中一學生反叛行為

Natalie1

唔知係咪因為阿仔中學比小學寬鬆，所以上到中學變得好反叛，上堂時唔專心；成績梗係不在話下! 好喇~ 老師打嚟投訴佢常常欠交功課，兩個月已經欠交10次 還有上堂時說話挑釁老師(例如: 老師話4:00要交卷；佢就問3:59交得唔得?) 我之前已經同個仔佢傾過學校問題，佢仲答應我會改! 但係老師今日都仲打比我同佢講情況仲未改善我想請教各位媽咪，我應該用咩方法改善阿仔嘅態度同行為??

TwoBabies

請問屋企沒有特別事情發生而引致佢有這種問題,是否想引家長注意和更關心他呢?

98730

妳好:
    想請問.妳仔仔現讀的中學.是仔仔自己選的心儀學校.還是媽媽選的.
    又或是在大抽獎時.無奈派入的.而他又不太喜歡這學校.
    媽媽有沒有在這方面.去了解一下仔仔對學校的感覺.老師的處事手法.
    多一點了解.多一點溝通.多一點關心.反叛的行為自然就會變少....加油

Natalie1

屋企唔算有咩特別事情，但阿仔果班有個同事比較頑皮，試過將隻蕉掟上風扇! 不過呢件事我都係去家長會事聽到有家長題及先知道

原帖由 TwoBabies 於 11-11-10 11:50 發表
請問屋企沒有特別事情發生而引致佢有這種問題,是否想引家長注意和更關心他呢?

Natalie1

原帖由 98730 於 11-11-10 13:10 發表
妳好:
    想請問.妳仔仔現讀的中學.是仔仔自己選的心儀學校.還是媽媽選的.
    又或是在大抽獎時.無奈派入的.而他又不太喜歡這學校.
    媽媽有沒有在這方面.去了解一下仔仔對學校的感覺.老師的處事手法.
    多一 ...

係佢自己揀呀! 當時返中一預備班時，佢仲好開心咁同我講: 媽咪呢間中學係我自己揀，我諗我會好比心機讀同埋可能可以考到全級20以內添，我都想了解下，但係問佢關於學校野，佢都總係唔答我!!

k_0530_a

原帖由 Natalie1 於 11-11-10 11:17 發表
唔知係咪因為阿仔中學比小學寬鬆，所以上到中學變得好反叛，上堂時唔專心；成績梗係不在話下! 好喇~ 老師打嚟投訴佢常常欠交功課，兩個月已經欠交10次 還有上堂時說話挑釁老師(例如: 老師話4:00要交卷；佢就問3:59交 ...

您可以向老師了解下 , 其他班或同班同學有否這情形 , 因我覺得這些行為多是朋輩形響 . 如他們身邊的同學也是這樣的態度學習 , 他們很快便會跟做 . 而且很難改正 .

Yanamami

可否remind佢曾講過呢番話?  問佢兩個月欠10次功課, 上課不留心, 如何能達標呢?  升上中學已大個仔, 要識分是非黑白, 並不是同學做甚么便盲目跟著做, 沒頭沒腦的怎算成熟?  

原帖由 Natalie1 於 11-11-10 13:48 發表

係佢自己揀呀! 當時返中一預備班時，佢仲好開心咁同我講: 媽咪呢間中學係我自己揀，我諗我會好比心機讀同埋可能可以考到全級20以內添，我都想了解下，但係問佢關於學校野，佢都總係唔答我!! ...

ALAL

我想要多了解學校裡面發生甚麼事,可嘗試找社工,留意他在校情況,多與同班家長聯絡,知道課堂裡的事和同學操行,也與班主任多D溝通.如果不知事情精結,好難解決問題

原帖由 Yanamami 於 11-11-10 20:58 發表
可否remind佢曾講過呢番話?  問佢兩個月欠10次功課, 上課不留心, 如何能達標呢?  升上中學已大個仔, 要識分是非黑白, 並不是同學做甚么便盲目跟著做, 沒頭沒腦的怎算成熟?  

...

