請問有冇住屯門或元朗家長俾小朋友出九龍讀書?

choyke

你地好,  我住屯門架.  我自己就考慮緊今年要報讀幼稚園.  請大家可唔可以分享一下你o既經驗或有咩要提提我呢.  或者大家都係準備報讀o既家長, 可以大家分享一下難處同心得.

謝謝

Almaz

choyke,

您好!還記得我嗎?很久沒有看見您上來.猜不到您竟然會開這樣的topic.我也看到您在培道的發言.您怎樣又突然想囡囡在k1出去九龍讀的?應該是想為小學舖路吧!我又跟您有一樣的想法,想在小學時出去讀,到時會考慮搬出去住.但在幼稚園,我仍然想留在屯門讀.除非我現在已經有能力搬走.因為小朋友年紀太少,要由屯門坐車出九龍讀書似乎太辛苦了吧.真的要考慮清楚!!!又或者她在聖彼德讀得很開心不想轉校呢.不要怪我多事啊!

choyke

Hi, Almaz,

哈哈, 你好嗎, 當然記得你啦.  小朋友如何呀. 幾時開學呀.

對於小朋友讀書, 我真係頭都大.  可能係因為選學校的日子越來越近啦. 所以我個心好亂.  當然屯門心目中o既幼稚園, 我都會努力增取啦.

近期聽到好多朋友勸告, 叫我要幫囡囡小學舖路.  佢地話如果你想考出面d 私小, 人地見你讀屯門幼稚園, 都會減一半機會, 除非小朋友真係好好好特出.  聽完個心真係好亂.  好担心.  當然你同我都明白, 路途遙遠真係一個問題.  但係我d 朋友, 佢按排到小朋友自組保姆車返學7:50分上車. (住藍地) 12點幾返到屋企.  唔行下路, 行屯門公路.  所以佢叫我考左先. 睇下到時自己屋苑登廣告, 睇下可唔可以自組車囉.  但係我都知係唔容易.  但係如果唔考, 連機會都冇.  所以我都會考, 然後慢慢諗囉.  加上, 如果屯門果間心水唔收, 反而出面果d 收o既話. 我諗仲明顯, 唔洗煩. 要出去. 但係就要煩點出去. 定係搬....呀.呀呀.  真係好煩呀. 有冇經驗媽咪教路呀.

Almaz

choyke,

如果你層樓不是負資產的話,為什麼不考慮賣樓搬出去住?我就是因為層樓及屋企其他人的問題才不能現在搬出去,否則我會馬上搬.搬出去我兩公婆返工又方便.

你心水的學校是那幾間呀?

Fionyiu

Hello Almaz / choyke,

I am very happy to see this topic.  I am also planning to send my kid to Kowloon Tong to study K1.  I live in Yuen Long.  As the distance is far away.  Do you have any suggestion?  Which schools are your favorite?    

choyke

Hi, Fionyiu & Almaz,

其實邊間學校我都仲未諗得好清楚.  我老公就比較鐘意宣道同浸會.  都會考崇真, 當然屯門都會考啦.  你地呢. 你有邊幾間會考.

我諗我都唔會賣樓住.  因為我覺得風險好大.  如果小朋友出到去又搵唔到九龍學校, 咁點呀. 因為就算搬, 我都唔會搬到去何文田啦. 我諗就算我搬都會係青衣或荃灣架咋.  所以我會等小學真係有學校收佢先搬.  起碼起屯門, 就算要揀小學, 自己都知頭知尾呀. 去到荃灣真係得個煩字.

我諗住, 最差, 真係搵唔到保姆車. 咁我就自己送左佢返學, 我先返工囉. 不過我都知好辛苦.

喂, fionyiu, 你個小朋友好似仲好細咋喎.

Almaz

choyke,
如果返學由你帶,放學由誰人帶呀?工人呀?我始終覺得要小朋友每天搭長途車返放學,會太辛苦了.大人要搵食就迫於無奈啫.自己辛苦都唔想小朋友辛苦.

我突然想起一件事,上星期日我帶囡囡去元朗返playgroup.我帶佢拾輕鐵,由屯門碼頭去元朗的車程起碼要半小時,我當時見到囡囡唔出聲只望著窗外,我問佢係唔係好悶,佢答係.

其實我以前曾像你一樣想過囡囡在九龍返幼稚園,我早上同佢一齊搭車返學,又可能親子,因我都在九龍返工.但放學點呢?現在我打消這念頭,我不忍心要囡囡日日來回兩個鐘以上花在交通.

choyke

Almaz,

多謝你的意見,  其實我而家都仲係考慮緊.  都未決定到. 但係我都會考左先. 因為唔考就冇機會. 考左唔讀就另一件事. 可能到時佢考唔到呢. 考唔到就唔死煩啦.  嘻嘻.

我都有個朋友, 每日都係自己送個小朋友去土瓜環讀書. 但係佢自己渣車去. 但係就搭校巴返囉. 所以我都可能會咁諗. 唔排除會買車. 由老公車我地出去. 然後我同個囡返學, 老公就返工. 咁我自己再轉巴士返工.  因為我問過d 保母車, 如果係我地屋企會係第二個站, 所以12:50分會到. 咁我查過, 同住出面o既小朋友差不多.  所以放學會坐保母車囉.

