點解學校唔可以酌情?

yinpang

我係某中學09-10同10-11年度的學生由於種種理由,我同我另一位同學轉左校
理論上我係會響十月頭攞獎學金
但係學校完全冇通知我攞獎學金的打算
我份成績表明明寫我有獎學金攞
但係依家因為我轉左校,所以冇得攞
明明D獎學金係10-11年度的獎
我當時仲係該中學學生
點解人地又係該中學學生,我又係該中學學生
何以人有我冇?
何以學校可以咁絕情?
就連區區六百元都吾肯比我?
一個學生的努力成果呀
我仲佢地學生果陣就個個老師校長對我鬼咁NICE
我一轉校佢地就反臉不認人
我並非CARE區區六百元,因為爸爸話左學校吾比佢都會比我
不過爸爸做工辛苦,我吾想佢百上加斤
物輕情義重,但係學校就少少師生情都不念
我真係好傷心………

[ 本帖最後由 yinpang 於 11-10-26 19:05 編輯 ]

tictactoe

學校不在7月份給你獎學金，而在10月才頒發，就是想你留下來繼續原校就讀。

你轉校，對原校來看，就是「無良心」，「無情無義」。
你選擇了轉校，就不要怪學校「絕情」。

原帖由 yinpang 於 11-10-23 23:33 發表
我係新亞中學09-10同10-11年度的學生由於種種理由,我同我另一位同學轉左校
理論上我係會響十月頭攞獎學金
但係學校完全冇通知我攞獎學金的打算
我份成績表明明寫我有獎學金攞
但係依家因為我轉左校,所以冇得攞
明明D ...

khmama

小朋友, 你既努力冇白廢到, 你唔係已經成功轉咗去一間更好既中學咩? 呢o的咪係回報囉. 出黎做嘢都係咁現實架, 辭咗職未走都係人人有得加人工, 你冇架. 所以唔使唔開心. 你去到新學校努力讀書, 一樣可以攞獎既.

Yanamami

加油呀年青人.  khmama講得好o岩!

原帖由 khmama 於 11-10-24 22:34 發表
小朋友, 你既努力冇白廢到, 你唔係已經成功轉咗去一間更好既中學咩? 呢o的咪係回報囉. 出黎做嘢都係咁現實架, 辭咗職未走都係人人有得加人工, 你冇架. 所以唔使唔開心. 你去到新學校努力讀書, 一樣可以攞獎既. ...

黃巴士

HKD600 當是交了1堂"社會實務課" - 當遇到一些不公平/無奈的事情, 心態如何去"正面"面對??  
你的努力唔會因此而被人抹煞&白費的.

麟媽媽

成人世界，轉左工都係無晒上年度既花紅架！

fallenleaf

我都唔明你點解可以為左$600話自己以前間學校絕情。假假地人地都有栽培過你，冇佢你都冇今日。我唔敢想像你會點樣對待你的朋友、上司甚至父母！

Charlotte_mom

其實你轉校之前, 有無睇過D有關條款, 學校係咪有權"沒收"果筆獎學金?
真係要當果$600係一個教訓, 學麟媽話齋, 成年人世界仲複雜, 做每一個決定前都要先小心衡量, 否則到頭來蝕底果個只係自己

redkoni

原帖由 yinpang 於 11-10-23 23:33 發表
我並非CARE區區六百元,因為爸爸話左學校吾比佢都會比我
不過爸爸做工辛苦,我吾想佢百上加斤
物輕情義重,但係學校就少少師生情都不念
我真係好傷心………

《呂氏春秋．貴公》
荊人有遺弓者，而不肯索，曰：「荊人遺之，荊人得之，又何索焉？」孔子聞之曰：「去其『荊』而可矣。」老聃聞之曰：「去其『人』而可矣。」故老聃則至公矣。

同學仔: 仲未放學啊!

