在家做圖書角, 應點樣做呀?

luluma

寸金尺土, 點樣在家弄個圖書角, 可培養小朋友閱讀興趣呢...

有經驗媽媽, 可告訴我嗎?

ks

先買個無門書架,放近梳化/小朋友最愛坐的附近,有空就多Ｄ同佢一齊揀書.
响買書架前旦早Ｄ同佢講我哋要set個圖書角俾你,重問佢鍾意咩色,一齊去揀,小朋友會覺得个書架佢有份,自然就會戊成日走去睇吓灚吓!重要久唔久更換D書,佢最鍾意個幾本必須放於當眼及易取的位置。
自從換咗个無門矮架,我个女一日都响書架度睇書   

mcdullyiu

我就set左在廳,旁邊放d地墊,就好似我張簽名相咁！

GoGoMaMa

Do you think the moise form the TV will distract the child. I did put the bookcase in the living room beore, but the whole family had to stop any entertainment. So Grandma wouldn't like it, I needed to move it back to our room, so the reading time and the TV time won't get conflict.

I think it is just because we have elderly at home, so it only works to keep the bookcase away from the living room.

twokidsmum

我裝修嘅時候將兒子和女兒的房間牆壁拆了, 再造一個上天花的大書櫃, 省了不少位.  

我兩個小朋友有時會在房揀幾本書, 然後跑到客廳看. 我家沒有裝電視, 考慮多放一個小書架在電視機位置.

現在他們無論早上換校服, 吃飯, 睡前, 甚至吹頭髮都要看書!

twokidsmum

小樹熊

最初在囡囡一歲時我只是在房內放一個三層式的書架 (在百佳、實惠有售那種)，每晚都抱囡囡在那兒選一、兩本書仔睡前在訓上講故仔、一齊睇。

但當書越來越多，而且囡囡又有自己一張床時，我就在她的郵床尾訂造了一個三呎 X 三呎的書架，那麼現在三歲的她，睡前、睡醒又或在她喜歡的時候都自己主動坐在她的床上拎書看，一本接一本的，看完的書就一本本放在床邊上。

我想只要緊記書柜的位置是小朋友可以很方便的隨時就拎到書，又可以很自在、舒服的坐著看就可以了，當然放了書柜後緊記加裝一個安全扣防止書柜翻倒而令小朋友受傷啊。

twokidsmum 寫道:
我裝修嘅時候將兒子和女兒的房間牆壁拆了, 再造一個上天花的大書櫃, 省了不少位.  

我兩個小朋友有時會在房揀幾本書, 然後跑到客廳看. 我家沒有裝電視, 考慮多放一個小書架在電視機位置.

現在他們無論早上換校服, 吃飯, 睡前, 甚至吹頭髮都要看書!

twokidsmum

twokidsmum,

妳好厲害可以唔安電視    ，我家的電視依家淨係用o黎比兩個小朋友睇VCD同埋Discovery Channel，我老公都會係夜晚小朋友入哂房後打一陣機的。而我都好耐冇正式睇過一次電視了，有了小朋友後特然間覺得很多節目都好無聊。

twokidsmum

Hi小樹熊,

我4歲的女兒上全日幼兒園，回家後都沒有太多空閒時間。我和先生沒有看電視習慣，不看電視暫時沒太大損失…雖然我很想看“大長今”。現在我久不久用電腦播VCD，我想待孩子長大點再裝電視吧！

可能家中娛樂不多，我女兒最近不知何解愛上古典音樂。她是自己在我的CD中找出來播的，嚇了我一跳。她說自己大個女，不再喜歡聽兒歌了，還不時叫我說話輕聲點，不要吵著她聽音樂。   

twokidsmum

tkma

最近在JUSCO 買了一個書架，很矮，(沙發的高度)，很适合小一點的小朋友，正好放剛剛給仔仔買的書

tkma

twokidsmum

你的小朋友真的很愛看書，是很小開始給他們看書栽培嗎?

twokidsmum

係呀, 放在玩具旁邊.

tkma 寫道:
twokidsmum

你的小朋友真的很愛看書，是很小開始給他們看書栽培嗎?

小樹熊

twokidsmum 寫道:
Hi小樹熊,

我4歲的女兒上全日幼兒園，回家後都沒有太多空閒時間。我和先生沒有看電視習慣，不看電視暫時沒太大損失…雖然我很想看“大長今”。現在我久不久用電腦播VCD，我想待孩子長大點再裝電視吧！

可能家中娛樂不多，我女兒最近不知何解愛上古典音樂。她是自己在我的CD中找出來播的，嚇了我一跳。她說自己大個女，不再喜歡聽兒歌了，還不時叫我說話輕聲點，不要吵著她聽音樂。   

twokidsmum

twokidsmum,

同意呀~小朋友頭O個幾年的教育很重要啊，一早同佢養成個習慣真係影嚮佢地一世的，三歲定八十嘛~

我自己屋企會在食晚飯時間關電視，就算要睇VCD或DC的節目都要在食完飯先至開電視有得睇。

最近幾次假期在娘家食，剛開飯個個都埋位仲諗住用獎門人送飯，因為有其他兄弟姐妹同埋佢地D小朋友，所以我都唔方便走去關電視，都覺得幾無奈之制突然間電視機熄O左，個個嚧一聲之制發現係我囡囡走去熄O左個電視，表姐嘈哂要開電視，點知比我囡囡講了句：食飯唔准睇電視O架~

