想問下隨機number的派位方法 ?

bestwish

假設兩位band 2 學生

學生A隨機number係 10
學生B隨機number係 50

學生A第一志願揀 band 1C 學校
學生B第一志願揀 band 2A 學校

是否大家都係一齊派第一志願先 ?

定係等到學生A派到有學校收,  先輪到派隨機number後過佢D學生 ?

你地明我問咩嗎?

khmama

同一個band會一齊抽完第一志願，然後一齊抽第二志願，如此類推.

bestwish

khmama 發表於 13-4-12 15:28
同一個band會一齊抽完第一志願，然後一齊抽第二志願，如此類推.

我想問下, 是否中學完全唔知咩小學學生等緊派佢地間中學 ?

全部由教署的電腦系統派位 ?

安格斯媽媽

是，全由教育局安排

Fanny0707

原帖由 bestwish 於 13-04-12 發表
我想問下, 是否中學完全唔知咩小學學生等緊派佢地間中學 ?

全部由教署的電腦系統派位 ?

有一條龍小學或者直屬小學之中學就會預算到大部份學生的來源。

ohnono

bestwish 發表於 13-4-12 15:23
假設兩位band 2 學生

學生A隨機number係 10

Band 2學生A第一志願揀Band 1C的學校，如果因為這學校早早給Band 1同學揀晒的話，這band 2同學縱有好的隨機的號碼也得落空，而要跌落第二輪去抽第二志願的學校。
相反，band 2學生B雖然隨機號碼沒有學生A這麼好，但他選的第一志願學校是band 2A學校，就因為較少band 1同學派往band 2學校的情況下，學生B自然有較大機會於第一輪抽第一志願的時候已經成功獲派這band 2A學校。

最後就只餘下學生A繼續去抽第二輪的派位，若他的第二志願仍有位剩的話，他就可藉著好的隨機號碼而在第二輪抽獎獲派第二志願的學校。但若果學生A的第二選擇是其他同學的熱門第一選擇時，學生A就有可能連第二志願都派不了，最終可能又要留待第三輪的抽獎去抽第三志願的學校了，如此類推，直至學生A派到學位。

一日學生A派不到位，下一個組別的學生，即是band 3的同學就不可以開始抽獎，要待所有band 2同學全部獲得派位之後，band 3同學的派位才會正式開始，所以band 2同學最差也不過會被派去band 3頭的學校就是這個原因。因此，填派位選擇表的時候，除了要盡量填晒那30間中學之外，學校的選擇次序都好緊要就係咁解。

ohnono

bestwish 發表於 13-4-12 15:54
我想問下, 是否中學完全唔知咩小學學生等緊派佢地間中學 ?

全部由教署的電腦系統派位 ?

中學真係唔知會派乜野學生比佢地，所以那些中學老師都會盡量在自行收生的時候，選擇同學來面試的同時，最後臨走都會跟同學說：「希望你能在統一派位的時候選擇我們做第一志願，以求增加入讀的機會。」，目的就係希望能在大抽獎時藉著這班同學將他們學校放第一志願而增加收到這班同學的機會，總好過收埋一些唔想收但又同樣將他們放第一志願的同學。

Siuchoi

回復 ohnono 的帖子

你好!想請問，大抽獎時，甲部和乙部的號碼是不同嗎？

ohnono

Siuchoi 發表於 13-4-12 19:03
回復 ohnono 的帖子

你好!想請問，大抽獎時，甲部和乙部的號碼是不同嗎？

每個升中同學只會有一個隨機號碼。這個號碼將分別用於甲部和乙部的大抽獎，先抽甲部，待三個組別抽完後，未能獲得派位的將用同一隨機號碼進入乙部並進行派位。

Pennydorathy

如題，想請教在統一派位甲部份，可任填全港三間學校的，同 是個band1的學生，隨機號碼之影響，例如：
A學生隨機碼係20，甲部份第一志願甲學校，第二志願乙學校，第三志願丙學校；乙部份第一志願甲學校，第二志願係乙。
B學生隨機碼係150，甲部份第一志願係甲學校，第二和第三都不填；乙部份第一志願係甲學校，第二係乙學校。，
C學生隨機碼係230，甲部份第一志願甲學校，第二係乙學校，第三不填；乙部份第一志願都係甲學校，第二係乙學校。（三個學生乙部份都是一樣的）
在甲部份大家都派吾到甲學校，去到乙部份，會派位俾邊個先，她們在甲部份多揀了兩所學校而影響到變排了隊尾？我們應否把甲部份二三志願留空，盡快到乙部份排頭位？

redkoni

Pennydorathy 發表於 13-4-12 20:09
如題，想請教在統一派位甲部份，可任填全港三間學校的，同 是個band1的學生，隨機號碼之影響，例如：
A學生隨機碼係20，甲部份第一志願甲學校，第二志願乙學校，第三志願丙學校；乙部份第一志願甲學校，第二志願係乙。
B學生隨機碼係150，甲部份第一志願係甲學校，第二和第三都不填；乙部份第一志願係甲學校，第二係乙學校。，
C學生隨機碼係230，甲部份第一志願甲學校，第二係乙學校，第三不填；乙部份第一志願都係甲學校，第二係乙學校。（三個學生乙部份都是一樣的）
在甲部份大家都派吾到甲學校，去到乙部份，會派位俾邊個先，她們在甲部份多揀了兩所學校而影響到變排了隊尾？我們應否把甲部份二三志願留空，盡快到乙部份排頭位？

