理想的學校收左我個女，但應唔應該坦白我個女發展遲緩？

Why

大家好，如果有時間俾D意見啦！
        年頭幫阿女報左幾間幼兒園系今年9月讀N班，有幾間都比較理想的，開始面試，基本上都唔收我個女，因為面試果陣區都唔講野，又唔聽指令；后來東華三院幼兒園唔使面度就收我女，雖然有學校收左，每日都需要搭車返學放學架。
         昨晚突然收到一間理想之一的幼兒園打電話來話收左囡囡，果一刻超開心！
上星期同囡囡做左評估，開頭以為系自閉，后來確診左唔系，只是語言遲緩左10個月；學校方面約左下星期一去注冊和做校服，應唔應該先同學校坦白個女遲緩一事呢？問過一D朋友和親戚，好多都覺得未好講住，反正仲有兩個月，或者上下訓練課區會好好多，又怕講左學校即刻唔收區，好矛盾啊！因為我系覺得坦白會好D，如果開學先來講，學校方面如果接收唔到，都唔知會唔會特別照顧我個女。
       請問有無家長遇過呢種情況，通常學校會有咩反應？得閑分享下！

apple~y

Why 發表於 13-6-22 15:23
大家好，如果有時間俾D意見啦！
        年頭幫阿女報左幾間幼兒園系今年9月讀N班，有幾間都比較理想的，開 ...

你囡囡幾大
"只是語言遲緩左10個月"係咪只講單字

番n至少要聽指領,如果你囡囡聽指領無問題,可以手指指表達自己
暫時唔好0甘快講住

Why

回復 apple~y 的帖子

27個月大啦！單字好少，基本上聽唔明指令架！

HMHG

我認為對學校坦白是沒有問題,因為可以知道這間學校在語言遲緩方面有沒有支援。如果學校沒有支援,你就只可以靠外面做語言訓練。

Why

回復 HMHG 的帖子

讲得也岩，应该坦白下，但唔会因为甘学校唔收我个女吧？

HMHG

我認為學校已收咗你個女,你同學校講你囡囡有語言發展遲緩,我估學校可能答老師沒有在方面專業,你需要外面做訓練等。我認為你需要擔心你囡囡返學會唔會適應及怎樣幫你囡囡適應返pn。

apple~y

回復 Why 的帖子

最基本要識聽指令,27個大唔識聽指令又真係怕跟不上
如果你唔講,老師都會好快知唔對路
睇0下你敢唔敢同學校講,一係扮無0野
到時老師問,你咪話巳評估排緊服務,如果學校多多說話都係要走人
一早同學校講,學校係表明唔多鍾意,咪書包校服都唔使買唔怕浪費money,搵過第2間好過

Why

甘又系，你地都讲得对，还是坦白好了，其实一开始我也是想坦白的，！谢谢你们！

pcchobby

以我例子為例,我囡囡入學K.1時完全唔識講野~
不過佢唔只整係語言有障礙仲有發展遲緩, 當時我都唔係好信,
但後尾健康院先叫我去做評估,但當時我已經入左一間幼稚園都幾好既~
不過入左去冇幾耐已經班主任話懷疑我囡囡有d發展問題~
跟住評估中心就叫我去排政府個d special training既幼稚園啦..但結果佢等左2年先有得轉去d有特殊training既幼稚園...
亦都係咁老師覺得佢係入遲左1年哩類學校令佢仲未追得晒同年輕既小朋友
所以你應該問下評估中心佢應該入正常冇哩類訓練既學校定係有訓練既學校~因為我想講真係有問題既小朋友如果及早得到幫助個改善係超乎你想像既~
希望幫到你啦~

siu-miu

如果理想幼稚園收左，咁難得是否應該博一博照讀呢，小朋友2歲未夠仲有好大發展空間和時間追，可能忽然識好多東西，比我我會試讀，然後努力追，唔好咁快標籤自己小朋友，學校比我亦唔會特別提，除非老師打電話來問就講。其實，可能一開學多左和小朋友接觸會好快進步，唔好咁快打定輸數

smartcash

回復 Why 的帖子

我認為唔好講住, 您係唔知老師會點想, 但應盡快上training起碼要聽得明指令, 其實仲細, 唔好甘快標籤左, 但真係要盡快上training.

Why

回復 smartcash 的帖子

我已经同教师讲左啦，但是教师话无问题，而且区地学校有兼收位，但就要社工转介同排队；而且我都约左下星期去评估做职业治疗啦！多谢关心！