 我先一定要睇下咩學校, 重要係小學生, 個樣似5-6年級
3. 有d係老家or工人接放學既, d學生好無禮貌架, 對d家人好差架
4. 排隊上車?好難見到
5. 係bus 上大叫時時都遇到

我仔讀小學, 中學, 我都會去學校附近睇下, 這是我見最差既.
其實小朋友要係一間學校成長6年, 佢同咩人成長, 咩風氣, 你都係自己去睇下先啦. 只浪費一兩天時間, 為作6年之決定呀

alauct

So horrible!!

Index99

下, 咁架........

lemontree

我只將自己睇到既打出來, 唔係想嚇你地, 都係你自己去睇啦, 可能有好學生, 我無留意到啦, 壞既易睇, 好既難留意架!如果有小朋友係到讀, 自己湊放學好d啦!

x9, 你既印象會好d嗎?

tbo

我都唔知原來咁horrible，我個女今年先轉校過來，所以唔知佢地放學情況，但我覺得校風唔錯，都有好多好學生 …

Index99

tbo,
咁你囡囡原本讀邊間架？
點解你會幫佢轉過梁鉅鏐讀？
我都覺得其實每間學校都有好同壞的學生, 家教亦係一個很大的原素.

x9

lemontree,

我同你意見差不多, o個d男仔有時係巴士打交，佢地整到人都唔會講句對唔住o羅!  我都有過衝動想行過對面投訴。  有陣時又見到佢地係巴士嘈交，講d說話話對方好鬼尖酸刻簿，都唔似小學生講概說話。 不過都有d女仔幾文靜，自己坐埋一邊唔出聲o既!  

我個囡明年讀小一，但係我都唔想佢入到呢間學校，真係驚佢好概學唔到，唔好就學到足。

tbo

index 99,

我轉到梁鉅鏐上午是因為學校派位好，我個朋友個女考全級70幾都入到英文中學，有50%升到英文中學。我個朋友亦覺得校風不錯，所以我才替女兒轉校，到現在仍覺得無轉錯。佢之前讀個間學校唔係沙田，無得比較。

x9,
唔好咁擔心啦！呢間學校唔係咁差。你可以放學時到校門認識一些小一家長，問吓佢地。

Index99

為左睇下d學生我今早一早起身桐係學校門口, 我覺得普遍來說d學生都好純品, 尤其是係d女同學, 若果就到時間, 我都會再去睇下放學情況...

lemontree

我支持你先自己去睇左校風, 再決定. 每間學校都有好及不乖的學生; 雖然我與x9見的情況, 並不太好. 可能亦只是冰山一角; 但係你自己小朋友既成長環境問題; 你自己親身去了解作決定自己是否可以接受, 比我地比既意見好d.