家長們, 每次面對小朋友成績差時, 有咩方法調節吓自己呢

哈利媽

之前未試過唔合格, 近期中英默書都發生咗啦,又唔係冇同佢溫習, 溫嘅時候就識, 默時錯嘅嘢全是大意嘢, 自問對佢係緊張嘅, 但分數8字以上我都好接受, 最忟係佢嘅態度同大意, 成日諗再咁落去大家都辛苦, 如果再對佢放鬆啲, 可能成績再差啲, 唉!都唔知應該點做好??!

kp_sin2001

我已慣了..默書由90去到5分試過, 再由5分上返100又試過, 發覺壓力越大, 成績越差, 我現在已經又佢, 睇他自行做化, 今天下學期第一次中默又9字頭, 但下次又唔知會否保持, 這種心境必須要自行放鬆, 否則對自己身體唔好的

Gella77

溫書系必要嘅！但嘗試唔好將默書分睇得太緊要！長遠睇測驗同考試成績，心裏會好過D。

little_yolky

哈利媽 發表於 16-3-1 08:41
之前未試過唔合格, 近期中英默書都發生咗啦,又唔係冇同佢溫習, 溫嘅時候就識, 默時錯嘅嘢全是大 ...

簡直係細女番版！

我依家好放鬆架, 溫默書就照溫, 但出嚟乜成績都唔理了。佢唔係有心做錯, 真係唔專心, 入唔到腦仔。唔好話8X分, 其實默書只佔成績10%, 唔好零旦都有少少渣拿, 得失唔好看得太重。


當佢哋做得唔好時, 想想佢哋乖既地方, 咁就會無咁火滾。大女終於試過平生第一次默書唔合格, 仲要係十拿九穩既中默。派默書前老師召咗佢出去, 話改完見到係佢個名, 差D俾佢嚇死。佢好醒目, 回家即刻whatsapp我稟告, 等我有心理準備, 驚我嬲丫嘛。返到屋企對佢笑笑, 摸摸佢頭仔, 叫佢下次努力。咁佢又好過D, 下次又會自己努力, 做乜要勞氣喎, 好傷身架。

哈利媽

回覆 little_yolky 的帖子

我都冇話佢, 仲買咗本佢鍾意嘅圖書比佢叫佢下次努力啲囉....真係唔想破壞大家嘅親子關係, 我都覺得分數唔太重要, 不過有時見到佢啲態度就真係好鬼忟

little_yolky

哈利媽 發表於 16-3-2 10:20
回覆 little_yolky 的帖子

我都冇話佢, 仲買咗本佢鍾意嘅圖書比佢叫佢下次努力啲囉....真係唔想破壞大家嘅 ...

Easy easy, 我果個仲經典。上星期返屋企同我講：媽咪我好開心, 我第一次攞到零旦

bobbob

little_yolky 發表於 16-3-2 10:27
Easy easy, 我果個仲經典。上星期返屋企同我講：媽咪我好開心, 我第一次攞到零旦  ...

同我仔有得fight，佢放學同我講：我今日好乖，老師淨係鬧咗我3次咋！

200904

回覆 little_yolky 的帖子

超級羡慕你有這樣的女兒啊！真的好醒目！

200904

其實，我相信每個媽媽都有經歷過。我都承認，平時都會受分數影響，但哪個媽媽不上心自己小朋友的成績？

但，我總是同自己說，不開心就從另一個渠道去發洩，要好小心處理。最好就不要在小朋友面前表現到很緊張她們的成績。在她們面前，永遠是欣賞她們學習的用功，付出。站在她們的角度去解釋這次成績差的原因，與她們一起認識自己的不足，以及最重要就是引導她們去學習怎樣不重復犯這樣的錯誤。這樣她們才有安全感。

