有ADHD家長可以傾下嗎

heismama

小朋友今年小一 見完政府 cfm ADHD 排左政府要2015年先見到醫生食藥 其實需要睇私家食住藥等嗎 學校已收到智能中心報告打左比我傾 2015年前有d咩可以做

eyan

我選擇睇住私家醫生食住藥等政府，因我仔連說話能力都差，所以我選擇食住藥等，而食藥後明顯有好轉，記憶好左，可以自己坐定定做功課。

IvyPluto

樓主,你在那個部門confirm? 排那一間醫院?  我仔仔2012年9月在CAC confirm ADHD, 排瑪麗, 2013年3月便可以見醫生了.

belau8009

每日做運動呀！可以定D。

samanthayip124

回復 belau8009 的帖子

請問你小朋友日日做什麼活動?

belau8009

治療師建議每日去公園玩半小時，玩咩都無所謂，仔仲有游泳是自由式為主，跆拳道亦是他的最愛！

polly0503

我個女每日放學我都會同佢去玩盪千秋佢最鍾意。

IvyPluto

第一次見姑娘的時候要提供住址證明.

ironpoint9971

我囝5歲，評估咗係ADHD, 又未食得藥住， 上過協康課程4個月， 唔覺有改善，仲可做d乜？

polly0503

平時小朋友多唔多食糖果，試從飲食方面改善。

IvyPluto

  當然還有很多嘢可以做,問題是樓主願意付出幾多資源-父母的時間, 金錢和心力?
我的小朋友7歲評估為ADHD, 現在8歲, 沒有食藥, 雖然私家和政府醫生都叫我俾個仔試藥. 我花在他身上, 過去一年沒有10萬, 8萬一定有.  時間心力更不計其數. 但我都覺得是值得, 雖然我老公覺得食藥也差不多.  每個人看法不同, 能付出的也不一樣.  正所謂各有前因莫羨人, 我不是說風涼說話也不是要show off.  我在網上看到人家的ADHD兒子不吃藥也上可以大學, 健康快樂成長, 我以此為榜樣吧了.

pop-rice

回復 IvyPluto 的帖子

我小朋友都confirmed有ADHD，醫生建議吃藥，但我唔想，一直集中在行為方面著手。其實唔食藥真係得唔得呢？

Ms.Mak

回復 pop-rice 的帖子

食吾食都係你自己決定.

IvyPluto

食唔食藥好睇父母的EQ和小朋友的表現, 也要看看自己對小朋的要求.  如果你可以做得到鼓勵加贊賞而不是打打駡駡,而小朋友學習功課冇問題, 絕對可以不用吃藥.
我在瑪麗定期覆診,醫生也同意我小朋友可以繼績我現在比佢的Training, 只再排一些情緒控制及社交小組給我仔仔, 第二次覆診己經無提食藥了.

janssenma

回復 IvyPluto 的帖子

請問是什麼training? 在家還是join一些course?

IvyPluto

Confirmed 後我仔仔在耀能join了個為期半年一對一的專注力課程 - 已完成.
現在每星期做2次音樂治療, 有食EPA的鱼油 - 會繼績.  
去年學校大概每星期有一堂專注力加油站 (因考試或假期暫停) - 希望今年都有
現在暑假每星期上2堂游泳,1堂Mind Map, 2堂象棋, 2堂Piano,1堂話劇, 1堂畫畫 和1 堂普通話. 但暑假後會轉返1堂或要放棄D.
星期日會去踢足球或跑步和返教會.  平時會去中央圖書館,各大博物館和書局打書釘.

DON1112

原帖由 heismama 於 13-06-23 發表
小朋友今年小一 見完政府 cfm ADHD 排左政府要2015年先見到醫生食藥 其實需要睇私家食住藥等嗎 學校已收到 ...

我囝囝今年到升小一，本身醫生比期我都係2015年排兒童精神科。但我同姑娘講。嘩2年我小朋友都三年班點搞。最後而家改左兒科2013年12月睇。但而家情況已經好壞。我打去醫院問再想要快期。醫院建議我要求學校寫轉介信再去醫院排多次睇醫生建議會唔會排快多小小。

samanthayip124

回復 DON1112 的帖子

我都因為等得太耐，轉左去兒科，但係感覺醫生好似好求其囉，見左一陣就話仔仔需要食藥，仲話唔食藥都唔需要跟落去啦！

elegant

点解睇親醫生都話要食藥?雖然好多人都話食藥唔一定得，亦有不少case有富作用。