請問小一礳牙，好嚴重應該睇咩醫生

sumyau1012

請問小一礳牙，好嚴重應該睇咩醫生？係咪應該睇心理醫生？有無經驗人士可以介紹下。

maggieddie

有人話生蟲會磨牙 有人話係壓力 有一排我個仔（小一）短時間內有鋼琴比賽同跆拳道考試 果排就成日磨牙 一完左就即刻無晒事 所以壓力居多！

sumyau1012

我初期我以為係考試壓力，但都考完試好耐。2月份考試。問佢自己，佢鍾意考試，因為無功課，早放學有時間玩。佢又鍾意返學。平時我都無比額外野佢做，都唔知咩原因，所以諗緊係咪要睇醫生，但又唔知睇咩醫生先岩

eviepa

磨牙基本上是遺傳，有了這遺傳，就有磨牙的傾向。有磨牙傾向的人，到壓力大時，就會磨牙。

一定要看醫生，是看牙科醫生，不是心理醫生，因為任何心理醫生都不可能保證你永無壓力。牙醫會造個類似拳手帶著的牙套，叫“night guard” 給你，睡覺時帶著，磨牙時牙只磨塑膠牙套，不會傷害牙齒。

dorming

做一個套要幾錢？孩子一路成長係米一路轉套？ OR大到某個歲數才要做呢？

173173173

我小朋友都有磨牙習慣, 問過我睇開的牙醫, 牙醫話要 $1200 做一個膠牙套, 如果小朋友日日磨, 大約1-2個星期就會磨爛, 又要再做一個, 所以我冇做!

terrylyy

我小朋友晚晚磨牙，去牙医到檢查佢話門口有小小磨到平咗啲，現在每晚戴牙套訓覺，初初好吾慣，有啲訓吾着，一兩星期後已經吾覺有嘢阻住，大約仟二蚊一個，可用一兩年，吾會用幾個禮拜就磨穿，每年番去牙医到檢查一次睇吓小朋友大個咗，個牙位有無吾啱，牙医話有磿牙最好要帶，因為磨得多，越磨啲“法郎“質越薄會影响啲神經線，會成日痺，我個仔就係有一隻門牙久吾久痺吓先去check，現在已經無事，佢只係帶咗三四個月左右。

黃巴士

學童牙科保健時, 順便問吓.

jc2009

我囡K2, 晚上瞓覺都有磨牙習慣, 現需要看醫生嗎?

btrue

我個女都勁磨牙,有次偶然發現唔訓枕頭就立即停止.唔知係唔係枕頭高度會影響?

cherrybiz

我本身都有磨牙﹗我個仔(4 years old)同個女 (17 mth old)都有呢個問題。仔仔情況好嚴重，我都唔知佢有咩壓力，或者在我大人角度係冇，但小朋友就覺得有呱。anyway，我又係唔知點幫佢.....

eviepa

我自己用既牙套，普通厚度既通常可以用一年左右，牙醫已經話嚴重，後來就加厚一倍，大概可以兩年。我既牙醫係朋友，有特價，我相信正價大約係一千左右。

sumyau1012

係喔，可能有關，因為鼻感引起鼻水倒流，所以近排我換左大人的俾佢用，好多謝你，等我試下唔俾佢用，睇下好唔好

sumyau1012

但我覺得，咁細個有壓力，我應該諗下點幫佢減壓，係咪好d. 我好唔希望咁細個人仔有大壓力。

sumyau1012

但係你小朋友礳牙係咪同壓力有關

sumyau1012

其實我唔太清楚係咪壓力引致，所以想問下大家。係咪通常礳牙都同壓力有關

sumyau1012

請問你係咪通常有壓力先礳牙？因為我想攪清楚礳牙既原因。如果係壓力，就好希望找出咩事令咁細個小朋友有壓力。如果係天生，咁就只好搵牙醫

eviepa

睡著才會磨牙，所以我根本連自己有沒有磨牙都不知道，是牙醫從我的牙齒形狀才斷定我是磨牙。甚麼時候磨牙？是否有壓力才磨？我統統不知。但牙醫說通常有壓力才會磨牙，沒有壓力，比如說去旅行時就不會磨牙。

不要太擔心，鄙人雖有磨牙問題，但也不覺得壓力比別人大，生活質素比別人低。

磨牙是先天的，遺傳了雖不是好東西，但晚晚帶night guard，問題不大。

cchealthy

同壓力無關係。

sumyau1012

可唔可以講多小小，點解同壓力無關。唔該晒。