關於內地姊妹學校的問題

Naturedoo

最近好多關於增加與內地學校交流的消息，相信好多家長好關心，我個仔16年準備讀小學，暫定在net14，請問大家知唔知每間小學都有d咩內地姊妹學校的呢？網上查唔查倒的呢？

scyauchris

交乜流，我唔會比我女去！政府簡直不知所謂，D高官仔女不是國際學校，就初中去左外國讀書！咁好，掂解唔去內地升學！

同我女一講返內地，佢立即想起拐子佬，有毒的食物同貪官！今時今日的教育制度要多謝政府，攪到香港的小朋友咁忙！

要講多句一體一藝是費話，特別有學音樂的小朋友，學左唔練就叫培養興趣，叫浪費時間同金錢！

scyauchris

還有什麼培養閱讀習慣，更本班細路功課多到無時間看書，唔該有d學校該反省吓，還有有些學校所謂功課堂攞左來教書！

Naturedoo

我就係想避免第日個仔要參加d咁嘎交流，想知道有無學校係無d咁嘎姊妹學校嘎。

MASAYA

如果遲d全港普教中, 全港內地交流, 冇得揀既話, 點避?

alichan130

原帖由 MASAYA 於 15-01-25 發表
如果遲d全港普教中, 全港內地交流, 冇得揀既話, 點避?

請病假囉....

mykate

唔攞回鄉証。
反正我地唔番大陸。

MASAYA

alichan130 發表於 15-1-25 23:13
請病假囉....

http://goo.gl/F4aGzq <-- 中大教育學士（中國語文教育）學位，課程需要到北京師範大學修讀普通話並考證書。

http://goo.gl/voTOS2 <-- 六年級音樂科吹笛考試，就硬性學生吹奏《義勇軍進行曲》。經過再三求證之後，校方回應指選取考試範圍以外的歌曲是不獲評分。

呢d請假解決唔到喎

brother4

找D宗教學校，佢地姊妹學校是星加坡/歐州

Naturedoo

回覆 MASAYA 的帖子

連吹笛都要吹國歌，簡直仲恐怖過當年我表姐係廣州讀書。。。。。。。。。。
普通話考試一定要上京，呢d分明係睇中港人中意文憑呢個弱點，根本上成個政府早已配合上邊做好曬呢d洗腦工作。。。。。。。

Naturedoo

回覆 brother4 的帖子

其實我本人可以接受宗教學校，但我老公接受唔倒，佢驚細路第時入左宗教，一樣係無得返轉頭，唉，總之小朋友讀書都幾頭痕，根本上我就無乜揀擇，而政府更在推波助瀾，搞到我更加無得揀。。。。

mansum92

原帖由 Naturedoo 於 15-01-26 發表
回覆 MASAYA 的帖子

連吹笛都要吹國歌，簡直仲恐怖過當年我表姐係廣州讀書。。。。。。。。。。

有咁驚咩！我老公外籍人工，佢都未聽過有細路唔識唱國歌。另外，我仔學校交流團係去北京/上海，得36個位，而且你可以選唔去。

Naturedoo

回覆 mansum92 的帖子

我表姐以前係廣州讀書，從未試過音樂考試一定要唱國歌，因爲佢地每星期一都要升國旗唱國歌，我個point唔係指識唔識唱國歌，我個point係指校方硬性規定你一定要吹，識係一回事，但你規定只能吹國歌先可以pass，敢就係根本上成個規則都被政治化，敢就變味了。就正如爾加d咩姊妹交流學校，政府連呢d都要管埋，根本上就係想將教育都政治化。而加你就話可以選擇去或唔去，過多幾年就可能你連揀都無得揀，你唔上去啊嘛，佢直頭空降一批老師落來“教育”你班學生都夠膽啊。哎。。。

scyauchris

講起義勇軍進行曲，我女K3幼稚園教唱，因此佢便在家自彈自唱，結果我忍無可忍丙左佢一鑊！我同講首歌背後是死左好多人，為何國旗是紅色的，因為用好多人民的血換反來！

政府自己有問題，大部份高官大話連編，個位史醫生更funny 話中國政府是人民撰出來。佢地是否打算教導我們子女講大話，品德決德佢地就識教！

慈母，真係頂佢地唔順！

scyauchris

唔去咪唔去交流囉，不打算申請回鄉証，政府係揾我們子女開刀，個教育越改革越差，半日教得切書，反而全日教唔切，還要有功課攞返屋企做。

怪獸家長就無，怪獸政府就有一個！

Naturedoo

回覆 scyauchris 的帖子

呃，其實我唔係想做鴕鳥，係根本上未有資格企出來反對d咩咩野，所以雖然我好唔認同，但只能選擇暫避風頭。。。。。。。回返正題，我發呢個post個初衷係想知道多d關於姊妹學校的信息，睇下Net14入邊咩學校會同内地咩學校聯成姊妹學校，如有子女入讀緊知道有關呢方面的信息，請提供比我，等我可以再揀多幾下，又或者大家比出來嘎信息係其實間間學校都有不同程度的姊妹學校，話比我聼根本避無可避的話，敢起碼我可以再選擇下可以避開北方點的學校，因以我對上面的了解，越北方洗腦越嚴重，又或者提前同小朋友打定預防針，等佢唔至於在毫無防備的情況下不知不覺接收倒一d影響佢價值取向的信息。

scyauchris

回覆 Naturedoo 的帖子

抱歉，我離左題！可以找教會學校比較安全些，但最好直接問返d家長。另外也要主意老師係課堂如何指引學生。

chanwendy

Naturedoo 發表於 15-1-26 09:41
回覆 mansum92 的帖子

我表姐以前係廣州讀書，從未試過音樂考試一定要唱國歌，因爲佢地每星期一都要升國旗 ...

你講緊考牧童笛喎, 我相信大部份學校音樂科考試都一定係全班唱同一首歌, 吹同一首歌去作評分架啦, 咁有咩問題呀, 你始終就係介意指定的那首歌係國歌啫, 如果換作另一首歌, 我相信你唔會咁大反應囉.  你舉的事例就等同作文考試, 全班都要作我的志願, 如果作其他題目就不獲評分, 咁你會唔會覺得咁樣係好離譜好過分的事?
作為中國人, 識唱國家係本份, 如果學校要學生識吹國家, 我唔覺得係過份或者係洗腦的要求.

Naturedoo

回覆 chanwendy 的帖子

歌曲有千千萬萬首，點解你一定要指定果首，敢指定果首果個人制定呢條規定果個人係咪就有政治意圖呢？你覺得敢樣唔係洗腦敢你咪buy囉，但我就覺得有問題囉。我覺得内地姊妹學校交流好有問題，敢你都可以覺得無問題嘎，你覺得無問題咪去交流囉，返上去學習下大陸“一日千里”的優秀教育模式囉，我相信政府同學校都會無任歡迎嘎。同樣一件事，各人會有各人唔同睇法，呢d就係叫價值觀。係呢個post我主要想了解咩學校有d咩姊妹學校，純粹搜集資料，至於價值觀方面，仁者見仁智者見智，希望點到爲止。

catiou627

其實唔使咁憂慮, 好似之前有POST講過呢個話題, 當中有留言, 我都應同, 去一次大陸交流, 咁仔女就被洗左腦, 咁個仔女個腦都好有問題, 唔使擔心太多, 而家學校咩都要家長同意兼簽名, 所以你唔同意, 學校迫唔到.  我囡NET 14嘉諾撒, 咩都要家長同意先參加. 學校都無講自已有咩姐妹學校. 不過有咩姐妹學校都無所謂, 無咩幾多交流, 我諗都係得個掛名啫.