懷疑被欺負詐肚痛唔返學, 作為初小家長應該怎樣做？

chumiguan

女兒小一, 剛剛開學才一個月, 昨晚女兒告知學校情況說她和同學玩耍玩坐監遊戲。她和另外一位同學正在操場玩耍, 刧突然被另外兩個同學捉住走到課室外一位置站著不許走動要坐監, 那兩個同學是警察。已經兩天在玩這個遊戲她不可以如常在操場玩了。

今早如常叫她起床, 她説胃痛不想上學, 很想看e生。那我就安排她看e生, 我自己上班去。點知, 隔了個零鐘打去問佢情況, 佢好精神在家玩。胃只是有小許痛。我要她返學她爆喊死都唔返，但應承下星期一會返。

我同爸爸均認為唔肯返學同同學有關。但我唔想怪獸樣樣幫佢出頭, 想佢面對, 但又唔想佢嚇怕了。我應該找老師傾嗎？我應該怎麼做？

YolandaTam

chumiguan 發表於 16-9-30 11:55
女兒小一, 剛剛開學才一個月, 昨晚女兒告知學校情況說她和同學玩耍玩坐監遊戲。她和另外一位同學正在操場玩 ...

建議揾駐校社工，等佢同令千金傾吓：有可能係壓力太大，有少少焦慮反應。

wan_sosin

只不過剛上小一，小朋友真的仲好細個，成長亦不會一下子乜都無教無經歷佢就會大個，是要時間的，你不需要因怪唔怪獸而有壓力，打去學校了解下，另一方面要關心下囡囡感受，教佢可以點樣去解決，鼓勵佢勇敢面對，而家人亦會支持佢

brother4

角色交換，你個小朋友做警察，同學做佢，佢地唔玩，咪大家唔玩!成長過程會面對的，希望小朋友交多D朋友!做医生，佢地做護士可

mch411

叫你個女自己同人SAY NO

Jane1983

唔一定係百份百詐病，可能係有d憂慮和緊張，搞到肚痛。

耐心聽小朋友傾訴，教佢和同學say no，唔玩那個遊戲，每日跟進事件發展，睇吓佢點講，人地點反應，再引導佢下一步點做。如果小朋友情緒唔係太負面，其實係一個好好的學習機會。

Jane1983

不過，如果拖得咁上下無進展，又或者小朋友好頂唔順，家長都要介入，搵吓班主任傾吓。但態度要正面，唔係lay the blame，係幫小朋友改善社交生活。

siden

國際學校定係local school?

Happyhappylive

揾駐校社工

cal@wicked

家長同小朋友玩一次警察遊戲，互換角色再玩，引導佢講出感受，再練習應對。
好多小朋友唔知點say no或表達情緒，家長要幫助佢過渡，同時可以用繪本引導，强化小朋友内心。

章太郎

chumiguan 發表於 16-9-30 11:55
女兒小一, 剛剛開學才一個月, 昨晚女兒告知學校情況說她和同學玩耍玩坐監遊戲。她和另外一位同學正在操場玩 ...

hohoho~

我覺得佢個情況唔似玩遊戲WOR...
如果真係玩遊戲, 我又好想知點樣決定邊個係兵邊個係賊?
你個女同得佢地玩應該係FD LA,
咁你個女坐緊監, 果兩個警察係度做乜呢 ? 成個小息睇住你個女坐監?
我覺得果兩個似係風紀........

siden

又一個網友努力獻計但楼主失去蹤影嘅post

chumiguan

siden 發表於 16-10-4 10:58
又一個網友努力獻計但楼主失去蹤影嘅post

對不起！我整個weekend, 及呢兩日太多時間放咗係啊女到所以無上黎回應。

chumiguan

好多謝閣位的意見及提醒！我上星期五發生阿女唔返學後, 除了係呢到問, 亦係自己朋友群組圈及家人中詢問意見。
結果我就整個weekend教阿女, 如果有人迫佢玩佢唔想玩嘅遊戲, 佢如果走唔切被人捉住, 要say 「No, 我唔想同你玩！Bye!」跟著要跑開跑去老師到。另外我屋企人教咗簡單脫身法, 即有小朋友捉實佢手時可以點樣"fing"甩佢逃走。

此外, 亦把件事講俾老師知, 咨詢佢意見。並非投訴。老師話我推段阿女星期五係詐肚痛亦可能, 佢容許佢唔返一日, 但之後要返。佢話覺得小朋友玩係好正常, 應該並非係出於惡意。但亦有啲玩意始終係做得有啲係唔做得。佢會同個同學仔講下。另外老師叫我們教阿女有唔開心要記得話俾老師聽。呢兩日會叫當值老師留意下小息情況, 及我女兒情緒。

經過咁多功夫, 好好彩, 昨日及今日返屋企問阿女返學點樣。佢呢兩日都答我 「我話俾佢地知我唔玩呀！Bye!」咁今晚我問佢more details,  有沒有同學再做警察捉佢, 佢話有。咁我話你走咗咁佢地點, 有無捉其他人。佢話嗰啲警察小朋友話"Oh!" 失望然後捉其他人。問佢返學開心與否, 佢話開心。

好彩有咁多位支持及給予建議！似乎暫時方法都湊效。

chumiguan

Jane1983 發表於 16-9-30 23:33
唔一定係百份百詐病，可能係有d憂慮和緊張，搞到肚痛。

耐心聽小朋友傾訴，教佢和同學say no，唔玩那個遊 ...

係今次件事上我先知道原來我阿女係唔識Say No, 去拒絕第二啲人。(emoji)

siden

chumiguan 發表於 16-10-5 02:16
好多謝閣位的意見及提醒！我上星期五發生阿女唔返學後, 除了係呢到問, 亦係自己朋友群組圈及家人中詢問意見 ...

冇野就好la

wingszelily

小朋友有時係玩得癲啲，樓主處理得好好呀！