不過其實我d 朋友都同我講. 唔好計大人怕小朋友辛苦同長途, 其實d 小朋友係好鐘意搭校巴架.  因為佢可以同d 其他小朋友一齊傾下計.  所以佢話佢地d 仔囡都好鐘意坐校巴.  只係大人驚危險同辛苦囉.  所以我又唔怕佢悶, 只怕佢攰.  所以如果我地可以自己有車送佢出去. 咁佢唔洗咁早搭車. 只係放學搭一程保母車的話.  我諗會好d.

Almaz

choyke,

我同你一樣,都有想過買架車,早上帶囡囡返學.都可以考慮下.

choyke

Almaz,

係呀. 所以我都覺得你可以考左先啦.  你心目中有邊間間想考?

Fionyiu

choyke,

係架.  我bb現在先得9個月, 但諗定都差唔多, 我bb已報左出年係迦南讀n1啦. 你之前講話你已經搵到保母車由九龍返入tuen mun, 你可否俾d info我呀.  我會自己早上揍bb返學, 跟住我才返工, 返學就搵人揍. 但如果有保母車, 我都會考慮俾bb坐保母車.

thanks.

Almaz

choyke 寫道:
Almaz,

係呀. 所以我都覺得你可以考左先啦.  你心目中有邊間間想考?

我心目中就想考培正,因為可直升小學.由於我公司步行往培正只需10分鐘.可以帶囡囡返學,然後返工.所以我不用買車,坐59x到總站行過去都ok.但就未解決到放學的問題.我有考慮過叫工人出來接放學.始終都覺得遠,怕囡囡辛苦.長遠來說,都想搬出來,但屯門層樓又點算呢?有想過保留層樓,在附近租樓住,又可近返學及返工.我兩公婆都慳1000元車錢啦!但皮費好重呀!

Almaz

Fionyiu,

我都有留意你之前發表過你老爺和你的家人不想你bb去咁遠讀書,現在傾咗啦!同意了?

choyke

fionyiu,

其實我都係打電話去自己心水o既幼稚園問.  因為其實佢地都會有保母車資料架啦.  你可以試下打去問啦.

但係幼兒班就出去讀. 我又覺得細左小小喎. 我幼兒班都諗住起屯門讀咋.  其實囡囡讀k1已經係3歲半架啦. 咁相對上會好 dd. 我諗有咩會識表達會好小小啦.

choyke

hi, almaz,

喂. 一搬出去, 真係一闊三大.  唔係咁簡單.  我地住慣屯門, 買兩斤菜都係五蚊, 停車場, 我屋企樓下果個都係幾百蚊.  出面邊有咁o既地方呀.  所以我只可以做到係. 如果試過我送佢出去真係唔得o既(巴士). 我就考慮買車.  加埋條數都未必有搬出去咁多.

當然啦.  返離就要囡囡自己返. 但係我覺得一程ok 啦.  其實我見好多bk 媽咪都話小朋友適應得好快o既.  但係我反而担心打風落雨, 要佢等我離接佢囉.  雖然我份工都比較彈性, 可以請到假.  但係都要佢等一陣.  其實我有個親戚住起深水埗, 咁可能我到時要搵佢幫幫手, 接左去佢屋企先囉.

不過我諗如果大家小朋友都讀到出面小學.  長遠離講真係要搬.

Fionyiu

Almaz,

原來59x的總站行過去培正只需10分鐘, 真的嗎?? 培正也是我心目中target既學校.  如果真是這麼近就太好了.

係呀, 我仲未同老爺佢地講, 但現在老公已經agree左, 佢都好想俾好d教育bb.  其實我bb會係荃灣海濱迦南讀n1, 之後便會係九龍塘讀k1 (如果考到既話).  幼稚園我會幫佢報考培正,民生,根德園,維多利亞同迦南.  你呢??

Fionyiu

choyke,

你bb現在幾大呀??  你諗住俾bb係屯門讀n1呀?? 咁心目中有邊間幼兒園呀??

choyke

fionyiu,

我個囡而家2歲3個月. 讀n1已經係2歲半.  佢會起青山聖彼得堂讀一年n1.  我會同佢考下一年o既兆麟苑聖彼得.  屯門只係考lee 間咋.  你係住屯門定元朗?  好似元朗都有一間幾出名o既幼稚園架喎. 係唔係真光?

Almaz

Fionyiu,

59x的總站在旺角火車站,大人步行至培正只需10分鐘.小朋友可能要15分鐘左右.我公司在金龍船酒樓的樓上,所以好近(即火車橋則).你住那兒呀?無論去荃灣海濱或九龍塘都好轉折,一定要轉車.如果荃灣海濱讀得好,為什麼要轉去九龍塘讀.如果是我,選擇要出去讀的話,只會選擇一程車,要轉車更加不會考慮.除非坐媬母車啦!我們大人要轉車都覺得煩,更何況小朋友.

Fionyiu

choyke,

我同老公住係元朗, 但bb是跟99住的, 佢地住係tuen mun. 如果係tuen mun讀n1, 你有無慮埋oscar呀?  我聽d bk媽講好似都ok.