派入聖方濟各傾下啦。

sunnyvivian

我女有幸中左第一志願，好開心。我地住得好近學校，以後可以行路翻學。聽講下個月要考分班試，好緊張啊。

mctreat1022

我都係，多多指教

yfchoy

我都係第一志願入，見到校名時真係流咗眼淚出嚟，跟住幾驚會有記者係度。我住灣仔尾，不過會自己帶返學。多多指教！

小小魚兒

我大囡都第一志願入左 , 知唔知分班試幾時考? 考什麼內容?

happyeveryone

回覆 yfchoy 的帖子

恭喜你😀

sunnyvivian

以往分班試好似6月尾7月頭咁上下，考中英數同普通話對答，因為有兩個班係普教中。一年班應該有4個班。

sunnyvivian

7月12毫考分班試啊，加油啊。

ChloeCharlotte

你們好, 我大囡都第一志願入左。 多多指教！

chichibb

大家好，我個女都係第一志願入，想問你地自己帶返學既話，小朋友行上斜會唔會好辛苦，如果我搭mtr,係咪金鐘出近啲架

yfchoy

chichibb 發表於 14-6-15 00:10
大家好，我個女都係第一志願入，想問你地自己帶返學既話，小朋友行上斜會唔會好辛苦，如果我搭mtr,係咪金鐘 ...

你好，我唔搭校車。若果搭地鐵就係金鐘太古廣場3期出口，上咗地面可以用太古廣場3期內的扶手電梯上到星街尾，向左直行到尾再轉右上小小斜路就到。不過由閘口往太古廣場3期出口幾遠吓！

chichibb

唔該哂，咁我考分班試嗰日試吓先

patywm

小女都是第一志願入，很開心！都打算自己帶返學，各位打算入普教中班嗎？

chichibb

我都想阿女入到普英班

小小魚兒

搭地鐵應該灣仔站近些啦 !
由行出地鐵車廂起計 , 行到太古三期路面既出口好遠架 , 係灣仔站修頓出口行返學校比較近d !!!!!

小小魚兒

另外.......睇過校車價目表 , 個人覺得車貴比其他學校都貴

chichibb

因為學校條路只可行細車, 所以校車費比其他學校都貴

小小魚兒

想問一下 , 可否由堅尼地道中學部入口 , 行番去小學部架 ?
我見早上好多中學生行去合和中心 , 由皇后大道東入口搭電梯上堅尼地道, 再行返校舍 !

chichibb

中學部同小學部唔同地址喎，其實金鐘出雖然遠但會唔會行得舒服啲呢

sunnyvivian

原帖由 chichibb 於 14-06-16 發表
中學部同小學部唔同地址喎，其實金鐘出雖然遠但會唔會行得舒服啲呢

舒服就應該金鐘出會舒服D，全程幾乎有冷氣，又無馬路要過。至於學校下面條斜路，我自己親自行過，覺得可以接受，唔算辛苦。我女之前幼稚園條斜路勁好多。

yfchoy

sunnyvivian 發表於 14-6-16 23:43
舒服就應該金鐘出會舒服D，全程幾乎有冷氣，又無馬路要過。至於學校下面條斜路，我自己親自行過，覺得可以 ...

係金鐘過去絶對舒服好多，我出世住既地方就係星街和月街(當然現在改變了很多亦方便很多)，以前星街通唔到去聖佛蘭士街，要去該校址就一定要捱有起碼45度角的聖佛蘭士街，真係會行到死死吓(當然之前亦不是ST.FRANCIS)。現在可以由永豐街直通，梯級又靚咗好多，仲要有太古廣場既自動電梯，每逄打風落雨都冇咁危險(細個次次落大雨就好似waterfall咁，一定唔着得有踭鞋行)。可能行遠啲，但起碼有多啲冷氣涼吓，夏天好辛苦架！若是由北角方向嚟，最好就搭10號巴士或上般咸道小巴(不過貴好多)，就可以直接係太古廣場3期落車，最近，住北角的家長不防考慮。至於唔行皇后大道東的話，若果巴士可停衛蘭軒酒店的話，都係近的，上番一條街就係太古廣場3期。至於由中環嚟的，只要經過皇后大道東的車都近，不過由中環嚟的就真係建議係金鐘入灣仔的3角位的第一個站就落車，斜對面已經係太古3期，再過一個站就一定要行聖佛蘭士街。小朋友行唔慣就真係幾辛苦，好斜。