剛確認仔仔有自閉症, 有冇人可以分享應該如何是好?

purinlu

仔仔宜家2歲2個月大, 健康院已轉介到智力中心做評估, 但我們心急到了精神科醫生做評估, 醫生確認了, 仔仔主要社交障礙, 無乜眼神接觸, 自我中心. 語言也遲緩,

昨晚好難過, 好擔心仔仔將來長大發展, 醫生建議我們盡快揾訓練中心改善, 否則上到幼稚園都有困難, 我哭了成晚, 我要好好面對,

我們現在都唔知如何是好, 也不知要怎樣教仔仔, 醫生知道協康或政府都要排好長時間至可以安排訓練.

大家你們可否分享心得或建議到那中心比較好?

funghon

評估完見議排咩位？ 你好醒目，識得心急搵私人評估確診 ，所以可以盡快搵服務和排位。

要把握治療黃金期 ，3歲前係一個最佳治療階段人。可找5天私人密集。通常8月有位，因為排緊位既人派到s位就吾返私人了。但都要排隊，你可以大包圍，間間都排。邊度快入邊度。

purinlu

回覆 funghon 的帖子

我在私人醫生度評估, 佢沒講什麼位,

政府, 我下個星期至去沙田智力中心見護士, 照我所知仲未評估, 仲要排評估...

所以我都唔知邊間中心好, 剛打協康, 都要等半年以上,

我想問什麼是S, I , E 位? 我睇緊Blog 友講, 但我唔係太清楚.

你有冇介紹好的中心可一試? 迷網中

ET19

評估左妳要排政府服務就要負責評估的醫生、心理醫生，etc. 寫轉介。
只係2版紙，剔左排E、I、S位，妳交返去自己果區的家庭服務中心(IFSC) ，我果區的姑娘約見左我同仔仔，同日下晝就出到P no. 有左呢個排位no.上到幼稚園可以申請學校的學前到校復康服務(前提係學校有參加)。

除非妳唔打算用政府服務，聯絡返個醫生叫他填返轉介。排咩位應該他會比到意見妳。

政府野一定要排要等，妳搵私人的呢度無人會答妳邊間好唔好，都係睇夾唔夾個小朋友。妳可以爬下文睇下呢度有講過的中心，自己上網睇下佢地有咩服務，考慮埋價錢、地區之類。

purinlu

原來係要攞個轉介評估報告去家庭服務中心排位.

我想問之後排咗位,除了學前到校復康服務(如果學校有參加), 政府有記錄, 是否會標籤咗, 就算改善咗, 會否因有記錄而不獲普通學校收呢?

謝謝你們意見

KCHK

樓主, 呢個係好多媽咪初初知道小朋友有問題時的諗法, 以過來人經驗就係唔好諗呢個問題, 盡快去做治療, 希望趕及6歲前黃金治療期。其實如果學校的是不包容的，就算收左都會用盡方法請你退學。

lobb2015

我都係兩歲兩個月。兩星期前確診。宜家做緊私家治療。建議你快啲搵治療，因為即使是私家都好缺乏，週圍都話要排。排咗先啦！

Tarttatt

樓主，你第一件事要做嘅就係打去協康會約期做評估（5800元嗰種）
第二件事照去cac見姑娘，照排期見醫生！
第三件事，搵有到校服務嘅幼稚園，要遂間自己問！
第四件事，按自己經濟能力，有錢就搵密集課程俾你仔仔讀，言語治療都唔少得，因為言語好影響情緒同學習！付擔唔到就周圍搵社企丶政府機構嘅訓練俾仔仔！總之3歲前可以改善好大好大，3至6歲亦係黃金學習期，加油！喊完就得，好多同路人！
至於排位嗰度，評估完醫生會俾建議，盡可能揀S＋E位，將來要改都易啲，協康俾信你排位就即刻交俾社工幫你排，因為相差一日對將來派唔派到位可以係相差一年…

purinlu

好多謝你們的建議, 現在開始慢慢接受事實, KCHK 講得好啱, 唔好諗咁多, 以仔仔為要先,

首先要快快幫仔仔排位, 但今日打去社會福利署問, 佢地又叫我打比分區評估中心, 中心又話唔比用私人評估報告, 一定要佢地評估, 之後問多兩問又話唔清楚得唔得, 我再打去家庭綜合服務中心又叫我打番自己區的問, 我區係明愛中心, 如果唔得至打去另一社會服務中心分區服務中心. 我又打去明愛, 佢都唔知道, 佢話要揾社工覆我,

我想問係唔係醫生另外填一份form至可以去排, 在哪裡可以找到? 因診所護士未見過, 我又好困惑,  唉....好灰.

purinlu

回覆 Tarttatt 的帖子

十分謝謝你的提點, 我真係唔知從何入手.

