興趣/補習班時間分佈

蝦米豬

想問有多少JM的初小仔女平日及星期日有校外的補習班或興趣班? 平日，星期六，星期日如何分佐? 小朋友自己時間及family time又如何平衡?

babywoman

初小時，仔一至五只有一日在校有課外活動，星期六早上學畫畫，下午跟外籍老師。星期天就玩。
現高小，逢四放學後及六早上玩乒乓球，六下午學英文，cut咗畫畫。星期天玩。

平時回家做完功課就玩，若有默書測驗就分配時間溫書。

Jane1983

無補習，平常一至四除學校課外活動外，唔會安排興趣班，有嘢學都安排在星期六日。由K至初小，都盡量比小朋友試唔同的體藝活動，搵佢的興趣，咁到佢大d可以重點培養。

limei0101

回覆 Jane1983 的帖子

小朋友小一，無補習，星期一至五只学鋼琴，周六上午參加学校兴趣班，下午畫畫，周日玩。

妹妹頭

回覆 蝦米豬 的帖子

我個女小一開始如下:

初小 : 星期五晚游水, 星期六上午畫畫, 中作, 英作, 下午童軍, 星期日一定唔會補習
高小 : 星期三, 五晚游水(如有比賽會加操), 星期六上午畫畫, 中作, 英作, 面試(小五開始), 下午童軍, 仍堅持星期日唔會補習

little_yolky

蝦米豬 發表於 17-5-21 18:00
想問有多少JM的初小仔女平日及星期日有校外的補習班或興趣班? 平日，星期六，星期日如何分佐? 小朋友自己時 ...

咩初小? 我一個高小一個初小, 都一年七日年終無休。恒常興趣班都5樣, 學術既英文班1樣。星期六一個朝9晚4, 一個朝10晚6:15, 仲勁過返工。星期日就朝10晚5, 另一個朝11晚5, 不過, 星期日果個係短期, 半年course嚟啫。你唔好話佢哋咩自由時間, 連我既青春都响麥當當度渡過唔少。

little_yolky

Jane1983 發表於 17-5-21 19:12
無補習，平常一至四除學校課外活動外，唔會安排興趣班，有嘢學都安排在星期六日。由K至初小，都盡量比小朋 ...

我本來都唔想一至四安排, 但無辦法, 芭蕾舞係大班, 老師話邊日就邊日。

阿大
星期五: 游水
星期六: 上午--粵曲唱、中國舞; 下午--鋼琴
星期日: 上午--chat room、教會; 下午--粵曲基功

阿細
星期四: 芭蕾舞
星期五: 游水
星期六: 上午--粵曲唱、下午--芭蕾舞; 黃昏: 鋼琴
星期日: 上午--cambridge; 下午--粵曲基功


聽D高班講, 芭蕾舞下年好似要一星期三日添。

Jane1983

回覆 little_yolky 的帖子

所以話初小要試到佢鍾意和有潛質的活動，因為大大吓，你要有d小成，就要一星期兩三次咁學呀練呀！好花時間。最慘係交通，有時去又45mins，返又45mins，搭車都無咗果幾鐘。
至於等小朋友上課，真係悶到嘔。

siden

星期日企硬一定乜都唔上。

佢唔hea我自己都要hea。

學習/興趣班只weekday兩個evening加星期六上午，星期六下午要义電瞓晏覺。。

mcl203

little_yolky 發表於 17-5-22 09:29
我本來都唔想一至四安排, 但無辦法, 芭蕾舞係大班, 老師話邊日就邊日。

阿大

芭蕾舞P2都要返2堂了，仲記得當年小朋友要升級返2堂或1堂，佢無時間只報1堂既唔升級班，升咗無耐就不停俾老師鬧佢上次教完做唔到動作無記性，但事實係佢每週只上一堂，亦係第一次佢肯同意放棄既活動。佢自小一星期係上足至少6日興趣班，約同學仔玩得星期日下午，重要既就唔去上堂

little_yolky

Jane1983 發表於 17-5-22 09:54
回覆 little_yolky 的帖子

所以話初小要試到佢鍾意和有潛質的活動，因為大大吓，你要有d小成，就要一星期 ...

我咪等緊既時候整頭飾囉。

Jane1983

回覆 little_yolky 的帖子

果然善用時間

little_yolky

mcl203 發表於 17-5-22 11:02
芭蕾舞P2都要返2堂了，仲記得當年小朋友要升級返2堂或1堂，佢無時間只報1堂既唔升級班，升咗無耐就不停俾 ...

唔係呀, 我哋團芭蕾舞係P1開始要加班2堂啦, 不過阿細停咗一年, 所以留班啫。芭蕾舞因為唔可以跳級考, 所以如果你唔年年考, 停咗一年, 到第二年都係要考返前一年個grade, 一星期跳一堂, 好難跟到上去, 最叻跳到grade 3都跟唔上了, 所以跳親既一般都考級, 考級就要上兩三堂。不過, 你老師都幾衰下喎, 我哋有D小朋友都好惡劣, 老師嚴格但唔鬧人的, 好似上星期六考試, 點知星期四上堂時好多小朋友都唔記得晒D重要嘢, 老師都無鬧, 係差D暈咗啫放學時同各媽咪訓話, 叫返屋企一定要練下。

mcl203

little_yolky 發表於 17-5-22 13:10
唔係呀, 我哋團芭蕾舞係P1開始要加班2堂啦, 不過阿細停咗一年, 所以留班啫。芭蕾舞因為唔可以跳級 ...

唔知了，總之當年佢地係考級，下一級要上2堂，佢無時間就報1堂果隻, 唔打算升級。老師係無記性，根本唔知佢上一堂係唔使返, 佢解釋完都仲係鬧，直至佢同我家部門主管唔開心咁講番，咪轉玩另一樣野，唔使受氣既

little_yolky

mcl203 發表於 17-5-22 13:30
唔知了，總之當年佢地係考級，下一級要上2堂，佢無時間就報1堂果隻, 唔打算升級。老師係無記性，根本唔知 ...

興趣班啫, 駛唔駛鬧人呀?

Jane1983

有d教練/導師係鍾意鬧，因為我係跟得亞媽，人地可能多少比面家長，我無乜遇過失控的情况。但聽朋友講，喪鬧，甚至動手都有，尤其体育項目的教練。

mcl203

little_yolky 發表於 17-5-22 15:32
興趣班啫, 駛唔駛鬧人呀?

是旦啦，咁咪少個客囉，只係奇怪學校係可以報上2或1堂，1果隻肯定滿足唔到課程須要，學校接受唔到但又俾報1堂，1堂既學費係2堂既80%, 安排到時間唔會咁笨啦 , 又或可能國內導師要求唔同 ~