求意見，應該繼續上協康幼兒訓練嗎？

hoiweifong

2歳A仔，排緊S位，上緊私人言語治療，上了2次幼兒訓練，極度扭計。導師成日覺得佢扭眼訓，我話唔係，佢又反問我知唔知佢點解會咁，所以唔覺得個仔會學到幾多。上堂完全是free play ,又無具體技巧教我在家中做，只叫我同佢做多些呢樣個樣。(我夠知啦)我問導師個仔好怕剪髮如何處理，佢反問我個仔怕唔怕水和沙，之後無答過我。
所以好唔好找別處做訓練?

farm712

媽媽，我明白你好心急想小朋友進步，但唔好期望上一兩堂就會好，一兩堂都未熱身。我見得多小朋友上幼稚園成半年都仲喊，正常都係咁，更何況係有自閉的寶寶。

自閉的訓練即使係一個好簡單的動作，也要訓練很久，但小朋友首先要"改行為"，即係唔搞蛋，唔反抗，唔同你作對先。才可以預備好有訓練的心，你小朋友可能對陌生環境，所以勁扭計。建議你去上下"努力試"，你會明白更多。

記住，唔好心急，唔好以為俾咗錢一定有效果，我覺得，在家居訓練才是最重要。好似小朋友學樂器，如果只靠上堂的30分鐘，返屋企唔練習，根本無效果可言。

加油，共勉之。

farm712

仲有，剪髪問題，我寶寶從不出街剪，因為都知無人肯同他剪，一定扭計。我買了一個靜音的電動剪髮刨，較了3mm。用iPad播卡通片，加超快手勢(YouTube有教)，三兩下搞掂，最重要係快，頭一兩次可能要叫傭人姐姐幫手固定他個頭。又慳錢，又方便，最重要係唔使求人。自閉小寶寶上至訓練，下至生活細節，不可假手於人。

funghon

上堂都未能安靜，都幾難學度野。應該試下一星期5天，每日3小時密集訓練，好快見效。

lim8282

導師反問會不會怕沙及水，是因為通常統感有問題都會怕剪頭髮，怕沙及水，所以佢先會這樣問

hoiweifong

farm712 發表於 17-2-19 22:53
媽媽，我明白你好心急想小朋友進步，但唔好期望上一兩堂就會好，一兩堂都未熱身。我見得多小朋友上幼稚園成 ...

其實我明白要一段時間先見效果，因為上言語治療頭幾堂都扭計，但之後只有佢同導師單對單就好快無事又學到好多野，我都受用，但協康呢處的姑娘control 唔到場面，最終要我忍不住出手。我問個問題，佢要反問我，之後又無任何具體野教到我們。玩個D野正正是我在家同佢玩，但是在家玩有時會發脾氣，在個處就全程發脾氣，但個導師給我的感覺是無符.所以好無奈。

hoiweifong

farm712 發表於 17-2-19 23:03
仲有，剪髪問題，我寶寶從不出街剪，因為都知無人肯同他剪，一定扭計。我買了一個靜音的電動剪髮刨，較了3m ...

謝謝你，宜家同佢剪頭髮要兩個人，初時發好大脾氣，之後佢選擇面對現實

hoiweifong

funghon 發表於 17-2-19 23:50
上堂都未能安靜，都幾難學度野。應該試下一星期5天，每日3小時密集訓練，好快見效。
...

佢上言語治療師的堂就ok,因為個治療師食住佢。

legolas625

換人，你應該俾左4堂，仲唔得走人

hoiweifong

回覆 legolas625 的帖子

對，已給了四堂錢，明天上第三堂，計劃轉導師。但要等，所以明天決定繼續與否，寧願買本家居訓練手冊及借玩具教材，每日半小時，仲有効D。
排S位的學生之後可以免入息審查有學習津貼，應該9月起可以免費上。

mama.olive

其實治療師真係人夾人，我都聽過協康果邊D service好壞參半，真係睇彩數，所以我寧願俾貴少少帶個女去私人機構，so far都上得幾好，治療師都跟得好足，每堂上完都會同我講返阿女表現，又教我返屋企點幫佢練，阿女有進步乜都抵返

hoiweifong

mama.olive 發表於 17-2-24 10:51
其實治療師真係人夾人，我都聽過協康果邊D service好壞參半，真係睇彩數，所以我寧願俾貴少少帶個女去私人 ...

好認同，宜家我會比佢多上四堂，如果都係咁，就會唔再上，因為上私人言語治療師，個仔好主動拖住姑娘隻手，入去上堂，私覺得佢有好大進步。

mama.olive

hoiweifong 發表於 17-2-25 22:37
好認同，宜家我會比佢多上四堂，如果都係咁，就會唔再上，因為上私人言語治療師，個仔好主動拖住姑娘隻手， ...

咁小朋友依家進度點呀?

hoiweifong

mama.olive 發表於 17-2-27 10:11
咁小朋友依家進度點呀?

好D，至少唔扭計，肯做野，所以試下上多四堂睇下點，但是我發現基本上佢係跟住本訓練手冊教，如果是這樣，我寧願買一本自己教，等到十月左右應該可以免費先再去上堂。

mama.olive

hoiweifong 發表於 17-2-27 22:38
好D，至少唔扭計，肯做野，所以試下上多四堂睇下點，但是我發現基本上佢係跟住本訓練手冊教，如果是這樣， ...

都係架，不過佢地應該專業D既，始終有train過

hoiweifong

mama.olive 發表於 17-2-28 11:09
都係架，不過佢地應該專業D既，始終有train過

上了第四堂，個導師真的好不濟，我的天！明知自閉小孩愛玩門，仲要一開始就關門後特登再來一次開關門，搞到個仔好想走出來！最差的是：大家有自閉兒，都知道你要求孩子做一些事，孩子扭計哭，都要忍心要求佢做好，唔好比佢過左條底線，但呢個導師要求孩子做指令，我孩子一扭計开始想哭，佢就放棄要孩子做指令，居然同我講話要避免嘈到其他正在其他房間上堂的孩子！如果是這樣，咁豈不是反教育孩子一扭計就得到佢想要的東西嗎？

mama.olive

回覆 hoiweifong 的帖子

如果導師真係咁差，不如quit好過啦?

hoiweifong

mama.olive 發表於 17-3-1 15:45
回覆 hoiweifong 的帖子

如果導師真係咁差，不如quit好過啦?

對，所以四堂後會quit

mama.olive

hoiweifong 發表於 17-3-1 16:41
對，所以四堂後會quit

係呀無謂哂錢哂時間，咁你打算之後再搵其他訓練嗎？

hoiweifong

mama.olive 發表於 17-3-1 17:10
係呀無謂哂錢哂時間，咁你打算之後再搵其他訓練嗎？

宜家都會上一星期兩次的言語治療，已經買左協康本訓練手冊，其實都幾有用，今日開始同佢有計劃地做，都見到成效，只是辛苦些，上班就教書，放工就訓練個仔，但是值得的。上下班都要備課
只是宜家會睇下一些密集課程或小組，希望比仔仔接觸多些小朋友。