本帖最後由 嘉儀媽咪 於 12-5-24 18:07 編輯
自從知道女女患上自閉之後,我同老公的心情一直好不起來,現在暫時可以鬆一鬆了。 因為擔心嘉儀害怕陌生地方,所以治療之前同嘉儀做足心理準備,說將會去新的地方見女醫生,希望當天唔好扭計,合作D。
當日,我是同老公一齊帶嘉儀去做治療,幸好女女也喜歡那診所的環境。由於醫生在忙,所以姑娘先帶我們進入一間治療室,又問女女平時玩開什麼玩具,冇幾耐醫生就入黎喇,介紹完之後就開始治療。
成個治療大約一個多小時,基本上分左兩部份,一開始醫生好輕力咁放一隻手去心口,一隻手去背面,跟住就問我們女女有什麼問題,我地話女女成日唔應人,鍾意同唔鍾意又表達唔到,有時又自己同自己講野咁﹐但又唔知道佢講咩,得D音,又冇意思,一發脾氣就喊得好大聲,又跑又跳。之後醫生話女女過多能量集中晒頭的部份,而且女女的排毒情況也不是太好,不過醫生話冇事的(醫生隻手放左去女女個肚臍低小小個位)打返開D管道就可以排走身體上唔好的毒素了,雖然醫生雙手在女女身體上放來放去,但女女又冇反應,因為平時女女好唔鍾意陌生人掂。可能醫生睇得出我唔係好明白點解將隻手放在身上面會做到排毒,就解釋雖然做的動作好輕好表面,但其實係好深層次的治療,當時都唔係好明白,不過最重要係幫到女女。
醫生又問女女係開刀定順產,用左幾長時間生(其間醫生雙手會放去女女身體不同的地方),我話順產,痛左十幾個鍾先生到,醫生話女女出黎果陣夾到個頭骨,不過唔使怕,因為而家用的方法係可以令到個頭骨擴張返正常的情況,之後指住女女個額頭話,果個位係控制情緒的,如果個頭顱唔放鬆,令到果個位置太緊,小朋友個情緒就出現問題喇(隻手又放左去女女個頭度)。之後醫生戴左手指鐵圈同手套口罩,就話要放手指入女女個口度做口,一開始女女都冇咩KA,但之後隻手指放去唔同的位置之後,女女就開始想喊,跟住大喊,我見到女女喊得咁慘,我其實好想跟住喊,不過要忍住,醫生解釋女女喊係釋放緊情緒,而唔係痛,喊出黎係一個好好的釋放,所以叫我都唔好忍住,想喊就喊,醫生講完後,我同女女一齊係咁喊。
十幾分鐘後,女女同我都平靜返喇,醫生問我有什麼特別感覺,其實我喊完之後腦袋一片空白,諗唔到野,醫生話哩個係一個無意識的狀態,會持續一段時間,唔好迫自己諗野。因為我同女女血脈相連,好多時女女會感受到我既情緒,相反也是。亦因為咁,我照顧女女的唔開心同壓力,女女自然會感受得到,如果我的情緒唔好,都會影響女女。 最後醫生話做完治療後可能會想訓,就要早D休息,飲多D 好的水,女女的情況係可以改善,叫我們不要大太壓力。
做完頭一次的治療,我地觀察左女女幾天的表現,改善到的野雖然唔係全部,但女女竟然開始聽到我地叫佢,會識得應下我地,我已經好開心喇!可能始終都係做左一次,效果不是太大,但見到女女會應下我地,已經係好的開始,所以我地會約下次治療。
好長呀,希望我的經驗會幫到大家啦,加油! |