洋蔥頭媽咪

原帖由 Natalie1 於 11-11-10 11:17 發表
唔知係咪因為阿仔中學比小學寬鬆，所以上到中學變得好反叛，上堂時唔專心；成績梗係不在話下! 好喇~ 老師打嚟投訴佢常常欠交功課，兩個月已經欠交10次 還有上堂時說話挑釁老師(例如: 老師話4:00要交卷；佢就問3:59交 ...

小朋友由小學升到中學 , 係一個關鍵時刻 , 由於小學生活父母可以完全掌握 , 但升中後父母已變成被動 , 加上孩子進入青春期 , 行為會比較激烈 ,  會挑戰父母底線 , 所以此刻家長首要保持冷靜 , 逐步分析問題 , 最重要係同孩子保持溝通 ,   

開學至今已 3 個多月 , 呀仔成績追得上嗎 ? 他是否追得好辛苦而容易放棄 ?  你地平常親子關係如何 ? 佢在學校有沒有遇倒問題而你知道嗎 ? 佢挑釁老師係覺得好玩 , 老師太嚴 ,  討厭佢 ? 呢d 問題你都應該了解下 , 呀仔已經大個 , 佢係知道是非黑白, 佢唔話比你知學校嘅野 ,  正正就係知道自己曳 , 費事比你鬧 , 所以乜都唔講 , 你對佢了解太少 , 有問題都幫唔倒啦 !  好好地同佢頃下 , 試下由佢角度睇下發生嘅問題 ,  唔好鬧佢先 , 青少年好多時都認為父母根本唔明 , 唔體量佢地 , 所以採取放棄態度 , 做出負面行為 .  

多d 同佢頃下 ,了解多d ,關心同鼓勵 ,  睇下佢對自己有何要求 , 同老師了解下佢在校情況 , 有須要可以主動聯絡學校社工尋求協助 。

加油  

熙媽媽

同意大家講，同佢傾多D LA。

我睇到你形容ge全部都發生係學校，係屋企，佢有無其他「反叛」ge行為呢？
唔好意思，如果單係老師話4:00交卷，佢問3:59交得唔得，我覺得老師話唔得咪已經得lor，甚至幽佢一默佢：你好趕住走ar咩？(當然，係呢件事之前可能已經發生左好多事，所以老師先投訴。)

Natalie，老師打電話比你，你有咩感受呢？我估你一方面好疼惜仔仔，想快d改變呢個情況；另一方面會覺得有d尷尬同無奈，咁大個仔仲唔生性，要老師投訴，咁家長可以做咩呢？所以當同老師傾完，心情真係唔會好得去邊，同仔仔再傾有時真係事倍功半。

可以的話，平心靜氣了解下佢學校生活，比佢知道你唔係問責，你係關心，你係同佢一齊ge。

至於欠交功課方面，佢係欠好多老師功課，抑或來來去去都係某1、2科呢？如係好多科，即2個月內每科差唔多1-2次，係你大矇抑或咩原因呢？唔交有咩後果呢？(某d學校會留堂/午膳無得玩，要補做等)如果無後果，咁好難辰3佢自動自覺交ga wor。
如果係欠某1、2科，係咪佢唔識做呢？抑或同老師有d意見呢？解鈴還須繫鈴人，睇睇原因會好d。

我估，作為家長真係好被動，我建議你下次同老師傾可以不恥下問老師有咩建議等你可以配合同佢佢合作，一齊教好仔仔(因為老師面對學生，你仔仔一定唔係第一個令佢覺得有d難度嘅)，你亦都可以補充仔仔家中表現，等老師知道更全面的仔仔。

對唔同人適應中一生活都有唔同嘅難度，同仔仔一齊努力啦！

原帖由 Natalie1 於 11-11-10 11:17 發表
唔知係咪因為阿仔中學比小學寬鬆，所以上到中學變得好反叛，上堂時唔專心；成績梗係不在話下! 好喇~ 老師打嚟投訴佢常常欠交功課，兩個月已經欠交10次 還有上堂時說話挑釁老師(例如: 老師話4:00要交卷；佢就問3:59交 ...