去到乙部份，會派位俾邊個先？
B學生囉，你只說：「在甲部份大家都派吾到甲學校」，我也可說：「在甲部份A及C學生大家都派到乙學校」。

redkoni

回復 redkoni 的帖子

如果你只說：「在甲部份大家都派吾到甲學校」，而我說：「在甲部份A學生派到丙學校」。即是話去到乙部份，都仍會是B學生派位先過C學生(如有學位)，因為三個學生乙部份都是一樣的。

安格斯媽媽

點解？肯定無學生在甲部放乙第一

redkoni

Pennydorathy 發表於 13-4-12 20:09
我們應否把甲部份二三志願留空，盡快到乙部份排頭位？

不如索性放棄甲部，咪仲快到乙部份排頭位？唔係咁嘅！

redkoni

安格斯媽媽 發表於 13-4-12 21:20
點解？肯定無學生在甲部放乙第一

唔明你乜意思？你又點解咁肯定甲部第二志願乙學校無位剩？佢都無講乙學校是冷門定熱門。

安格斯媽媽

全港10%位第二志願入比較難，例子是講A及C放第二，但可能第一志願也有人選，你話肯定入所以有點唔明

圖書寶寶

回復 redkoni 的帖子

甲部有3個選擇，不限地區，要上教育局網頁查詢。
乙部有30個選擇，只限所選校網之學校。

抽獎模式如下:

- 先抽甲部，BAND1生優先抽獎，處理完所有BAND1生，就輪到BAND2生，最後先輪到BAND3。
- 甲部BAND1、BAND2同BAND3都處理完，先至到乙部抽獎，方法同甲部一樣。
- 抽獎時，會先由第一志願開始派比BAND1生，派完所有BAND1生第一志願，仍然未分派到學校的BAND1生，就會分派第二志願，第二志願都落空既BAND1生，就會跟第三志願分派，如是者派完BAND1生既所有志願。派完所有BAND1生，就輪到BAND2生，方法同BAND1生一樣。派完所有BAND2生，最後就輪到BAND3生。

- 下面係一個BAND1生抽獎的例子。
-假設甲學生係BAND1生，第一志願選A學校，而另外有 99 個BAND1生都係選A學校做第一志願，如A學校得70個抽獎位，即是有30個BAND1生抽唔到。只要考生之隨機編號夠細，能擠身頭70位，便即時中獎，獲得第一志願。

- 如果甲學生唔好彩，就要試第二志願，同其他BAND1生繼續爭，直到有一個志願有位而隨機編號又爭贏對手為止。

- 同一個BAND之學生，無論頭，中或尾，機會均等。BAND1尾學生一樣可以入BAND1頭學校。


每個考生都會由電腦分配一個隨機編號用以抽獎，無人會知個號碼。

redkoni

安格斯媽媽 發表於 13-4-12 21:50
全港10%位第二志願入比較難，例子是講A及C放第二，但可能第一志願也有人選，你話肯定入所以有點唔明



  ...

全港10%位第二志願入比較難，這個我都明明地嘅。不過上例我無話過肯定入喎，好似「在甲部份大家都派吾到甲學校」+「在甲部份A及C學生大家都派到乙學校」這些都是先假設，然後再推論的邏輯方法，可能我表達得唔好囉。
再者，一個甲部的Band1生在全港10%位的甲部第二及三志願抽中一些不受歡迎的學校是絕對不難。

圖書寶寶

回復 redkoni 的帖子

- 要記住甲部抽完先到乙部，由於甲部位少又要全港一齊爭，一般只當買六合彩。不過都唔可以亂填，如果亂填一間唔係心水學校，萬一真係抽中就等於放棄乙部獎。所以如果好想抽乙部又無其他心水選擇，甲部第一志願可以填番乙部第一選擇，其餘留空，如想博幾間同級數之學校亦可。

乙部30個志願要填滿，如果只填幾個又不幸派唔到，就要等所有BAND1，BAND2和BAND3生都抽完，先由電腦隨機派間有位之學校俾你，必然係BAND3尾之學校。

redkoni

圖書寶寶 發表於 13-4-12 22:30
回復 redkoni 的帖子

- 要記住甲部抽完先到乙部，由於甲部位少又要全港一齊爭，一般只當買六合彩。不過都唔可以亂填，如果亂填一間唔係心水學校，萬一真係抽中就等於放棄乙部獎。所以如果好想抽乙部又無其他心水選擇，甲部第一志願可以填番乙部第一選擇，其餘留空，如想博幾間同級數之學校亦可。

你講得啱吖，最好是用來解答：「我們應否把甲部份二三志願留空，盡快到乙部份排頭位？」



圖書寶寶  一個BAND1生又點會選一些佢唔想要的學校呢! 最多留空甲部, 只選一間


在這裹解說給不太清楚的家長，你也懂得先詳述技術上運作的層面，然後再舉例如何實踐，再反映現實環境又是怎麽一回事，這個世界乜人都有，如果人人像你咁無所不知，你寫咁多嘢就無人睇喇。