德望INTERVIEW的感想

vanifU

       今日IN完德望,雖然個囡IN得麻麻,IN既內容有D佢都識,不過沒有答或到佢答時,老師都轉去問第二個
考生了.雖然係咁,但係我都好收貨,因為同佢大大話話都IN左好多間.係佢由第一間唔出聲,發爛至IN第二間
有問有答,到再IN別的開始麻木沒有出聲(IN到怕),今日肯主動答問題,我好開心,但同時有一種內疚感,因為
我知佢唔鍾意INTERVIEW.每當佢IN得唔好時,我總會表現得唔開心,會同佢講:你點解唔答問題呀？佢見到我
個表情,佢就會嘟起個咀,唔開心.個樣好無耐,好似想話我知:媽咪你唔好咁唔開心啦,我都唔想架.
        其實我真係有D覺得自己好似走火入魔咁,我個心情成日會因佢既表現而起伏,可能真的想多了,你地
會唔會好似我咁？有沒有放鬆的方法？

j-mum

當然有啦！我都係啱啱IN完！阿囡我俾佢70分。30分扣咗係入課室發爛坐地下！好彩老師話媽媽可以坐隔離，阿囡至肯坐。答問題就ok啦！

IN完我關自己響房想靜下，費時忍唔住鬧佢！

最唔開心係c6話我應該去返工，唔好做全職媽咪！因為阿囡太倚賴我！死未！

waterwater123

我都in了......唉....囡囡表現麻麻＂.....其實德望in多少天呀？你們知道嗎？

zcmg.madonna

回復 vanifU 的帖子

..係佢由第一間唔出聲,發爛至IN第二間有問有答,到再IN別的開始麻木沒有出聲(IN到怕),今日肯主動答問題..,我好開心,..Really! You should be happy about this! It is a learning for herself too!

...但同時有一種內疚感,因為我知佢唔鍾意INTERVIEW.每當佢IN得唔好時,我總會表現得唔開心,會同佢講:你點解唔答問題呀？...Um...take it easy,,i know in HK, parents are always more sensitive than children, we need to control ourselves, coz i believe kids will be influenced by his/ mum mood and action day by day~~

...其實我真係有D覺得自己好似走火入魔咁,我個心情成日會因佢既表現而起伏,可能真的想多了...be happy face from now~over is over, just let it be la!

When i went interviews with my son, I never told him interviews but told him to go somewhere to play with other little fans and teachers! If he did not good as expected, i just say to my son...~~Aiya, you did very good~~

yslgirl

我都有唔開心架, 尤其是明知佢識, d問題真的開正佢果範, 但竟然佢都唔答, 我in完果刻真係好嬲, 不過儘量唔表現出黎.  其實我唔想咁架, 不過忍唔住, 我只會唔出聲, 但見過有媽媽同佢爸爸呻時發晒皮氣, 佢小朋友都o係到架, 我地o係隔離睇到都覺得唔係貢好, 我亦唔想我會變成其中一份子.

MiffyBus

其實掛住填問卷, 都唔係好知阿囡in 成點.... 我覺得我份問卷答得唔係幾好

tiggerpiget

其實填問卷係要家長分心，同時要幾分鐘內填完，難為了小朋友，又難為了家長。好似MS or PC, 可以填好先，面試當天才交就比較好。

tiggerpiget

都唔知點解kg報名表要填父母是否舊生，有沒有兄或姐曾或現正就讀，考小一就話計分，幼稚園就唔知道是否加考生D分，會唔會有着數？

chichibb

tiggerpiget 發表於 11-12-18 00:40
其實填問卷係要家長分心，同時要幾分鐘內填完，難為了小朋友，又難為了家長。好似MS or PC, 可以填好先，面 ...

我都覺得自己墳得唔好, 其實我之前都準備左第二同第三條既答案, 但去到時突然一片空白, 只係答到5成. 佢好過MS同PC既係可以大抽獎, 所以佢係我首選

tiggerpiget

阿囡都有in GH，要等到2月才有result，不過現時已經有offer，就算有都未必會孝慮，何況阿囡in好差，機會好微，而且又好多人in，11月26號已經in咗，好似in咗好芻個星期。其實GH重辦幼稚園，只是幾年，最attractive應該是可以上小學多D機會直上

macymary

IN了幾間,今次好肯定一定是reject letter, 有DI灰...

macymary

想讚DI中學義工姐姐好有心機玩手偶比考生睇(等候時間), 令小朋友好開心。

waterwater123

回復 macymary 的帖子

Add oil 各位媽咪！

waterwater123

回復 tiggerpiget 的帖子

實際有幾多人面試呀？

Syamky

阿女讀緊K1,sister,校長，老師真係好有愛心。中小幼好似個大家庭，常有聯校活動，所以小朋友好有歸屬感and proud to be a Goodhoper!

Ackl1002

張問卷每條得兩行位填, 點解3分鐘填吾完呢? 可以自己加紙嗎?

newcat

點解要責備小朋友呢? 每次去interview 我都話佢知去玩!  我會鼓勵佢, 話如果佢話比老師佢叫咩名, 老師會好開心...etc! 就算最後佢唔出聲,冇反應（經常發生由其是group interview）我都唔會覺得唔開心! 小朋友唔想答就係唔想答, 你都迫唔黎, 責備用有嗎？小朋友被責備完, 或多或少都對下次去interview 反感甚至可能害怕!  我地係大人比人鬧都唔開心, 更何況小朋友未明何為interview 點解要interview, 點解我唔講野要被責備....!

我喺某間幼稚園interview 完後, (小朋友要自己入班房in的) 喺接小朋友時, 見到其他父母急不及待追問..."有無講多謝, 無?! 依家先講??!! 太遲喇" 又或是 "你喊咩? 有咩好喊? 咁曳!!" .... 好可憐的小朋友, 原本已希望得到父母安慰, 反之父母還加以責備, 我看在眼裡很替這些小朋友難過!

chloe1010

我同C6都有陪阿囡去GH interview，阿囡in緊果陣，我就填問卷，都係靠C6講返俾我知係點，不過出奇地，C6話幾鍾意GH，仲話如果有offer就讀，我自己都好鍾意呀，尤其係見到中學部d姐姐都會返去幫手，我覺得GH俾我既感覺係好團結！哈哈，不過2月先收信好心急呀，C6尋日先又問我幾時有信！

不過我想講，佢地in果陣係2個小朋友一組既，我阿囡係細B(0910)，同佢同組果位小朋友係大B(阿囡生得高大，但拍埋果位小朋友都矮一截)，我覺得幾唔著數，不過都係果句啦，我信緣份，睇下阿囡同GH有無緣份啦