個個靜哂，都係婆婆同公公好肯出聲撐我囡囡幫佢加多句：唔准電視撈飯，食完先准開   

就係咁近呢兩個個星期日，返娘家食飯就唔會開電視，我就最開心唔駛睇獎門人。   

我都有將一D古典音樂碟混埋入囡囡個VCD / CD柜入面，其實係我以前聽開，駝住BB時都有聽的CD來，囡囡只會間唔耐拎出O黎play一次、半次，要佢聽哂成隻碟個幾鐘都難d，通常聽到八、九個字 (40~45mins) 佢就會轉碟o架啦。

依家通常都係星期日或假期朝早先會開比佢地聽，氣氛o岩d嘛。

妳囡囡都好懂性，仲會叫妳講野細聲d   

twokidsmum

Hi小樹熊,

我大女可能小時候睇慣VCD，現在都會好鐘意睇。但係我哋很少俾細仔睇，所以即使係朋友屋企開左電視，細仔望幾眼就走開，甚至係電視機面前玩玩具都唔睇電視，奇怪。

昨天我想陪個女讀書，佢點都唔肯俾我關掉她心愛的古典音樂，激死我！

twokidsmum

tkma

Hi, 小樹熊,

很同意三歲定八十！小朋友的習慣也是從父母學會的，仔仔也試過這情形，朋友到我家吃飯，開了電視，他走過去關了電視，還理論十足說不可以看電視！，

不過也很開心，自己無白廢工夫!

      

tkma

twokidsmum，

現在新買的書架也打算放在仔仔的玩具旁邊，并且也在他的床旁邊放了小籃子，在里面放了一些書。等仔仔午睡，晚上睡覺前也會看一點書。

raccoon_dog

hi,我家中都有圖書角,是用吉之島六個粉紅色的三層櫃做!放在玩具櫃"格離".
每個月都去三聯和商務入貨!
我囡囡四歲先開始看圖書,現在七歲,書不離手,有時看到連飯都唔食,要搶咗本書先食,最愛看老鼠記者,海底兩萬哩,秘密的花園(厚版小說),三國演義等,有時一本書翻看十幾次,囡囡都有看電視(卡通片)and卡通vcd,真怕她有近視!
返而仔仔(六歲)不太愛看圖書,我講他都唔聽,有時我唔得閒,囡囡自動拿住本書講故事給仔仔聽,他又肯聽,真古怪!

twokidsmum

我個女將來會讀英文小學，所以我多數俾英文書佢睇。不過嚟繄嘅暑假會開始俾佢睇多D中文書。我個女對D未master到嘅嘢會抗佢，我驚佢再唔學番D中文字遲D會抗拒就難搞嘞！

話時話，大家有無覺得近年多咗媽咪買書俾小朋友睇？係咪呢方面嘅意識提高咗呢？

小樹熊

twokidsmum 寫道:
我個女將來會讀英文小學，所以我多數俾英文書佢睇。不過嚟繄嘅暑假會開始俾佢睇多D中文書。我個女對D未master到嘅嘢會抗佢，我驚佢再唔學番D中文字遲D會抗拒就難搞嘞！

話時話，大家有無覺得近年多咗媽咪買書俾小朋友睇？係咪呢方面嘅意識提高咗呢？

我諗係一個時代更新啩~我地細個是電腦並未發展得咁快，玩的都是基本野，有得去圖書館已經係最好的娛樂，跟住打後十幾年眼見科技發達，由其d電子玩具出到成行成市，小朋友那種沉迷，我諗在我地呢個年齡層面的新派家長對呢個變化清楚不過。

我自己就覺得電子遊戲又或現在的小朋友生活態度，與我細時的相比返而覺得佢地落後緊，我相信睇完一本圖書所知、所得著的肯定比打完幾個鐘頭遊戲機的更多、更充實。

可能我自己細時見過、試過、感受過，都係覺得心靈的滿足比物質的更持久，返樸歸真都唔定

但係香港只要染上嗜書呢個習慣，其實花費都可以好具大，當然香港咁多間公共圖書館幫輕不少啦。

但暫時我的小朋友咁細個，看書主要靠哂圖書館借返o黎就比較難了。因為覺得小朋友真係隨佢喜歡鐘意幾時看書就幾時會走去睇，由其佢地咁細個又可能會特別鐘情某幾本，暫時買書全資擁有對我o黎講是比較好的方法。

屋企造一個圖書角都有其他的好處，而少可以教埋小朋友要有責任、有手尾執返d書、要愛惜d書 (因為我會同囡囡一齊用包書膠包返d書)、還有她會不自覺地教埋細佬，好處仲有很多的，大家做家長的努力啊~   

twokidsmum

唔知係咪多媽咪借書俾D小小朋友，圖書館好似唔係好多少字嘅書咁！！我都忍唔到手買咗好多小朋友書。我已計劃好：家姐讀完到細佬，再傳俾我弟妹嘅孩子，所以唔會浪費嘅。