學游泳要學幾多堂/幾多個鐘至識?

Teresa

想請問各位既經驗.  我個仔差唔多6歲, 如果搵人一對一教佢游泳, 要學幾多堂至識游? 10個鐘得唔得?  (我指既"識游泳"係要求佢唔洗用水泡而游到10米).

豬兜媽媽

睇下你個仔怕唔怕水啦，如果唔怕水,加上聽教練話,我想15-20堂左右啦。 :wink:  :wink:

bigcat

要視乎個小朋友本身怕吾怕水, 如沖涼時, 他可以比你用花漉照頭淋都不怕, 還可以閉氣十秒八秒, 就應該可以學識. 再加上學習期間, 陪下佢去泳池玩下水, 練習下, 就更加事半功倍.

如果小朋友本身怕水, 便很難說了.

Sindy

睇

Zoey

若不怕水, 一對一, 十個鐘可游到十米是可以的!  所以同意先跟小朋友在水裡玩玩閉氣, 若不怕的話, 已事半功倍呢!

ykwong

對有ｄ小朋友，上團體班效果可能更好。我兩樣都試過，個人經驗之談。

樂樂

ykwong 寫道:
對有ｄ小朋友，上團體班效果可能更好。我兩樣都試過，個人經驗之談。

同意,團體班好d,又不需花太多學費.

winwin323

小朋友游水, 最大障礙係將頭浸入水, 我囡囡都學左幾堂先攪掂唔怕水.  如果佢攪掂呢點, 可以好快上手.  我朋友的囝囝1:1, 上年一個暑假已經學會四式, 現在在泳會操水.
我囡囡是在泳會學, 1:6, 16hrs/1個泳式, 上年9月開始學,學左自由/背,  而家學蛙式.  

yw

hi, winwin323,
你囡囡是否在Stanford 學呀?如是在哪一校呢，因我囝囝在這裡學的，可分享

winwin323

Hello~ yw,
係呀~ 我囡囡是在XX 學游水.  妳囝囝學到那個泳式呢?  

我最怕是XX的家長, 什麼都喜歡霸位:evil: , 家長席的位置, 沖身的地方, 真的很可怕.  我遲早會因為這個原因, 為囡囡轉去其他地方學 :-x , 最衰就是我囡囡喜歡跟她現時的教練.  

angelmami

請問幾歲學游水比較好?

chloeha

winwin323
               我剛剛想同的女係stanford報名學游水,見你話要霸位咁激, :-| 沖身同坐都唔夠位 請問你係邊區呀?教練質素如何,你個女係唔係學8堂預備班再學自由式,如果轉會你選擇邊間,唔好意思,有好多野想知有好多野想問

Anson_Ma_Ma

winwin323

我剛剛想同的仔係stanford報名學游水,見你話要霸位咁激,  沖身同坐都唔夠位  請問你係邊區呀?唔會係觀塘!教練質素如何???

yw

HI anson_Ma_Man,
我個仔在觀塘學緊蛙初，其實教練一般都不錯，不過真是人夾人，好像早前我看到有其他教練教得很好，但可惜個仔唔受，話教練好惡，唔想學，所以就轉教練。經過多個course及轉教練後，而家個教練好好呀!，夾到我個仔。

winwin323,
你講得無錯，真係經常出現霸位情況，不過我已不霸看台位了，無所謂la，後d一樣看得到，而且有時我在看報紙的；但沖涼我就通常叫佢快d，不要左住其他人law!!!

  

winwin323

yw,
妳囝囝現在跟那個教練學?  妳有無留意到有個女教練, 教蝶式教得好惡死, 但聽到其他家長講, 呢個女教練教得好好, 如果囡囡繼續學, 我可能會mark佢教, 不過都係幾個月後的事, 遲d再算


Hi~chloeha & Anson_Ma_Ma,
其實霸位情況都係睇妳什麼時間, 人多咪利害d.  沖身問題, 因為好似得3 or 4格, 有時小朋友未到, d家長已經霸住, 好似唔係咁好.  不過, 通常我都唔會同囡囡沖身, 返屋企先沖.

不過我個人意見, 最好小朋友攪掂左唔怕水, 即係可以頭浸入水, 先至去學游水, 我見好多較細的小朋友, 怕水, 上課時只是喊, 喊都喊左45mins, 咁點學游呢

如果要轉, 都係XX, 但我問過, 上期d時間夾唔到, 我會等完左XX呢期再打算.

yw

囝囝而家跟昌sir的(sat)，他的泳姿非常靚，而且可以糾正到囝囝的壞姿勢，所以宜家有時要補堂和新班都會mark佢。

是否朗姐姐(束馬尾的)呀，因為我仔跟過佢學自由式及背進，其實我留意唔到有女教練教蝶式，反而上期我有留意有個經常好好笑容的短髮姐姐教跳水，好似唔錯wa 。

Hei-Hei

我個小朋友都在史丹福學, 在西灣河韓國學校內學, 果 D 家長都係, 好鐘意未夠鐘落堂就已霸定沖涼位 (女廁內有6格沖身, 其中4格已比人霸住), 佢地的小朋友未到, 而有其他人跟隊, 出聲叫佢讓都唔肯o架!!! 真係好自私, 唔通只係佢的小朋友至識凍!?!?!

最衰香港東區無其他私人泳池有泳班學!! 我都想睇睇其他泳會的資料!!!

唔知尼度有無西灣河史丹福的家長!??!

winwin323

應該唔係XX, 係一個戴泳帽的女教練, 無mug笑容, 好似好惡, 我見親佢都係教蝶式, 好多家長都話要mark佢教蝶式.  不過上一堂, 我見佢鬧1個小朋友鬧得好勁, 我坐在家長席都聽到.  

想問問妳, XX教得好唔好呢?  我囡囡同學係跟佢, 同學媽咪話好, 但我唔想2個咁熟的小朋友一齊學, 所以無跟XX
我都係學sat, 跟XX , 可能我地已經見過面 .

winwin323

Hei-Hei,
我記得好耐之前, 都有同妳傾過有關游水問題, 當時我在XX都唔係有咁嚴重"霸位"問題, 但近來我開始覺啦~ 真係好討厭

我姪女係在維園學游水的, 但我不知道是什麼泳會, 等我問問佢先.

yw

winwin323,
聽講大傑sir都唔錯woo! 朗姐姐其實都唔錯，不過可能我個仔比較難教，當上左暑假兩個course後，就同朗姐姐似熟賣熟，唔聽教，所以朗姐姐對佢就開始不滿，而且糾正唔到阿仔的弱點；在背進時教極都教唔到阿仔浮水+boot手，結果要再學一個course(跟昌sir)，所以有時真是要人夾人。

我認為兩個朋友一齊學，有好有唔好啦，如果她們是自律的，當然無問題啦，但若果她們一走埋一齊就掛著玩，就緊唔得呢，所以你應先考慮一下! 或者找個藉口話要改時間上堂，跟住就順便改去朗姐姐果組試一試law!!!