ET19

purinlu 發表於 17-4-12 10:29
好多謝你們的建議, 現在開始慢慢接受事實, KCHK 講得好啱, 唔好諗咁多, 以仔仔為要先,

首先要快快幫仔仔排 ...

http://www.swd.gov.hk/tc/index/site_aboutus/page_familyserc2

妳在呢個網睇返自己區係邊個電話。

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

呢個網可以睇到各區E,S,I 位的輪候情況。

我果時在協康評估，個CP係即時傾埋排咩位，填埋referral form, 搵埋我應該交去邊間中心（因為我果區分南北）。我就跟第一個網址的地址在第日交左去，負責的姑娘不在，再後一日她打比我，講晒啲程序同話要約見我。跟住約見日見完姑娘，下晝姑娘打比我話出左P no.。到前排姑娘調走，都打黎handover左交代晒先。

ET19

purinlu 發表於 17-4-12 10:31
回覆 Tarttatt 的帖子

十分謝謝你的提點, 我真係唔知從何入手.

http://www.swd.gov.hk/tc/index/site_pubsvc/page_rehab/sub_listofserv/id_psosps/

學前到校list

purinlu

剛剛取回醫生信, 醫生附加了建議排什麼, 仔仔要排S位, 我真係越來越擔心佢的情況, 原來咁差。心情又再一沉.

Tarttatt

purinlu 發表於 17-4-12 15:46
剛剛取回醫生信, 醫生附加了建議排什麼, 仔仔要排S位, 我真係越來越擔心佢的情況, 原來咁差。心情又再一沉. ...

我之前阿仔1歲10個月確診自閉排S位
所以好了解你心情，盡快俾信你嗰區嘅社工排位！加油

HMHG

回覆 purinlu 的帖子

如果經濟許可, 你可先安排上私人密集訓練或語言訓練, 有很多私人機構如協康會、基督教家庭服務中心、step等有這些訓練/課程。 因為排政府服務要一段時間排(至少排9個月), 不要錯過小朋友的黃金時間6歲前做訓練。加油!

KCHK

樓主, 政府同私人都要兩邊排, 私人一定快過政府, 因為S位通常都要等一至兩年(視乎地區及是否跨區都選）， 樓上已經有到校服務的list， 睇下有無你想讀的學校, 如果想密集加主流都讀就上午密集, 下午主流(一來咁樣應該高d機會會收)。比心機!

purinlu

好多謝大家提供資料和建議, 我現在雖然仲係好唔開心, 但見到有咁多人幫我, 我感到不孤單, 有你們支持, Thank you.

chowqv

排咩服務都好，媽媽最重要有心理準備呢個係長期既培訓。同埋有同爸爸商量傾談嘛？雙親既一致方向，對小朋友都好重要。見得太多，因為小朋友既問題，引致夫妻不和。
如果媽媽覺得攰，傷心，一定要拎出黎講，唔好靜靜一個啀埋喊。

heiheiada

Del

heiheiada

回覆 purinlu 的帖子



我個囝都係今年年頭俾 CAC 評估為自閉。

阿囝發現有問題時佢已經4歲半，因為情況唔嚴重，健康院夾硬話佢冇事。只係轉介左幾堂言語治療俾阿囝。

後來我透過學校找了心理學家評估，取了轉介信，去社署登記。當時我好好彩，幼園校長請了學校社工幫忙，陪我去社署登記，又幫忙我申請到校服務。之後，我又遇到一個好好心嘅社署職員，佢收到我個 case 就即刻接見我，幫忙處理。所以我喺極短嘅時間就申請到社署嘅輪候號碼＋到校服務。之後，我才拿轉介信到 CAC 登記，排期排差唔多一年，到今年年頭才等到評估，結果 CAC 嘅心理學家確認佢有自閉証。


我同C6當時都好平靜，可能係因為阿囝自從接受到校服務之後，有好明顯嘅進步，亦都可能係因為我地明白，無論評估結果如何，我地都會努力去輔助佢。最近，阿囝參加左升小學適應小組，阿囝嘅態度有好明顯嘅改善，社工亦都話佢升普通小學完全沒問題。


所以，樓主唔好唔開心，我地要做嘅係盡我地嘅能力去幫助佢，結果係點樣唔到我地控制，只能說盡了力，無悔了！船到橋頭自然直，我們都不要太擔心，上天自有安排。