培道 vs 九真

kylubricant

原本派位失敗諗住疊埋心水俾阿囡讀培道，啱啱註册完，轉頭電話响，九真話有個候補位俾阿囡……家陣真係煩到爆
大家家長俾啲意見，你哋會點揀？

janette_chan

我都係派位失敗今日註冊培道,其實兩間都係二線都幾難揀,不過我個人喜歡男女校多啲,所以我都放咗另一間女校嘅OFFER註冊培道!!

kylubricant

就係睇嚟睇去好似差唔多先煩……
有冇家長知九真幾錢學費，好可能用呢個做決定

kwokangel

我剛看了$36100一年，我都收到電話，但我估我放棄，因為樓下間津貼小學已經收了亞女

ML710

請問你係咪7 June 叩門interview 既呢？

Step_C

九真咁快call? 又話11號打後先call

wtskina

九真校舍太小，面試當天下雨，冇遮擋，雨水攪到課室濕哂，很不方便，小朋友活動空間下足，另外学費都不少。

wtskina

校舍舊不是問題，幾位朋友女兒在培道讀得很愉快。

wtskina

培道2200平方米vs 真小1400平方米。
重發現真小近大馬路，交通繁忙，空氣不太好，噪音亦幾嚴重。面試時見部份老師在傾計，看來不夠壯重。

MuiMuiQQ

兩間我都有去聽簡介會，聽完發覺九真唔係我杯茶，而且覺得學校由安排簡介會到interview ,出信，call 人...都好混亂。

培道我覺得好好，好有愛心，簡介會好感動到家長。

adaxyyu

九真唔係話11點放榜嗎？

kylubricant

小囡係之前嘅候補生，所以佢要我十一號去註冊，唔係就再放位俾呢幾日叩門申請

little_yolky

kylubricant 發表於 14-6-9 14:36
原本派位失敗諗住疊埋心水俾阿囡讀培道，啱啱註册完，轉頭電話响，九真話有個候補位俾阿囡……家陣真係煩到 ...

九真小學因為要配合中學部, 所以2011已轉英文教學, 功課一定較培道多, 男女比例係9:1。培道校舍雖然大過九真, 但係有幼稚園部。男女比例接近5:5-->6:4。小一無常識科, 普教中, 學費一年約二萬八仟幾, 一定要學樂器, 一三五下午有導修(功課)堂, 無乜功課, 隔禮拜默中英文。

兩間都好好, 但應該九真學術會強一啲, 當然, 培道老師團隊愛心no. 1無出其右。我都去過九真簡介會, 係亂咗啲, 時間控制唔係咁好, 但係唔錯既學校。九真女仔斯文啲, 培道女仔活潑啲。培中係中文中學, 四班有三班英文班。如果小朋友英文ok, 我會揀九真。