懷疑仔仔有ADHD後安排

小草王道

阿仔而家2歲3個月。一路都係活躍份子，自己一路都覺得佢會有ADHD。早期收集左資料，要確診起碼5歲。所以都無理。9份份返左個親子興趣班，上左四堂後，有老師叫我帶仔仔做評估。我打算等仔仔12月份返健康院時，再同姑娘傾下。所以我決定幫佢讀n班。d到有位媽媽比左d幼兒園資料我，我打左去其中一間i既幼兒園。校長肯明天見下仔仔，希望佢肯收仔仔入讀。到時可借助佢地既專業知識（因為已經開左學，所以只好搵一d有人退學既幼兒園）。幫下眼睇下仔仔會否有ADHD。如果各媽媽有其他好意見比我。我希望為仔仔做足資料，幫佢渡過難關。

wan_sosin

我同你嘅情況很似,不過我個仔已經4歲幾,而家排緊CAC做評估,係3歲尾時經健康院轉介.
但當年我都同你一樣,無嘢可以做!我囝囝無讀n班,我等到佢入K1,攞住學校嘅評語,話佢唔守規矩,然後去健康院要求醫生轉介,安照CAC程序,順利的話,應該下個月就可以去評.
你囝囝最困擾你嘅行為係D乜呀?

fandd

關鍵係佢上課時能否
1. 坐定定
2. 聽指示做嘢
3. 與小朋友一齊玩
如果3項有2項唔ok，咁就要盡快去兒童體能智力測驗中心(CAC)做評估。

小草王道

唔聽指令，坐唔定，無時停。本來都無打算比佢入讀n班。但有老師叫去評估，咪打去學校睇下肯唔肯收，我而家算係插班，唔知收唔收。聽個校長講全日班有位，加上間學校係i，應該會比到專業意見我吧。

小草王道

玩就無問題，另外個二樣就唔得。希望返左學有改善吧

wan_sosin

其實你講嗰d好概括!好多兩歲小朋友都係咁!但如果4,5歲仍出現咁嘅情況,問題就好明顯.
當然做媽媽的最了解小朋友,如你想早點去評估,可以記錄低小朋友的不尋常行為,因為姑娘,醫生初頭都靠你去講述小朋友嘅問題.
例如我囝囝,一兩歲時,會破壞物件,喜歡掉東西,還試過掉出窗,
雙腳一落地就跑或跳,講緊嘢都跳住黎講.
試過整傷別人,經常整傷自己.
瞓得少但精力仍很好!
還有很多,不盡講了.
另外你小朋友怕唔怕踩沙,草地之類?

小草王道

回復 wan_sosin 的帖子

同你既情況好似, 更加唔怕沙同草地.

行路直行直過, 永遠唔睇路. 跌唔少扑唔少.

但有時睇卡通片又可以坐定定, 拎衣架指住佢,都可以坐定一陣, 唔怕打. 又硬頸, 扔玩具就當然有, 叫佢執唔肯,打佢都唔

肯執. 唔怕生保, 去邊到都可以周圍走. 唉  

因為佢語言評估唔合格, 所以12月份要再返健康院,如果學校肯收佢, 可以睇多2個月, 如果老師都話有懷疑, 就會叫健康

院轉介見醫生.

wan_sosin

回復 小草王道 的帖子

有ADHD嘅小朋友,好多係會怕沙,草地!當然有例外.
另外還喜歡用腳尖行路.
我個仔掉玩具,唔只掉係地,係會周圍飛,會掉到人同掉爛嘢嗰種,叫佢執返,佢會執架!但係執完再掉,
之後返學都試過係學校差D掉到同學仔!
我覺得佢有問題嘅原因係,佢唔係唔想聽,佢都想聽人講嘢,而係佢控制唔到自己.重複做錯.

小草王道

wan_sosin 發表於 12-9-23 23:03
回復 小草王道 的帖子

有ADHD嘅小朋友,好多係會怕沙,草地!當然有例外.

佢都會用腳尖行路, 試左好多方法都係咁.

掉野呢個問題,又未去到爛曬既, 因為一掉就比我打手仔.

