孖囝同班還是分班好？

weiweibb

今日去學校註冊，校務處職員問我想孖仔同班還是分班。我仲以為一定要分班，原來我間學校有得揀。

請問有孖仔／女的家長，同班和分班哪樣較好？你們的小朋友喜歡同／分班？

如果同班，老師或同學會否認錯？孖仔／女唔鍾意比較成績？

如果分班，溫功課或參加學校活動會否不方便？

請指教！

nekoneko79

我覺得分班會好d, 因為佢地係埋同一班, 太容易有比較, 壓力會大d
老師又容易認錯咗, 隨時叫死一個, 冇叫另一個
至於溫書方面, 同級進度應該都不會差太遠的
課外活動當然冇問題, 又唔係跟分班編

kenwong888

nekoneko79 發表於 14-11-27 11:53
我覺得分班會好d, 因為佢地係埋同一班, 太容易有比較, 壓力會大d
老師又容易認錯咗, 隨時叫死一個, 冇叫另 ...

If there is only one ellite class, then you need to sacrifice one!

pinkichung

初小同班可以互相照應下。共同適應新環境。識新朋友。有共同話題。感情好好多

高小先分班都唔遲。到時大家可分享各班情況。而且到時亦會睇學習能力分班。

唔駛急分開佢地啦

我兩個k1,2同班。k3 分班
依傢好多幾傾。黎緊p1 同班

pooh仔

原帖由 weiweibb 於 14-11-26 發表
今日去學校註冊，校務處職員問我想孖仔同班還是分班。我仲以為一定要分班，原來我間學校有得揀。

請問有孖 ...

亞仔亞女有對孖. 都喺分班.

比我都會簡貧班. 主要可以吸唔同老師教法.

Bao.Jin.Dup

梗係分班好喇，獨立發展，各展所長，唔會太依賴另一個。

soright

同班：- 老師到學期尾都未分到樣。- 上堂叫錯名。-但可以問個叻d 果個做左咩，回家協助差d果位。
分班：-差d果位壓力少d。-但有時真係講唔出學左咩，無從入手協助。大家介紹大家朋友，朋友仔多d同埋一齊玩。-睇到邊個老師好d。

各有好壞。

weiweibb

回覆 pinkichung 的帖子

我同你一樣, K1, K2 同班， K3 分班。我希望佢地小一同班先，因為驚佢地唔適應，一齊可以互相照應，小二才分班，但我老公話小一分班好D喎

fc926

小一是適應為主，唔單止小朋友要適應，家長都要適應，第一年同班比較好D，可以互相照應，抄手冊可以互相參考（因為我學校冇放手冊上網），另外最重要是默書測驗同日，他們可互做小老師互相溫習，家長可以慳功夫好多，升小二才分班都未遲

weiweibb

回覆 fc926 的帖子

唔該晒！我諗都係小一同班小二才分班。小學會否像幼稚園一樣，有名牌掛在身上，老師容易分辨他們呢？

Lyn

幼稚園未遇過, 小學係分班的, 我既理解係方便其他人辨認.

Shangrila

其實，只要你對小朋友唔係似到只係其中一個耳背多一粒墨嗰類，老師同同學都會分得到邊個打邊個。呢個係我嘅親身經驗。


同班最大嘅好處係兩個小朋友會同一日評估測考，同交一樣嘅功課，你唔會記錯日子，因為互補不足，小朋友會少欠嘢漏嘢攪錯日子等等問題，家長晚會/家長日唔使走兩場，父母會輕鬆啲，對小一學生嚟講，有助適應。


唔好嘅地方就係，如果其中一個小朋友本來性格就較依賴沉靜，佢會變得更無存在感，成日跟著另一個後面。


所以其實好需要睇你小朋友嘅性格同父母希望佢哋嘅發展係點。

pinkichung

我地都有派到個牌，但未知點用，不過我兩個係唔同樣，所以唔駛擔心會被認錯

pinkichung

依傢父母有時太著重成績發展，但記得親情係一世，兒時玩伴好緊要，記一世

Orelia

分班，因為同班老師資源經常投放在一個only, 好似當左佢地二合為一禁，除非精英班，否則都唔會放同班，加上同班會出現更多互相比較的情況，打擊另一個的自信，你要睇下佢地性格來決定，唔好比佢地依賴。

小朋友番學本來就唔會有兄弟姊妹同班的，不需給佢地額外的適應

happycandy

倘若若是我的，我會幫他們報讀两間學校，根據他們所長，最好考試時不一樣，課程功課不一樣。
儘管是同一間不同班，老師仍然作比較，不同班，每一天的功課，两個會好混亂，而且好多時有得抄襲答案，反而同一班，你分開佢地各自做自己，仲好d。倘若有精英班，一個入到，一個入唔到，你都要諗下心理輔導。

fc926

孖的在同校好處就係互相幫助溫習及方便我去管理，自問真係比其他家長付出少，但效果令人相當滿意。至於比較，呢樣嘢她們由細到大都不停比較，我們從她們出世已經特別小心，一向最多買同款唔同色嘅衣服，從不買兩件一模一樣的東西，通常買兩款各一件交換share，但也難避免比較，幸好暫時都係良性競爭，她們大大下亦明顯各有所長，各向各所長發展

wister

小一既話相信同一班會比較好，因為除左小朋友，家長都要適應學校既功課安排，一齊會比較容易照顧吧！

wister

小一既話相信同一班會比較好，因為除左小朋友，家長都要適應學校既功課安排，一齊會比較容易照顧吧！

Orelia

原帖由 weiweibb 於 14-11-26 發表
今日去學校註冊，校務處職員問我想孖仔同班還是分班。我仲以為一定要分班，原來我間學校有得揀。

請問有孖 ...

以上各媽咪都分析得很好，所以你要攪清楚孖仔是什麼類型而去選擇同班定分班，我大孖是獨立型，自己一班是無問題的，但同班的話，佢會分心去照顧妹妹；而妹妹是依賴型，同班只會另佢每事睇家姐頭，漸漸變得冇自信心，分班後佢變得更開心及有自信，所以分班係對我對孖最好的。

我亦問過小學教師朋友，佢眼見同班的孖，一到分開一個到精英班，精英班的會成績一落千丈，所以佢叮囑我不要同班，其實同班的好處只是方便了家長而已，真的沒必要同班，他們是兩個個體，唔通第日要做同一間公司？