好擔心。。。資優？自閉？亞氏？幫幫我！感激！

ellen_lo

仔仔剛兩歲，一歲幾時已懂1—100，a-z, 20倒數到1，是但拼兩位數字，佢都可以讀出！現在已認到好多英文生字，佢係冇圖都明白同讀出字，中文都會認到，邏輯性強，同佢數101，102，103佢自己會數到之後104。。。！  識數有幾多個波咁！
擔心的是，佢唔同年齡小朋友玩，老師話佢上playgroup會軟皮蛇，話懷疑自閉！眼神交流會差！但佢同家姐(5歲)玩捉迷藏都ok 好開心，唔會打人或無啦啦叫，睇書可以睇30mins以上！玩唔會話有咩模式，對大人都有眼神交流，但真係時間較短！會同陌生人講早晨or byebye!對於我唔比佢玩/做d野， 佢十次有八/九次會妥協，有一/兩次會喊扭計10mins-1hour不等，佢不妥協！
剛到幼稚園面試(15mins)，老師都覺得佢有d與別不同,話覺得佢係資優，即時收左，有個playgroup話似亞氏，平時仔仔都會應我地，鍾意大人留意佢同佢玩！對聲音唔會好敏感，留上裝潢唔會驚！會收拾玩具，但鐘意搭lift同圓形嘅野!1歲識行，18個月識跑，而家已經識上落樓梯，平衡都好好，唔會成日跌！
我都唔知佢係咩，都好擔心，佢眼神交流真係差d, 同其他小朋友又唔玩， 唔同老師有唔同講法！我又唔識，近期係咁操佢眼神交流，我係咁睇關於自閉同亞氏嘅資料，book哂評估，要等！
大家有咩睇法，等我有個心理準備！
咩路，我都知唔易行，好想可以幫下個仔仔！真係好擔心，想cry!

lillymarie

原帖由 ellen_lo 於 12-11-26 發表
仔仔剛兩歲，一歲幾時已懂1—100，a-z, 20倒數到1，是但拼兩位數字，佢都可以讀出！現在已認到好多英文生字 ...

唔使驚住！自閉仔唔係咁既！
你所做的方向正確，小朋友是否有異常，你會是最清楚了解的人，因為好明顯你放了許多心機和時間在他身上！別人的意見可以參考，但不必盡信。

bearwhat

ellen_lo 發表於 12-11-26 02:56
仔仔剛兩歲，一歲幾時已懂1—100，a-z, 20倒數到1，是但拼兩位數字，佢都可以讀出！現在已認到好多英文生字 ...

都5洗擔心...我仔都差5多係咁...自閉係5彩人...5同陌生人講野....5同小朋友玩就要多d鼓勵佢接觸小朋友...我仔都係...但多左去公園就好左...我教佢主動問人叫咩名...當左朋友仔就會一起玩了...
亞氏就好多都要指定左生活習慣不可能改變...每天指定路程...不能跳step...
有一/兩次會喊扭計10mins-1hour不等，佢不妥協<<<就好硬頸...多跟他看德育書....講道理...我覺得改善左好多...無咁容易發皮氣...我仔喊只會喊幾分鐘...收得快...因為佢怕我5彩佢....
返果個pg是不是沒什麼東西學呢??只是唱遊??我覺得佢地要有野學就好專心...


小心返學後識太多上堂發呆...我仔就係咁...所以我5再教佢野...
我仔無做評估

Stillgood2

兩歲就想咁多? 幾時先擔心到個仔大呀!

唔好同人比較, 由得佢大d先講. 佢真係得兩歲咋!

就算係資優, 都唔好太緊張!

做個太緊張父母, 對細佬仔無好處!

ellen_lo

謝謝大家，我會留意下細佬！
人地話自閉，2-3歲係超黃金時期，處理得好可以平常小朋友一樣！政府叫我有咁快得咁快帶佢去私人做評估，同報多d班幫下佢！

bearwhat

ellen_lo 發表於 12-11-26 14:20
謝謝大家，我會留意下細佬！
人地話自閉，2-3歲係超黃金時期，處理得好可以平常小朋友一樣！政府叫我有咁快 ...

