靠記億彈琴 - 資優教育 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 資優教育 › 靠記億彈琴

12 3 4 下一頁

發新帖

查看: 11978\|回覆: 70	go 靠記億彈琴 [複製鏈接]

Rank: 11


	30396

1^#

發表於 13-2-20 13:34 |只看該作者 |倒序瀏覽 |打印

本帖最後由 LeeCC 於 13-2-20 13:46 編輯

阿仔4歲半，hea學琴剛剛一年，近一個月，忽然會雙手彈啲歌仔，廣告歌，國歌，呢啲歌都無琴譜，他話係自己聽咗，自己彈嘅，冇人教

朋友話可能係資優，因爲覺得他有資優生其他特質，例:3歲可自己坐定研究新玩具大半個鐘，同理心比同齢強，等等，叫我帶他測驗，晤好浪費天份

請問有冇需要呢？
知道資優又要點做呢？自問經濟麻麻，不能負擔直資，私立小學，怎栽培呢？

其實，我有想過，這根本晤係咩資優，個個小朋友學過下樂器都會做到，因爲我自己細個學過下口風琴，個時都可以自己彈到啲廣告歌，電視劇歌，都冇人話我係資優

Rank: 9 Rank: 9 Rank: 9


	21906

2^#

發表於 13-2-21 12:16 |只看該作者

回覆：靠記億彈琴

可能有音樂資優，考慮一下考演藝學院。

現在年紀還小，測了亦未必準。但你可按他興趣教他多一點。有兩樣很值得做的事，一。閱讀。二. 天文地理的課外知識。

for every one criticism, three positives must be given.

Rank: 11


	30396

3^#

發表於 13-2-21 13:39 |只看該作者

謝謝意見

演藝學院會收咁細的學生嗎?是否好貴?

音樂事務處只收6歲以上,我弟弟7歲係個度學敲擊樂,學到8級,佢話好易考,拍下拍子,聽下高低音,同老師傾幾句就收咗佢

學費比私人平,我應否6歲帶佢去試下?因為我弟弟后期都係演藝上課的,不過唔知有冇鋼琴,還是俾佢學第二樣樂器

佢都好中意睇書,不過中意D天馬行空的故事，我會陪佢睇多D天文地理的書

Rank: 9 Rank: 9 Rank: 9


	21906

4^#

發表於 13-2-21 14:03 |只看該作者

有些樂器最細年齡是五歲，可到以下網站看看：
http://www.hkapa.edu/asp/music/m ... ng=tch&mode=gui
鋼琴不容易，若小朋友興趣濃厚，可考慮找好老師好好栽培他。

有機會帶小朋友到博物館，科學館，太空館，動植物公園，濕地公園等等，讓他多接觸不同事物，對他將來學習會有幫助。

for every one criticism, three positives must be given.

Rank: 11


	30396

5^#

發表於 13-2-28 11:03 |只看該作者

阿仔憑記憶彈左一首老師係學校的樂曲,成1分鐘，佢話冇字唱嘅,仲好詳細解釋成首曲分幾多段,第一段慢係代表乜,第二段高8度又代表乜,快又係乜,低音又係乜

我問老師要琴譜,昨天拿回來,一睇,原來阿仔右手彈D音同拍子全中,琴譜后面註釋,講下每段快慢高8度代表的意思，又係全中

Rank: 9 Rank: 9 Rank: 9


	21906

6^#

發表於 13-2-28 11:36 |只看該作者

LeeCC 發表於 13-2-28 11:03
阿仔憑記憶彈左一首老師係學校的樂曲,成1分鐘，佢話冇字唱嘅,仲好詳細解釋成首曲分幾多段,第一段慢係代表乜 ...

有沒有和鋼琴老師討論過囝囝這種特異功能？他的音樂記憶力很強呢！

for every one criticism, three positives must be given.

Rank: 11


	30396

7^#

發表於 13-2-28 11:51 |只看該作者

上星期六俾鋼琴老師睇段片,老師拿琴譜俾佢睇先,星期六會俾

Rank: 11


	30396

8^#

發表於 13-2-28 11:54 |只看該作者

佢的音樂記憶力真的很強,佢呢排自己試彈少年無知,激死

串字就連CAR教咗幾個星期都未識,唉

Rank: 9 Rank: 9 Rank: 9


	21906

9^#

發表於 13-2-28 12:03 |只看該作者

音樂記憶力和讀書的記憶力是兩回事，不一樣的。
小朋友有機會是音樂資優。

for every one criticism, three positives must be given.

Rank: 19


	3568

10^#

發表於 13-2-28 13:46 |只看該作者

本帖最後由 babyislove 於 13-2-28 13:50 編輯

你小朋友真係好叻!

我自己學開琴，但係一向都要睇住譜先彈得出。

其實佢咁細個，唔需要咁快集中train一樣o野。俾D空間佢發揮!

