好擔心無好學校收，應該如何準備面試？16個月大應該識d咩?

heily123

來緊要interview真係好擔心，我仔仔坐唔定，有部分既野識但睇心情先做，例如指身體器官，叫爸爸媽媽,禮貌，但佢仲未識認顏色，未識好穩陣咁㩹高積木，完全唔識玩積木Lego ,你地點樣幫佢準備？

chumiguan

老實講, in PN時小朋友仲細有情緒影響表現。老師都是求其叫他們做一些指令。自身經驗及綜合朋友們的經驗, 小朋友做唔做到指令唔影響interview result。做到所有的, 肯答老師問題的, 又唔一定就success。做唔到的, 又唔一定唔收。反而家長表現還較為重要。如果interview 時家長過份干預, 代答, 不斷提醒小朋友怎樣做, 肯定大扣分。如果小朋友做錯答錯家長即時大罵或面露極度不悅, 好可能唔收。interview 時如果小朋友鬧情緒時家長處理得好, 加分, 相反, 家長又失控, 又打又鬧, 肯定又大扣分。好記得大女in N時有個post 有家長話in 完York 行出來見到另外一個家長狅閙個歲幾人仔「死蠢, 白痴, 咁都唔識」個B不停喊, 個阿爸又黑曬面。印象極深, 心痛個BB有個咁嘅阿媽。In PN個個都係BB真係expect 佢啲乜呀！所以，我覺得，阿B識啲乜唔緊要, 反而係家長點樣裝備自己, 管理情緒及行為, 及expectation, 自己的教育理念等, 絕對影響考PN 及k1, 嘅成功率。

heily123

原帖由 chumiguan 於 16-09-12 發表
老實講, in PN時小朋友仲細有情緒影響表現。老師都是求其叫他們做一些指令。自身經驗及綜合朋友們的經驗,  ...

多謝你既分享

letterland

我既經驗係坐唔定好難做到面試要求
佢離開張chair你又要捉佢返黎

唔好搵d多人爭既學校
放心，出面多選擇，仲會有offer的。

foxchild

回覆 heily123 的帖子

返下playgroup 應該有幫助。好多時pn interview 既要求同playgroup 玩既野類同。

vpo0615

而家先上playgroup 趕唔趕得切呀!?

chumiguan

原帖由 letterland 於 16-09-13 發表
我既經驗係坐唔定好難做到面試要求
佢離開張chair你又要捉佢返黎

我個女嗰時in K1其中一間名校, 坐得定，group in 時主動答晒問題，2nd in 都無。但上EK見有個家長話好開心, 因為佢個女喊曬, 完全唔肯入班房in 都無in, 以為實唔得, 點知有2nd in, 澄清話n無人士。反而, 另外兩間超級熱門學校, 我打定輸數, 因為阿女唔彩老師, 又答錯問題, 居然有offer 仲要係am tim。嗰刻, 我知道個遊戲係一般人唔會知點玩嘅遊戲。小朋友得同失, 根本唔關佢識啲乜，同interview 時表現無關。學校自己有收生準則。現在到細嗰個進入PN interview period。經過大嗰個經驗, 我可做的, 只是多報幾間, 成功與否, 不關BB事, 心態放鬆很多。

boyboobee

原帖由 chumiguan 於 16-09-13 發表
我個女嗰時in K1其中一間名校, 坐得定，group in 時主動答晒問題，2nd in 都無。但上EK見有個家長話好開心, ...

完全認同，我大女當年叻過現在细女好多，結果得2間收，今年到细女，坐唔定，答嘢睇心情，唔認得顏色，26個字母未讀得準，我都只係多報幾間。

vpo0615

仲有一個因素係家長控制唔到嘅, 就係避免唔到同其他小朋友比較....假如排前面或後面IN嘅小朋友大過16個月, 佢哋識嘅嘢(suppose係)多D, 咁老師好自然會揀嗰D小朋友. 唔係間間幼稚園/個個老師都會根據返小朋友嘅年齡而問番相等程度嘅問題.....

水泥媽媽

我都好擔心，間間都好多人爭，有什麼父母可以準備?

chumiguan

多報幾間。我大女PN時只報了3間全軍覆沒。之後淆底, K1 報咗10間。如果target名校/熱門學校, 我建議PN最少報4-5間, 可以3-4間名校, 1-2間比較競爭少啲嘅學校。
另外家長裝備的可以了解下trouble two 的幼兒情緒及處理方法。

heily123

chumiguan 發表於 16-9-14 09:18
多報幾間。我大女PN時只報了3間全軍覆沒。之後淆底, K1 報咗10間。如果target名校/熱門學校, 我建議PN最少 ...

我都係報左3間，咁再報多幾間

day_bo

原帖由 heily123 於 16-09-12 發表
來緊要interview真係好擔心，我仔仔坐唔定，有部分既野識但睇心情先做，例如指身體器官，叫爸爸媽媽,禮貌， ...

你可報一D無噤熱門但口碑不錯既學校for backup，我覺得下午班好多時易入D。

day_bo

原帖由 heily123 於 16-09-12 發表
來緊要interview真係好擔心，我仔仔坐唔定，有部分既野識但睇心情先做，例如指身體器官，叫爸爸媽媽,禮貌， ...

我仔12月B，當年面試只有10.5月大，面試只看基本反應，例如玩peekaboo ，噤就收左，但pm offer，升K1才轉am。但那是不算熱門的九龍城私幼。

水泥媽媽

回覆 chumiguan 的帖子

謝謝你的建議

mama122013

回覆 heily123 的帖子

16個月好多野唔識其實好正常，我小朋友舊年底/今年初PN面試，都唔識講野、唔識分顏色，疊積木都係睇心情，好彩識推番埋張櫈仔。
面試我覺得最緊要阿B 唔好喊到收唔到聲，同老師有基本眼神接觸、肯聽簡單指令，已經好足夠。當然亦最好俾佢訓夠，但臨場狀態真係無得估計，所以最後邊間收，都係上天安排。

講多些少:

猶記得我面試的咁多間學校，大部分回覆都係WAITING，好徬徨。最後有一間3月底忽然有得IN (應該有人放棄學位，慶幸這是我心儀的學校之一)。校長話「未戒片唔緊要，呢樣野係因人而異」，我覺得呢間學校真正從幼兒角度出發，結果揀左佢，而家開學個多星期，小朋友讀得好開心。

希望幫到你。

Denise_yee

甘想問下各位，interviews 無坐定爬左去，我仲捉唔捉佢番黎好？

letterland

記得16個月大時咩都唔識
坐唔定
好快離開座位
控制唔住

一係就喊

其實唔會搵唔到學校，好多人拎住幾個offers, 到最後又將二線私校offers放番出黎，只要你比得起四至五千元學費，實搵到學校，可能係下午班。

heily123

mama122013 發表於 16-9-20 22:48
回覆 heily123 的帖子

16個月好多野唔識其實好正常，我小朋友舊年底/今年初PN面試，都唔識講野、唔識分顏 ...

Thx for your sharing ar