中文默書~課外生字

SY_Joanne

小兒現在小三，課內默書冇問題，但課外啲生字就每次都攞零蛋，攪到佢好驚冇哂自信!   請問家長們有乜方法可以容易應付呢？

MrBeast

quit 課外？

lovelywinnie

女女學校都有默課外，但只佔20分，通常每次都有2-3個生字唔識。我估最有效的方法是多閱讀吧！另外從書本上把一些不懂的生字記低下來，久不久就溫習一下吧！

PY-Sing

SY_Joanne 發表於 16-4-21 08:04
小兒現在小三，課內默書冇問題，但課外啲生字就每次都攞零蛋，攪到佢好驚冇哂自信!   請問家長們有 ...

是UNSEEN DICTATION? 有無俾範圍? 如是無範圍, 如果分數唔高, 我估我會唔温. 有時間, 我令願花多D精 神在考試中讀寫. 中讀寫高分乜自信都番晒嚟.

birdbird

中文的unseen dictation 要靠平時閲讀。在家温習默書, 你可隨意在未教的課文或報紙上抽取幾個詞語, 小朋友識寫就自然在校默書時有信心; 佢唔識寫, 你就教番佢如何記果個字, 解釋下個字的部首部件組合、應用及其他配詞。

心態上, 家長及小朋友要調節, 不用太看重unseen dictation 的分數, 而係睇長線———> 透過在預習及默書過程中增加小朋友的詞彙。

SY_Joanne

回覆 birdbird 的帖子

謝謝你的提議!

little_yolky

SY_Joanne 發表於 16-4-21 08:04
小兒現在小三，課內默書冇問題，但課外啲生字就每次都攞零蛋，攪到佢好驚冇哂自信!   請問家長們有 ...

當小朋友課外默書無自信, 做家長咪哈哈哈, 同佢講, 無睇過緊唔識, 大家都一樣的, 你睇, 課內默書你做得幾咁好。家長唔緊, 小朋友自然無咁緊張了。

MrBeast

原來是unseen，我誤會左係補習tim. My bad

siden

Unseen 果part 通常計少啲分

mayyylai

回覆 SY_Joanne 的帖子

我通常唔會理 unseen 嗰 part，因為冇得溫，當然，如果 unseen 啲字係之前已經學咗，咁就提提個小朋友，又或者你望望份 unseen 啲字同課文有冇關連，因為通常會默一啲有關嘅字，咁下次可以預備下，不過真係唔好太緊張，會影響個小朋友架。

SY_Joanne

我已同阿囝講唔識唔緊要架啦！佢比自己好高要求，攪到成日唔開心，我已同佢講盡咗力已 ok 架啦！

COE1205

我仔都係三年級,課外只默生字已經好好啦, 我仔默書範圍係課內詞語加課外課文呀

sarahdad

默課外生字最好的方法還是像長輩們說的:經常大量閱讀(每天平均半小時或以上).

NCSC9

sarahdad 發表於 16-4-22 21:38
默課外生字最好的方法還是像長輩們說的:經常大量閱讀(每天平均半小時或以上).
...

大量閱讀對寫中文字是無大幫助的，因為很多字只會識讀唔識寫，執筆忘字。要識寫中文字，抄默是不二法門。如想靠睇書提升寫字能力，就要睇關於字的書，例如講錯別字的書。我同意大量閱讀的好處，但這好處卻有點被人神化了。個人認為有效閱讀比大量閱讀更為重要。

SY_Joanne

我囝就係有大量閱讀，就係識讀唔識寫! 所以學校老師都會叫佢哋默書前會抄寫全課同生字3次，課內內容因此冇問題，就係 unseen 唔得，都係不二之法~抄寫得多

birdbird

NCSC9 發表於 16-4-23 07:57
大量閱讀對寫中文字是無大幫助的，因為很多字只會識讀唔識寫，執筆忘字。要識寫中文字，抄默是不二法門。 ...

大量閱讀會擴闊小朋友的詞彙,
而且, 中文字由部首及部件而成,
字義跟字的結構跟意思總會有少少聯繫,
閱讀係會幫到認識個字, 從而記到個字.

如果小朋友要抄寫過先至會識寫果字,
小朋友的書寫能力就會提升得較慢.

我教我仔, 唔可能每個字佢要抄寫過至識得寫,
因為佢冇咁多時間去抄.
佢望下個字就要記到, 尤其果d在報紙/書上常出現的字,
更加唔需要特別抄寫 先至會記得.

況且, 上到中學, 溫習默書, 亦冇可能全篇的文章生字抄寫.

birdbird

SY_Joanne 發表於 16-4-23 10:00
我囝就係有大量閱讀，就係識讀唔識寫!  所以學校老師都會叫佢哋默書前會抄寫全課同生字3次，課內 ...

你囝就係太倚賴抄寫黎記生字.

你要改變一下佢個想法, d字唔一定要抄寫過先至識寫.

Anniemun

睇成語字典。