Rank: 11


	30396

11^#

發表於 13-2-28 15:07 |只看該作者

他的問題就係睇譜慢，同晤中意睇譜，他話，我聽咗就識彈，點解老師仲要我睇譜學？

Rank: 9 Rank: 9 Rank: 9


	21906

12^#

發表於 13-2-28 15:52 |只看該作者

我細囝小時候亦有類似的表現，當然無你囝囝那麼厲害可以背到一分鐘的音樂。當年他只在通利上過音樂班，有一天突然在鋼琴上單手彈一首卡通主題曲，而且和電視播的音調一樣。我當時覺得他在音樂上可能有些能力，於是讓他學小提琴。

初學小提琴時，老師拉一句，他當時只學了幾個指位，竟然可以準確地照着拉出來。老師說他的聽力很好，所以進度好快，一首歌練到第三日已幾乎可以背。不過，他這樣亦出現了一些很大的問題。

第一，他起初睇譜很慢，因為練到第三次，他已不大看譜憑記憶。結果他很少機會練習看譜。

第二，他因為進度太快，基本功不好。

第三，他憑記憶練琴，結果有錯的地方好難改正，小提琴弓法有上有下，他只記音樂不記弓法，起初可說是亂拉一通。

他初初跟現在的老師，要由零從頭學過，改返好基本功和逼他看樂譜。老師說他在樂團工作，有時演奏的樂譜一本書那麼厚，有時還會拉現代作曲家的歌，不懂看譜怎辦？

囝囝現在看樂譜的能力改善了許多，那種“特異功能”不再明顯，但有時老師唱一段給他聽，叫他跟着拉，他不專心的話，會不小心拉了老師唱的調，而不是樂譜的調。哈哈！

for every one criticism, three positives must be given.

Rank: 19


	3568

13^#

發表於 13-2-28 16:01 |只看該作者

本帖最後由 babyislove 於 13-2-28 16:04 編輯

回復 LeeCC 的帖子

share吓我姪仔o既case:

佢有好嚴重o既自閉症，佢有學琴，但係睇譜唔ok，佢係靠老師彈首歌而記住點彈，之後就可以慢慢跟住自己彈出o黎。

相信因為佢喜歡學琴，先有咁o既效果。

另外，佢會自動自覺練琴。反而一D佢無咩興趣o既，要"迫"佢先肯練(e.g., 講故事、朗誦etc)

Rank: 11


	30396

14^#

發表於 13-3-2 17:33 |只看該作者

今朝學琴,老師睇完琴譜,話會教佢,不過要佢練好基本琴書的練習先

佢話幾好記憶力,都要練好基本功,我覺得今堂老師對佢拍子,視譜要求高咗,一向一句拍子不太準,佢會放過佢,叫佢回去練,今朝…,執一句拍子執咗1O次,要準哂先去下一句,

Rank: 11


	30396

15^#

發表於 13-3-2 17:37 |只看該作者

不准佢馬虎,但阿仔都做到要求

我在旁,也發覺佢彈琴自然彈到重拍輕拍,老師從未教過

Rank: 9 Rank: 9 Rank: 9


	21906

16^#

發表於 13-3-2 20:07 |只看該作者

本帖最後由 lillymarie 於 13-3-2 20:09 編輯

老師注重基本功是好事呀。演奏樂器除了頭腦之外，還需要訓練肌肉。囝囝的老師常勸他要勤練琴，因為手指肌肉亦會有記憶，但這muscle memory是要重覆練習鍛鍊回來的。有穏固的基本功，將來上到高級彈很深的歌，孩子可花多些時間在演繹上，而不需要在技巧上苦鬥。

for every one criticism, three positives must be given.

Rank: 3 Rank: 3


	423

17^#

發表於 13-3-3 10:56 |只看該作者

回覆：靠記億彈琴

我阿媽(60歲）的超級偶像蕭敬騰（25歲）是有讀寫障礙，年少時是問題青年，對著文字眼前會矇矓一片，但幸好獲得一名老師指引將去搗蛋的精力去學打豉，最後彈琴無師自通，也是聽完曲子可憑記憶自彈出來，現在成日在演唱會自彈自唱及作曲，成為亞巨星！所以我覺得被人發現是資優生是幸運地被人發現其天賦才能配對到合適的位置，恭喜樓主，因為有很多人盡一生都搵唔到配對，浪費才華呢！

:-) waiwai

Rank: 11


	30396

18^#

發表於 13-3-3 14:44 |只看該作者

是否資優並不重耍

最頭痛係佢的情緒問題

Rank: 9 Rank: 9 Rank: 9


	21906

19^#

發表於 13-3-3 21:21 |只看該作者

回覆：靠記億彈琴

資優表示有較高的學習能力，仍需要後天的努力。

點評

manmanchubb totally agree 發表於 13-12-22 00:22

manmanchubb totally agree 發表於 13-12-22 00:22

for every one criticism, three positives must be given.

Rank: 11


	30396

20^#

發表於 13-3-5 16:11 |只看該作者

lillymarie 發表於 13-2-28 15:52
我細囝小時候亦有類似的表現，當然無你囝囝那麼厲害可以背到一分鐘的音樂。當年他只在通利上過音樂班，有一 ...

他近排晤肯練老師教的指法，話自己都彈到，晤使跟老師嘅方法，又話琴書啲chord晤好聽，自己加料又加前奏，仲話自己改嘅好聽啲，咁我都覺得加咗料豐富啲，但到底係初級的琴書，左手梗係簡單㗎啦，基本嘅又晤肯練，眞係未學行先學走！

每日彈琴2-3個鐘，但要我企定係度先肯練老師教嘅功課，仲要我逐粒音捉指法，彈1-2次就晤肯練，其他時間自己彈廣告歌，地鐵站背景音樂，學校聽到嘅聖詩，乜都彈一餐（全都冇譜嘅），又或者係學校歌書的歌，不過又自己加料，加前奏，自彈自唱，好enjoy！

我見到他咁喜歡音樂，也很欣慰，至少晤係沉迷電視or遊戲機，但他已經開始對其他事冇乜興趣，再係咁，晤知點？加上有情緒問題，唉，點考小學呢？

我又驚我嚴厲捉指法，令他反感，我又希望不要抹殺他的創作熱誠，點平衡呢？

他係學校係細仔，乜都包尾，冇乜自信，但一坐上琴前，成個人醒晒，好自信，好投入

‹ 上一主題|下一主題 ›

12 3 4 下一頁

發新帖

熱門主題

最高瀏覽主題