點解政府會咁講野?健康院嗎?如果係米解佢5同你排?我仔都去見過姑娘...但姑娘話我仔5係...係都無咁快睇到...再等3ages再見姑娘...我仔同姑娘對答如流....有望住佢..但就因為我仔玩門扮門...玩左好耐我捉佢去見丫...

appleyma

我仔今年k3,記得2歲時同你仔差不多，係体能上你仔會好少少，2歲時又係識1-100順數倒數，中

文英文阿拉伯数字，a-z大小階都識，好鐘意睇書，記性好似部影印機，各種形狀顏色都識，玩都同人玩，但講野比較差，眼神接觸較少，我都有懷疑自閉，返去健康院同姑娘講，她講無咩野，返去觀察下，因病徵唔明顯，我亦無點理，要到K1學校話阿仔有D同其他小朋友不同，轉介去CAC，醫生懷疑自閉，3歲時D自閉開始出來，同阿仔博鬥左兩年，個人都好累，其實自閉都有D人能力很高，我仔K2己識讀全套基礎漢字500，連下面细小英文字都讀埋，識計加减數，連乘數都學埋，做緊小一二練習，做緊7x7填數字遊戲，類似頭條曰報九宮填數，你話似資優，又唔似，言語治療師話似阿氏保加，醫生又話未到自閉，但又D有自閉特徵，阿仔無語言delay，但又唔鐘意同你講野，但樣樣都要問你點解，咩事會甘，問到你要答他為止，到你問返他，他話得啦，做咩事要問，所以樓主要留意下。

ellen_lo

而家排緊cac,都book左私家做評估！政府建議能夠付擔就盡快做評估，愈早訓練對仔仔將來更有幫助！
而家仔仔認到哂顏色同形狀！其實仔仔比人感覺確係有不同！但相處落又好似好正常，只係眼神交流差！ 我好感謝你地的回應！咩都唔識都唔知點好！
其實無論點，我都會接受，我只想比最合適的環境同教育比佢，即使普通小孩都有高低！  我對自閉認識不多，但知道要盡早訓練幫助更大！

mandytanghk

回復 ellen_lo 的帖子

其實據你描述, 應該係資優, 唔會係自閉 .. 亞氏唔知... 其實資優有好多特徵 (不是全部), 如執着, 沉迷一啲野..
係似亞氏既 , 但唔代表佢係. 有啲人會資優+亞氏, 有啲人只係資優.

亞氏主要你睇下佢識識睇人眉目眼額, 理唔理解人地感受, 識唔識轉彎, e.g. 返playgroup 路線, 你日日都行一面, 特然一日行左第二面, 佢會唔會完全接受唔到? 又例如, 你唔開心, 佢知唔知.
但你個囝得兩歲,, 未必咁早可以睇到.

不過只係資優都可以好煩,都會引申好多問題, e.g. 執着輸贏, 怕失敗, 可能社交會較差 (但都唔一定).  加油 :)

PS: 佢眼神交流差都唔代表佢係自閉, 亞氏.

Elliven

同我22個月大的仔仔都幾似，一歲幾時已懂a-z, 形狀, 眼耳口鼻等，我地暫時只教仔仔數到30，最近佢自己突然識counting，最鍾意搭笠，玩制，10個月大識行，1歲已經識跑，不過越大越固執，眼神交流一直欠佳，好難妥協，專注力亦不足，上兩星期去了一間私人機構做評估，初步認為是資優。

ellen_lo

我下星期帶佢去links做評估！希望到時可以社交可以幫幫仔仔！

Elliven

可否告知 links 是什麼？另外，我都好想仔仔的社交方面可以多多訓練一下。

ellen_lo

領思係私人機構check自閉，有課程的可上網找找，同排政府都有得轉介做治療的

susuh

阿女都係呢類型人，好細個已識好多字，是一部人肉録音機和影印機。
k1時眼神接觸少，好多時叫佢好似聽唔到你叫佢咁！但經一年努力。（做感統，日日跳彈床）今年老師還讚佢專心左好多！但理解能力，睇人面色都係弱！
現在K2了，MM們！可否比些意見會點為佢地選學校！
其實一般學校死背野佢地呢類人，一定比平常人好。
現在想幫佢報讀iB課程學校，好似活力d，比佢用多d腦！學習唔好自我和唔好睇輸贏咁重。但又驚佢因呢方面弱而適應唔到，跟唔到人地，比人排斥！
好苦惱！

