老師體罰學生有傷痕，老師否認，校方包庇

feifei_baby

有冇証據？請講仔細點，否則同抹黑冇分別！

feifei_baby

如果小朋友驚到返學都嘔，你首先應該處理佢嘅情緒，小朋友有陰影，可能影響將來對其他老師或者學校的觀感，佢仲要讀小學中學的，點解要繼續留喺譚歐唔走唔轉校呢？同埋，你話怕影響學校點睇小朋友，我覺得好奇怪，你post得出嚟公開的forum，預咗俾人知，你開得case，預咗全校老師都識你個仔，何必post啲唔post啲，講啲唔講啲？同埋，事件尚在調查中，你就post老師資料出嚟，根本未有定案，對老師好唔公平！

feifei_baby

原帖由 prince0214 於 15-05-08 發表
對，優先處理情緒問題，所以請教社工。
轉校，談何容易？多謝關心

你能夠抽出時間去找社工，去找防止虐待兒童會，去找學校跟進個案，點解唔抽啲時間打去唔同嘅學校，睇下有冇得插班？既然你後悔小朋友入讀譚歐，譚歐唔係你嘅選擇，點解又硬要小朋友留低？我相信一定仲有學校有學位，但當然唔係大家心儀的學校。

我自己都做學校，我覺得老師真係體罰學生多數兩個原因，一，係老師果日傻咗，二，係個學生曵到傻咗，老師頂唔住失去理智，否則點會咁豬眾目睽睽下體罰學生，我女k1三歲半都識返嚟同我講邊個邊個唔乖俾老師罰咗去隔離班房啦，老師冇理由咁傻唔知個五歲小朋友會返屋企同家長講，而家啲家長叻過以前咁多！我唔評論老師有冇體罰，樓主好似冇透露小朋友因何被罰，小朋友平日調皮嗎？唔係話小朋友調皮就要體罰，而家不妨趁呢個機會檢視下小朋友的行為，讓小朋友進步。我自己都係教育界，我唔否認我曾經諗過 “如果呢個細路係我個仔，我已經打佢pat pat”，因為個小朋友持之以恆地打人咬人踢人，偷嘢，玩課室所有開關制，開合所有門同櫃桶，講粗口，周課室行唔上堂，搔擾課堂，故意對抗老師等等等等，連佢阿媽都話，你地打佢啦，唔使俾面我，我心想，我都要俾面香港政府！唔係話你小朋友好調皮，似我果個極品（我只係打出嚟抒發下，順便吐下心中忍住嘅悶氣）而係老師都係人，唔發生都發生咗，不妨正面看待事件，從中了解下小朋友的行為，都未嘗唔係得著，始終小朋友健康快樂成長最重要，也是每個家長的願望！

小朋友先K2，仲有一年k3，無論體罰事件係真係假，家長不再信任學校，小朋友又唔想返學，呢啲係事實，勉強冇幸福，愛你嘅小朋友，就幫佢搵另一間能輕鬆愉快地上學嘅學校吧！

feifei_baby

原帖由 prince0214 於 15-05-08 發表
Welcome new member "Radynkh" registered on 2015.05.07 13:52

唔好哂時間同其他家長嘈啦，小朋友先至係重點呀，無論事件真定假，對小朋友有影響是一定的，留意小朋友情緒，喺佢面前唔好緊張追問學校情況，要輕描淡寫，旁敲側擊，你緊張，小朋友都會緊張！

當家長作出投訴，無論指控是否屬實，小朋友難免成為vip，以避免日後再有投訴 （我校校長直頭想零投訴，連無理投訴都唔要有），喺學校做vip都唔係咩好事，你認真諗下！