我覺得佢係有聽你講野, 不過唔想跟你既說話去做,

罵佢咩,佢會望天望地就係唔望你,指其他地方引開你注意, 等你唔好罵佢.

因為唔知佢係定唔係, 所以先決定比佢入讀n班, 等老師幫我望下. 而家間學校都唔近我同婆婆家, 變左大家都要特登坐車帶佢返學. 但間學校係i, 校長又話有位同肯見仔仔, 我先打算搏下, 如果唔收我都無計 . 謂有等出年讀k1.  

wan_sosin

回復 小草王道 的帖子

咁真係試下入n班都好架!係唔係都好,最少有老師教下!因為真係等到可以去評估仲有排!
做呀媽嘅一定個心囉囉lung!

我都等了好多日子,聽了很多說話!總有人會講,唔好諗多咗,未必會係,佢唔似呀之類!
但係如果我聽咗佢哋講,信個仔無嘢,唔理佢,之後真係有事點算!個仔係自己嘅,朋友好言安慰,但無諗過個責任係邊個道,到有事唔通我向佢哋追究責任!
唔好意思!順勢係到呻下!
希望你囝囝入到學校會有幫助!

小草王道

原帖由 wan_sosin 於 12-09-24 發表
回復 小草王道 的帖子

咁真係試下入n班都好架!係唔係都好,最少有老師教下!因為真係等到可以去評估仲有排!

我都明既，朋友唔識。當然只好安慰你。舊時無咁呢呢d野去研究。只會當小朋友太頑皮。而家知道有野可以幫到仔仔，當然想做多d。希望明天有好消息啦

kungkungjireh

and should not watch tv!!!

小草王道

kungkungjireh 發表於 12-9-24 15:35
and should not watch tv!!!

無電視睇我會死架

fandd

如果懷疑小朋友的行為有異樣，建議唔好等政府CAC，應快D揾私人中心做評估，因政府等候時間超耐，由評估至提供訓練服務，最快也要1.5年，需知道治療自閉症、過度活躍症或阿士保加症的黄金期是2-3歲，因等候服務而錯過治療黄金期就非常不值。
若小朋友患有上述病症，一般主流的N班或K1對其幫助十分有限，而家長亦可可能因小朋友不合作而常常收到學校的投訴電話。

wan_sosin

回復 fandd 的帖子

我想請問,我以前都問過人,單純過度活躍症,兩三歲一般都不能確診,最多係懷疑個案.
而非牟利機構的服務,也多數要確診才收,至少也要是等待評估的個案.
私人機構當然例外,但真係責擔唔起!

fandd

回復 wan_sosin 的帖子

「……單純過度活躍症,兩三歲一般都不能確診,最多係懷疑個案……. 」

政府CAC可能係咁！但如果去私家做，1.5歲也可以有詳細評估，而評估報告是受政府認可，可以用嚟申請政府津貼既訓練課程。不妨瀏覽下列兩間私人中心:

LINKS

http://linkscdc.com/

STEP

http://www.step-hk.com/2010/

小草王道

fandd 發表於 12-9-24 23:09
回復 wan_sosin 的帖子

「……單純過度活躍症,兩三歲一般都不能確診,最多係懷疑個案……. 」 政府CAC可能 ...

協康話要確診都要5歲以上,而家只會做既係學前性發展評估,

領思話阿仔太細, 只可以做其他簡單評估

STEP話要評估起碼6歲半.

NEW PAGE 話要評估都要6-7歲

所以等政府係最好, 等得黎應該都夠歲數評估了

小草王道

wan_sosin 發表於 12-9-24 22:05
回復 fandd 的帖子

我想請問,我以前都問過人,單純過度活躍症,兩三歲一般都不能確診,最多係懷疑個案.

真係好貴

kungkungjireh

TV is so bad for kids . really do not watch! it also makes adhd worse and also bad for language dev and social dev . if you use TV only as a talking point then it's differnet. just talk to the kids.

kungkungjireh

i think going to therapy is not for kid but for parents to learn how to deal with the child. parents should  pay super much attention there. in the end the kid is there only twice a week. mom and helper are there the rest of the time.