34網,請進,pls啊

cameo

想八卦吓大家點填表啊,因為其實真係好少學校呢,男仔就更少選擇添~
我自己就..
(甲一)油天(甲二)協恩(乙一)協恩(乙二)聖羅撒(乙三)合一堂下午(乙四)合一堂上午(乙五)陳瑞琪
bingo左聖羅撒
thx大家

may22999

甲一(協恩)乙一(協恩)
bingo左協恩  

芯朗

cameo:

我囡囡9月便要填表, 想請教你: 我見你(乙一)(乙二)都係填協恩, 可以的嗎? 會否浪費了一個機會? 同埋你bingo左聖羅撒你滿意嗎? 這是一間好學校嗎? 陳瑞琪同馬頭涌不是在你5名之內, 你心目中這兩間學校如何? 因我聽其他媽咪講過, 這兩間也是好學校, 點解你唔擇呢? 對不起, 恕我多問題, 因實在很緊張囡囡的前途。謝謝!


    :  :

may22999

係(甲一)和(乙一)，不是(乙一)和(乙二)。

cameo

芯朗,
甲部都可以揀番本區校網學校,所以咪"協恩"兩次..hehe
其實填表唔可以只以"心目中心儀學校排位"嚟定啊,我而家放聖羅撒在乙二其實都好博了,都無諗過可能咁樣入得到,我以為一係入到協恩or油天,一衰左就會跌到去三四or更後志願呢,就係心知陳瑞琪都有佢o既fans,咁只好將比較普通d 的合一堂放在第三,咁會穩陣少少啊~~~
如果好簡單咁將學校好壞由頭排到尾,咁好易跌到好後啊!!!

芯朗

cameo:

多謝你的分享, 我開始有d明白啦, 但仍1516, 因為以你所排, 我真的不知合一堂是那樣的學校, 第三位真的好易中, 中左都唔知比唔比佢讀, 以你咁放, 即係話陳瑞琪等無望啦, 係咪咁解釋呢?

有無其他媽咪對34校網的睇法或排位呢? 謝謝!

yan_ching

Hi may22999,

恭喜晒！請問可否分享

cameo

其實我女本身間幼稚園同合一堂小學都叫關係好好,加上今年人數少,我相信萬一我派位唔好的話,校長會幫到我入合一堂的(只少唔會派到去領岛李炳先丫),我去睇過合一堂,我女間幼稚園都有好多哥哥姐姐入左去讀,其實最大問題係佢英文程度唔夠,升中大多都派去中中,即使派到英中到時亦要擔心追得辛苦呢~但佢校風係好好,學生都好純樸的!同埋合一堂要07年先轉全日制,但佢今年開始,如返下午的小一生,佢會有個乜鬼活動,係家長可以早上8點湊小朋友返去玩,跟手在學校食埋lunch,然後夠鐘就同其他小朋友一齊上堂了,收費好平,重可以申請津貼,其實我都覺得合一堂唔可以叫差的,只係做媽咪的當煞希望個女間學校有咁好得咁好la,之前試過有機會同合一堂陳校長傾過幾句,佢個人都幾nice的啊!
我一路都係咁諗,萬一派得差到貼晒地,咪叩門合一堂讀住先,跟住咪年年去油天叩門博插班囉,,,,,,
而陳瑞琪一來我無乜大太留意佢,係因為34網本身無一間叫真係好出名for男仔呀,女仔可以選協恩聖羅撒,咁男仔個個都首選陳瑞琪la,我相信心頭唔高的話放佢第一位都唔會話好難抽到,但始終都成數唔高,唔想去爭一間自己無乜興趣的學校囉!
你小朋友係明年派位,我就唔見議你好似我咁填表,如填得協恩就無謂真放聖羅撒在第二呢,一係心頭低少少,一開始放聖羅撒在第一囉,,,,另外你會唔會留意埋35網的學校??黃埔有幾間新學校都好似唔差,我知上年都有小部份小朋友心頭唔大的就會一開始甲部就跨網去黃埔區,因男仔在34網真係得陳瑞琪睇得上眼咋,我朋友個仔都在34網,佢上年都跨區,派到甲一志願葛亮洪~
你個係女定仔??如果係女仔都比男仔易攪了..hehehe~
唔好咁緊張先la,上年呢個時候我都同你一樣,為左嚟緊9月第一輪而諗爆頭呢..ehehehe,,,最緊要如果手上無分的話,第一輪的自行選校的一間係要諗清楚係咪真係打後都會選佢囉,因將來要叩門的話,學校都會睇番你係咪"從一而終"咁選佢的啊!希望明年呢個時候都會聽到你的好消息

cameo

我都好羡慕你呢~^.^

may22999 寫道:
甲一(協恩)乙一(協恩)
bingo左協恩  

hahe

我情形同cameo一樣, bingo HY.不過yan_ching的囡囡是2000bb,會難好多.所以要小心選擇,最好甲一和乙一都一樣和不要填寫甲二和三.機會大好多.

yan_ching

hehe,

請問點解不要填寫甲二和三機會大D呢？唔該哂！好羨慕你中HY!

yan_ching

hahe

因為你甲一抽不到就會直落乙一,不用再等甲二和三後再乙一.

MrsFung

hahe,

請問你係咪有20分，所以抽到協恩？
如得15分及住34校網，有機會嗎？

cameo

MrsFung,
在第一輪自行選校時係計分的,而且不限校網,但明年係千嬉b,15分可能機會不大呢~
在第二輪統一派位時,就唔理你有幾多分,都係依你所選學校去攪珠,當然係34網揀協恩的話,會比跨區的機會大得多的啊!
但都要留意番每年佢地大約有幾多個學額,協恩好似得四十幾個位係抽獎的啊!

MrsFung

cameo,

我唔係千禧年呀，我個女現在才3歲，不過我想了解多d。
你係第1輪定第2輪抽到？
你有幾多分呀？

cameo

MrsFung,
sorry,誤會了~
我無分o架,係第二輪抽中了第二志願,其實今屆人數少好多,所以先有機會博到咋~
咁你女女而家讀緊邊間幼稚園呀???

芯朗

Cameo:

我個個係囡囡黎架。在此多謝你同各位媽咪咁詳細解釋, 原來殺到埋身, 真係好煩架, d排位都唔知點先係算至好, 在此祝各位千禧仔女考到自己心想啦。     

jane2000

hi,

睇到消息話會將net34&36合併, 有d擔心會分簿咗d學位, 因馬頭涌同協恩都是人人都會揀ge學校, 而net36真係無d特別好ge揀只得農甫道官小, 咁妳哋話係唔係?

芯朗

jane2000:

你所講的消息, 係咪未經證實架?

jane2000

today message 講ge 仲係明報copy, 都好似話幾堅, 我都有打電話去教育處問過, 佢叫我九月再打去因八月會confirm, 佢哋冇話係定唔係, 早前話net34,35,36合併但係net34&36會成數高d。都幾擔心因土瓜灣都幾多新移民, 唉唉!!