ellen_lo

佢講野架！冇語言delay! 亦冇打人及大叫！唯獨眼神交流差d,很愛數字，唔係好同一樣大(2歲)的小朋友玩！見左醫生，話有autism features!  但都明顯似係資優，而家訓練班既老師話佢記性好好，playgroup都話佢智能絕對唔落後，因為自閉通常會連帶智能有問題！anyway,我地盡量訓練佢社交，盡量幫佢！因為佢得兩歲，變數好大！  大家加油呀！

pchui2046

回復 ellen_lo 的帖子

好朋友嘅仔讀幼稚園K.1 or 2時已由專家確診為自閉症，朋友知道後打擊很大，机乎接受唔到，日夜以淚洗面，於是辭去工作，去上晒所有「如何教導自閉症兒童」的相關課程，主要係學各種方法去訓練個仔，升小一個年，無一間正常小學肯收個仔，最後去死囈難囈讀緊個間幼稚園嘅校長同直属小學嘅校長攞人情，先至可以讀到正常學校。經過幾年嘅訓練，個仔係3-4年班時已開始漸露頭角，學業成績非常好(全級十名內)，數學標青，到四年級尾再去覆診，發現他已不再有自閉症了，醫生也嘖嘖稱奇。现在那個小朋友明年升中，成績band 1頭，一切發展正常。講呢個故事係想分享一下，第一，年紀太細，專家未必斷症無誤；第二，最清楚小朋友嘅其實係父母，如證實小朋友有問題，母親一定一定要去上course，因為只有你改變，小朋友才可以改變。最好就找一間有教會背境嘅幼稚園同小學，讓小朋友在一個有愛的環境成長 ，必會事半功倍。

appleyma

樓主睇來我個仔同你個仔真係有D似，我仔到現在都未評係咩，醫生話太细，要到小一先再評估過，但根據醫生所講，自閉系譜是根據三方面評估:社交，重覆性行為，語言三方面，只要有一項唔得，智商低，入自閉，就算你叻到識飛，都要入非典型自閉，好多資優生都係呢類人，我仔社交唔係太好，來緊呢一年無改善，入硬呢類，醫生話無咩大不了，又無藥食，有D可能上训練班，有D連班都唔冼上，大D可能自己會好返未定。講返我個仔，睇下有無D相似，细個時眼耳口鼻觸覺都好靈敏，鐘意樣樣都要睇，樣樣都要摸，將D物件放在耳邊用手指敲打聽聽聲音，社交同眼神接觸稍差，無脾氣，聽指令，愛睇書，沈迷數字，初次見cac醫生問阿仔沈迷做咩，我唔知她意思係指排車，排公仔，睇車輪個D問題，我仔完全無，我答阿仔最沈迷睇多垃A夢公仔書，日睇夜睇，食飯又睇，出街又睇，訓醒一起身，含住個奶咀係度睇，叫唔聽鬧唔應，醫生表情有D唔滿意甘，以為我玩野。

ellen_lo

而家比仔仔多d training,提升社交能力,比多耐性同積極的心態。見到仔愈來愈進步，好開心！即使將來診斷佢係自閉，我都盡左力教導佢。仔仔係好sweet,會走黎同我講i love u! 超感恩！

appleyma

其實楼主可以放心，小朋友在4-5歲時D病症會自動消失，我小朋友有D問题在三歲出現，令到我很灰，做好多訓練，都解决唔到，但一到四歲幾，突然無左，令我開心到不得了，而家阿仔同一般小朋友差不多，如果你唔係精神科醫生，完全睇唔出阿仔有咩問题，只係一段小朋友比較自我般，你D方向正確，好快見到成效，不到4歲可能咩症徵都無。