大家幫忙分析下就竟係定吾系

monsterF

之前出過貼,感謝有心人既回應,我再整合過,希望多D人比D意見我
啊女19個月,我懷疑佢有自閉既頃向,但又唔系全部中
我覺得有問題既地方:
1. 有睡眠問題: 難入睡,易醒,由細到而家都係每天最多睡9小時
2 偏食: 中意食餅,每日都問拿餅食,最少10次,但飯個D就食好少,
3 聽覺敏感: 聽到某D聲就會好驚,例如吸塵機,風筒,有時表現得好驚,但我唔知佢驚咩,例如經過街市某個位佢就會驚.次次都係
4 佢會同人玩,通常係大過佢個D,有時人地掂到佢就會打人,同人玩玩下又推人,扯人衫
5 固執行為:例如褲腳唔比折,阿婆折都唔比,餵奶一定要媽媽比,阿爸都唔得,除非阿媽唔係度
6 冇耐性,易哭鬧,要咩就扭到有位止
7 中意睇魚睇奶粉,次次去超市都睇到唔肯走
8 生理方面, 有敏感對蛋魚牛肉等都敏感,有便祕
另一方面, 佢語言冇問題,完全溝通到,學左1-10,唔按次序佢都OK,介左片,大小便都識講,唔會瀨,叫佢叫人都會聽,陌生人都OK,但又唔係個個陌生人都得,有D 人見好多次都唔采人,
大家又點睇呢?感統又中唔曬,比D意見我好嘛?

monsterF

push and加多樣，好難清潔口腔，到而家都未刷過牙，用沙巾抹都好難

chowqv

得19個月，就算睇醫生都確定唔到。

如果呢個歲數已經確定既，係好嚴重既事。

Vichang

原帖由 monsterF 於 13-06-12 發表
之前出過貼,感謝有心人既回應,我再整合過,希望多D人比D意見我
啊女19個月,我懷疑佢有自閉既頃向,但又唔系全 ...

會唔會只是感統問題呢？因為你囡囡言語冇問題啊。

monsterF

咁會唔會越大越明顯呢？我係擔心耽誤左時間

新手好媽咪

我個仔都系咁，歲半之前我唔覺得有問題,又識講野又識學人打電話,又唔覺得佢比人慢哦!但係歲半之後,我系覺得佢退步左,系覺得佢一直退下去,所以等不及政府E院,自己去做左私人評估，結果真系中左,佢唔肯俾你刷牙可能系因為敏感,我個仔都係唔俾我幫,

hindip

今個星期六 6月15日 www.fuhong.org/hdc 有自閉症講座，可以報名去了解下。

Vichang

原帖由 monsterF 於 13-06-13 發表
咁會唔會越大越明顯呢？我係擔心耽誤左時間

咩可能都有。我個仔等唔切政府結果在20個月時去睇左私人評估，跟住有follow up排位。另外建議找醫生寫紙排CAC 評估。

fishcowcow

徵狀以我囝以前, 我囝係自傾, 去健康院睇下可唔可以轉介去CAC

pyalisa

自閉未能確定。你小孩感統問題機會也高。

感統細細個就有得評估。你搵職業治療師評咗感統，做咗感統訓練先啦。

babycat9001

小兒2歲時做完CAC評估,証實有自閉証...CAC評估員憑什麼話小兒有自閉...
1...唔望人
2...未識講野
3...只係愛玩123數字和ABC英文字,其他全部都唔玩,連車車都唔玩...
4...大卑氣...見到鐘意既數字或英文文字玩具一定要得到手,就算係街訓地大叫大喊都要我買
5...坐唔定,坐永遠唔過三分鐘,就算現在已40個月大,追佢餵飯...
排梗S位...
樓主留意下你小朋友有冇以上問題出現...

不過我識個小朋友一樣係A仔,佢肯望人,又坐得定,但未識講野,學野超慢...咁又排梗S位...真係個個小朋友唔同...

Vichang

原帖由 babycat9001 於 13-06-16 發表
本帖最後由 babycat9001 於 13-6-16 18:40 編輯

小兒2歲時做完CAC評估,証實有自閉証...CAC評估員憑什麼 ...

我個小朋友勁中意123同abc但係都係俾CAC 個兒科醫生話唔可以再玩呢d嘢。我就嚟連月歷都要收埋啦。你小朋友而家戒左玩數字和字母未？

fongbau

我個仔18個月時已覺唔對路，於是趁18個月時見健康院姑娘時提出，姑娘即時做簡單測試都認為有可疑，於是立即𨍭介做評估，2個月後完成評估；之後排左3個月，阿仔滿2歲就即入S位。
我覺得越早發現，越快排倒評估同入S位；因為聽好多3歲後先發現嘅，一般都排好耐。

chowqv

原帖由 Vichang 於 13-06-17 發表
我個小朋友勁中意123同abc但係都係俾CAC 個兒科醫生話唔可以再玩呢d嘢。我就嚟連月歷都要收埋啦。 ...

我果個，醫生話書都唔好俾佢睇。淨係俾佢做活動，去玩，去叫就好啦。

邊有小朋友好似我個仔咁樣，迫阿媽俾功課佢做既。

monsterF

但健康院個邊叫4歲先返去复診，有咩途徑可以睇到ot呢

monsterF

佢未識曬abc但見到數字一定會讀

Vichang

原帖由 fongbau 於 13-06-17 發表
我個仔18個月時已覺唔對路，於是趁18個月時見健康院姑娘時提出，姑娘即時做簡單測試都認為有可疑，於是立即 ...

請問你小朋友現在幾大？兩歲入s位時係私人定已經排到政府呢？我個仔而家兩歲多d,開始了私人s位。有少少進步咋，而家仲未完全識聽指令。

Vichang

原帖由 chowqv 於 13-06-17 發表
我果個，醫生話書都唔好俾佢睇。淨係俾佢做活動，去玩，去叫就好啦。

邊有小朋友好似我個仔咁樣，迫阿媽俾 ...

佢太中意做功課？。                             其實我個仔最近都好中意揭書，睇埋每頁的頁數。又係同數字有關，激氣。

Vichang

原帖由 monsterF 於 13-06-17 發表
但健康院個邊叫4歲先返去复診，有咩途徑可以睇到ot呢

叫精神科醫生寫紙得唔得？

chowqv

Vichang 發表於 13-6-17 20:22
佢太中意做功課？。                             其實我個仔最近都好中意揭書，睇埋每頁的頁數。又係同數 ...

係，超級喜歡做功課。

邊有細路，放學第一件事就對我講，我想做功課。

放長假，係要買多幾本佢做。又迫阿媽睇書。因為佢要睇。大家一齊睇自己既書。

佢得k2。我點等到佢大。。。。家下隔日拎晒n班開始既書出黎，逐本溫習。