你要繼續努力啊！媽媽相信你！鼓勵地說話。

所以，這裡是我最好的發洩區，因爲這裡有很多熱心助人的家長嘛。

ANNAFRIEND

呢個問題我都想開post,幸好已有媽媽開了。我係一個唔容易take it easy o既人,亦都好緊張小朋友分數，但你地知人生有起有跌，冇可能成世在高位。我小朋友的成績似坐過山車，時高時低，令我情
緒都似過山車。佢高時我好高興安慰，佢低我就難以接受，情緒亦被影響亦受

ANNAFRIEND

好想知你地點handle呢種情緒，我每次在小朋友派小測或考試卷果日同自己講，唔好都嘗試接受。但每次只要唔達我標我都，點樣先做到個能夠接受小朋友有不足時候的媽媽。

MASAYA

ANNAFRIEND 發表於 16-3-4 22:02
好想知你地點handle呢種情緒，我每次在小朋友派小測或考試卷果日同自己講，唔好都嘗試接受。但每次只要唔達 ...

將個標準定返去佢能力範圍內，唔好理人地，唔好同自己細個比，如果將標準定得高過佢能力，失望係必然

HaYi

我都覺得學習接受小朋友不足, 對一個自問付出很多的家長是很難的功課.   

我個都是, 明明所有時間已給中默, 同佢默出來都算不錯, 去到老師正式默成績都不好.  我看回, 老師對筆順字型要求都相當高,  

Anniemun

哈利媽 發表於 16-3-2 10:20
回覆 little_yolky 的帖子

我都冇話佢, 仲買咗本佢鍾意嘅圖書比佢叫佢下次努力啲囉....真係唔想破壞大家嘅 ...

忟阿女咩態度?

sexymami

原帖由 ANNAFRIEND 於 16-03-04 發表
好想知你地點handle呢種情緒，我每次在小朋友派小測或考試卷果日同自己講，唔好都嘗試接受。但每次只要唔達 ...

試下唔好只著眼睇成績啦！
當然成績好，感覺未來條路會易行啲。但如果真係成績唔好咁點呢？係咪真係冇希望？

知識學左就以後都跟住自己的了，如果佢係識，就算默書測驗考試因為各種原因低分都唔緊要啦！其實求學不是求分數，其實我係好認同！講真，個個小朋友都有唔小心大意失分架啦，人地考第一只係失小啲啫。而且如果佢係識的話，一路學上去都會跟得上，咁你應該都唔需要點擔心，反而如果唔識先應該想辦法令佢學識。

我地細個讀書都唔係個個都考得好，我都唔明點解大部分家長都要要求小朋友做得更好。

我地大人工作咁多年，都見到人人能力都唔同，邊類人最襟撈？肯學肯做唔怕蝕底個啲囉！

不如著重多啲其他方面的教導，令小朋友在處理人際社交禮貌態度等等各方面，都有更好的發展。

至於分數方面，盡量學下放下啦！試下改變自己的想法，加油！

klkkchan88

雖然成日叫自己睇開D，但一派成績，總是好傷心，自問佢都有比心機溫習，但往往成績都差，上年成績好好，今年成績好差，但都係咁溫，呀女小五，下次就程分，今次成績比第一次更差，再咁落下，都唔知點

Jane1983

見到小朋友成績吾好，或者有野做得不如人意，應該將個重點擺係小朋友度，想吓點解佢會做得差，點樣可以幫佢做好d。亞媽吾係主角，家長對件事的個人感受吾係重點，甘樣睇就會理智d。

S-Kwok

原帖由 Jane1983 於 16-03-08 發表
見到小朋友成績吾好，或者有野做得不如人意，應該將個重點擺係小朋友度，想吓點解佢會做得差，點樣可以幫佢 ...

講……可以講得好有道理，到面對時，又係另一回事，縱使明白小朋友嘅不足之處，見到成績嗰一刻，總會忍不住火起來。

sumchanma

可能阿Q咁諗，小朋友面對適度的起跌，可能有助提升抗逆力，至少唔會到大個先怕失敗，一跌就企唔番起身！
而且當小朋友面對不合格時，我們就係佢地的榜樣教佢地點去面對衰咗！雖然真係好難，但我成日都要提自己唔好咁著意分數！