[ 本帖最後由 熙媽媽 於 11-11-12 11:39 編輯 ]

Natalie1

多謝覺位靚媽嘅回覆! 我亦已向囝囝了解過，原來佢挑釁只係覺得老師好人，未分辨老師會覺得佢呢個舉動變左挑釁老師! 而佢都答應我唔會再犯! 所以我都會相信佢，我會陪佢一齊渡過反叛期，各位靚媽一齊加油

Yanamami

係囉, 可能佢想同個老師friend, 就用同d同輩一齊o既態度, 寸寸共禁, 但個老師就覺得無大無細, 所以要同阿仔講, 學下同唔同級數人friend的方法是有出入的.

sai1031

Natalie1 發表於 11-11-10 11:17
唔知係咪因為阿仔中學比小學寬鬆，所以上到中學變得好反叛，上堂時唔專心；成績梗係不在話下! 好喇~ 老師打 ...

Nataile :

     唔洗太擔心,小學升中一定有段適應期(可能一年可年要兩年都唔奇.至於老師的投訴你可以記住, 旦不要太在意.
因為實在有很多係小題大做.
我係過來人,記得兒子升中頭半年,我簡直就離痴線咁.唔交功課,講大話,老師打投訴,記缺點,成績更可怕
由本來全級頭四分之一果批學生(油尖旺名校)到中學(emi)全級最尾果十分之一果批,總知你講得出既都發生過.
但中一上半年完左,倆母子的關係十分差,經過一次親子教育営中,大家都有得著,兒子態度冇咩點變,反而係我做
母親的心態唔同左,多用了勸告的方式,少用罵.有時睇睇下報紙,又講兩句,其實佢佑我話緊佢,但我又冇罵,只係自己表吓,
佢就有咁反感,但當時間過得耐,其實我地平時所講所做的事物和說話,佢地係明白和知道當中的道理.
只係反叛心態讓孩子刻意跟我們作對.我地千萬不不要中計.

Natalie1

回復 sai1031 的帖子

SAI1031,
多謝你嘅安慰! 我而家都唔迫得佢太緊，希望佢總有一日會開竅啦!
係呢你囝囝而家幾大? 有改善嗎?

mimishirley

我個細仔由今年中二開始都極度反判, 犯了好多事, 我用盡方法都攪佢唔掂,仲好唔尊重其他家庭成員, 現在搵左外展社工幫手, 我都好期待他終有一日開竅, 其實我間中都好心灰, 點解阿仔好似中左毒, 變左另一個人咁

小林太太

好有同感呀! 佢地唔係壞, 係反叛, 覺得自己可以處理自己的事, 我個仔會同我講, 我都無煩你地, 但你地就成日煩實我!

owsc2010

小朋友升中之後，學業社交，身心需要等等都有好大改變，家長有時亦需要適應孩的的改變而調整親子關係及溝通技巧。有時大人認為小朋友反叛，其實小朋友正在煩惱地尋找自己的身份認同。家長如何去暸解小朋友的需要及煩惱其實需要另一套同佢地小學時完全不同的技巧。

有不少志願團體都有舉辦家長技巧工作坊，免費教家長如何處理青少年反叛問題，改善家庭關係。大家可以留意一下。

杰杰媽媽

(例如: 老師話4:00要交卷；佢就問3:59交得唔得?)--------------呢d對白我仔自p.5開始日日都講,對邊個都係,佢自覺好好玩/攪笑,但佢唔覺咁叫----博咀,嘔血

Carmen2004121

mimishirley 發表於 12-5-14 23:50
我個細仔由今年中二開始都極度反判, 犯了好多事, 我用盡方法都攪佢唔掂,仲好唔尊重其他家庭成員, 現在搵左 ...

請問您阿仔小學時是否成績不錯 ? 現中學是否英中 ?
會否成績跟不上 . 又付合不到父母的要求 , 所以性格及行為上有此大改變 ?

mimishirley

回復 Carmen2004121 的帖子

最主要係認識到一班壞朋友, 教唆佢經常唔返學, 講粗口, 講大話, 周圍去....開始有唔返屋企!
行為好差, 對家人的態度嚴重差,
我諗佢要得好一個好大教訓, 或者會醒過來!
今日佢又為左攞錢, 因為我地唔比佢, 破口粗言大罵我和老公, 哥哥!
真係變哂冇人情味, 心中只有佢個堆壞朋友, 遲早累死佢!