選校須符子女實力 免弄巧反拙（星島社論）

elbar

　　升中統一派位結果昨日公布，有獲派首志願喜極而泣的小六生，家長仍然不辭勞苦到其他中學叩門，希望兒子能夠升讀心儀的中學，反映不少家長擔心子女在激烈的學業競爭中，落後的苦心。不過，家長為子女選擇學校時，要清楚子女的實力，確保子女有能力應付名校的競爭和壓力，以免對子女的成長和學業產生弄巧反拙的後果。

　　絕大部分家長，都希望子女入讀收生成績屬於第一組別的名校，但是，儘管近年適齡升中人數減少，變相提升了派位「命中率」，官津名校學額始終供不應求。

　　通常最清楚學生適宜報讀甚麼中學的，是學校的老師，原因是老師不但了解學生的實力，還清楚校網內各中學的實力和受歡迎程度，會因應客觀環境和學生的主觀條件，憑藉累積多年的經驗，向學生和家長建議選校策略。

　　讀名校不保證扶搖直上

　　其實，老師感情上何嘗不希望自己的學生全部升上名校，不過，理智上比家長更為清楚現實條件的限制，不會明知學生力有不逮，仍然勉強建議其報讀第一組別名校。家長如果依據老師建議選校，子女獲編派去首三志願中學的機會很高。

　　有家長不顧老師建議，硬要為子女填報第一組別名校，結果自然落空，而符合子女實力的第二組別學校亦額滿，導致子女最後被編派去第三組別學校，要辛辛苦苦帶同子女奔波叩門。

　　每年統一派位，都是有人歡喜有人愁。由於有「攪珠」成分，成績屬於第一組別的學生，也有可能首志願落空，這些學生的家長，不少會帶同子女叩門，希望子女躋身第一組別學校。

　　此外，也有成績屬於中等的學生，亦由家長帶去名校叩門，抱着不妨一試的心態，希望獲得幸運之神眷顧。名校通常學習風氣較好，學生升上大學的機會亦較高，不過，也不是學生入讀名校後就必定扶搖直上，再無後顧之憂。

　　派往何校都宜積極學習

　　要是學生經過多番努力而成績仍然維持中等，勉強擠進高手如雲的名校，讀起書來會加倍辛苦，未必追得上功課，在成績表上叨陪末座，反而影響自信，甚至失卻學習興趣。當名校高材生備受社會矚目，大家卻可能忽略最後考不上大學者失落的一面。

　　學生進入水平與自己學習能力相稱的中學，獲得老師因材施教，反而有助建立自信，或者發展課文以外的興趣和專長。在最新授勳名單中，與影星劉德華等同獲銅紫荊星章的「星之子」陳易希，中學母校當年屬於第二組別尾，他幸獲教職員積極培養科學發明興趣，最後升上大學，如今創業做老闆。

　　與其成為名校中的被淘汰者，不如做普通中學的成績中上者，同樣有機會升上大學，重要的是尊重自己最後入讀的學校，避免因派校不理想而心理不平衡，影響自己的學習態度，家長對子女的開解和鼓勵不可或缺。

selina1109

深表認同，我見好多朋友既細路入左之後，後繼無力，陪跑，辛苦細路，苦了父母。

monmon616

絕對正確！一定要參考班主任意見選校！

柏禧媽咪

升到中學先見真章, 見好多小朋友小學係b1成績, 但到中學真係讀得勁辛苦, 讀唔到都算, 至驚小朋友諗埋一邊.

whywhywhywhy

原帖由 柏禧媽咪 於 16-07-06 發表
升到中學先見真章, 見好多小朋友小學係b1成績, 但到中學真係讀得勁辛苦, 讀唔到都算, 至驚小朋友諗埋一邊. ...

係，我有朋友個仔都係咁，小學頭20，升到中學變中後排，另外之前有接觸過剛升band1的小朋友，大家異口同聲話升到中學先知天外有天

光仔媽媽

絕對認同，見過有同學升band 1A,入讀後成績滿江紅。
所以選學校最緊要合適

alanchan11

我見過有家長明知自己個仔係Band 3，但選校時專攻Band 1至Band 2頭的學校，結果派去十幾志願的Band 3中學，其實程度方面是適合的，但這個家長仍然帶個仔周圍去叩門，而家未知成唔成功，但如果俾佢叩到程度較高的學校，其實未必係好事。

701003

年年歲歲重覆又重覆咁苦口婆心勸各位家長，有屁用咩！面子緊要過孩子！家長為咗威，仔女讀到虧！

好命婆

其實要睇個小朋友小學時個成績如何考出來，係父母加補習老師迫出來定靠自己。如果前者升中父母一唔迫他自然就鬆散，加上自己又不發奮，咁就算間中學幾top都冇用。後者則反以入讀反自己適合程度中學，反而有返自信讀得更開心。家長們要好好了解自己仔囡能力才選校。

kikiboy

好矛盾，普遍來看、普羅大眾都係認為成績越好嘅學校校風就越好，有時想小朋友入間好D嘅中學未必係要面子或者谷佢上去之類，為嘅只係想佢跟好學好，但唔符合自己程度，跟唔上，成日下遊，真係乜信心都冇晒。
做家長嘅真係好矛盾！

JoeyJoey

701003 發表於 16-7-6 16:25
年年歲歲重覆又重覆咁苦口婆心勸各位家長，有屁用咩！面子緊要過孩子！家長為咗威，仔女讀到虧！



  ...

家長為咗威，仔女讀到虧！金句...金句....!!!

008008

123smile

原帖由 kikiboy 於 16-07-06 發表
好矛盾，普遍來看、普羅大眾都係認為成績越好嘅學校校風就越好，有時想小朋友入間好D嘅中學未必係要面子或 ...

認同，我而家就係咁，派了b2a中學，女成績b1c, 叩門冇消息，希望佢真的可以做到新學校的top生，而不會被hea落去

701003

原帖由 kikiboy 於 16-07-06 發表
好矛盾，普遍來看、普羅大眾都係認為成績越好嘅學校校風就越好，有時想小朋友入間好D嘅中學未必係要面子或 ...

唔係矛盾，係對自己及自己子女不了解，家長對自己無信心!跟大隊會安心D

chuyuencheung

最明顯的例子是兩間男女拔，運動尖子幫學攞盡學界獎項，但最終是 DSE 前叫他們轉校。。。

719117

well said

placebo50

絕對同意, 有朋友個女讀北區第一神校, 佢有個同學仔就係咁博入, 全家開心到癲, 但時間見真章, 又留班又全級最尾個批, 兩年後黯然退學, 但更失意嘅係連區內band2 都唔收, 結果只有band3校肯收, 所以選校要慎思。

JenniferKwok214

好認同！人比人比c人，其實好睇自己小朋友，真係要睇餸食飯！派位個日威一時，之後六年好可憐！

vestzs

原帖由 chuyuencheung 於 16-07-07 發表
最明顯的例子是兩間男女拔，運動尖子幫學攞盡學界獎項，但最終是 DSE 前叫他們轉校。。。



  ...

咁涼薄....

Tophand8899

生意人