上文意思大概是: 有楚國人去打獵遺失了弓, 同伴說要返回尋找, 這人卻大方地說:「我們楚國人在楚國的地方遺失了弓, 也只有我們楚國人拾到而利用, 雖然對我個人有所損失, 但我們楚國同胞仍然受惠!」孔子知道了說:「應該删去那個"荊"(楚國)字.」即是人人也可受惠.  老子知道孔子所說後便說:「應該連那個"人"字也删去.」即是天下萬物也可受惠.  這段文章表達出做人的胸襟可以由一層又一層再一層地擴大, 假設你是那個楚人, 雖然因種種原因攞不到舊校的600蚊獎學金, 但是這600蚊獎學金將來仍然有其他舊校的學生受惠, 你也會替他們開心, 將來你長大有所成就, 有多餘的能力時像孔子一樣回饋社會, 這展示你再高一層次的胸襟, 當然我們並不能媲美孔子, 老子的境界更高不可攀, 不過你肯做巳經是好事.  不要睇小這區區六百元, 你的爸爸雖然做工辛苦, 為供你讀書, 開支百上加斤, 但是如果父母將來看到自己的子女咁生性，這六百元對他們來說是無價的!  你慢慢諗吓...

Cello093

原帖由 redkoni 於 11-10-25 14:19 發表

《呂氏春秋．貴公》
荊人有遺弓者，而不肯索，曰：「荊人遺之，荊人得之，又何索焉？」孔子聞之曰：「去其『荊』而可矣。」老聃聞之曰：「去其『人』而可矣。」故老聃則至公矣。

同學仔: 仲未放學啊!

上文意思大概是: 有楚國人去打 ...

Mat_Dad

lauerica

說得對，而家的人嚴人寬已就最叻，飲水思源已忘記點解？可悲的90後，希望你可以改變下自已人生既價值觀。

housedaddy

原帖由 麟媽媽 於 11-10-25 12:38 發表
成人世界，轉左工都係無晒上年度既花紅架！

講得好！！！

housedaddy

強烈要求版主置頂此貼，勝讀十年書啊！

原帖由 redkoni 於 11-10-25 14:19 發表


《呂氏春秋．貴公》
荊人有遺弓者，而不肯索，曰：「荊人遺之，荊人得之，又何索焉？」孔子聞之曰：「去其『荊』而可矣。」老聃聞之曰：「去其『人』而可矣。」故老聃則至公矣。

同學仔: 仲未放學啊!

上文意思大概是: 有楚國人去打 ...

jaci

小朋友, 在你的角度看來, 校方不給你600元, 你說他們絕情, 但你又有沒有想過, 在校方看來, 他們用心栽培你, 在你稍有成就時, 就蟬過別枝, 這算不算是一種無情呢. 現實生活就是這樣, 沒有絕對對錯

Yanamami

我覺得小朋友寫個post出來只是直接表達佢感受, 未至於"得唔到獎學金就反轉豬肚"o既. 好似有d幾歲人仔, 媽咪唔俾佢去玩就話I hate you一樣.  而家禁多auntie/ uncle教佢做人o既道理咪幾好?!  來日方長, 佢仲有時間學.....

redkoni

原帖由 Yanamami 於 11-10-25 19:31 發表
我覺得小朋友寫個post出來只是直接表達佢感受, 未至於"得唔到獎學金就反轉豬肚"o既. 好似有d幾歲人仔, 媽咪唔俾佢去玩就話I hate you一樣.  而家禁多auntie/ uncle教佢做人o既道理咪幾好?!  來日方長, 佢仲有時間學. ...

你講得啱呀! 這位小朋友(青少年)能夠體裇父母的困難和知道報答父母的恩典, 巳顯示她/他的本質是不錯, 只是還待時間去磨練和擴闊自己的眼界, 一時之氣和霎時衝動的埋怨, 有邊位叔叔/姨姨年少時未試過? 能夠考到獎學金和轉去更好的學校, 也表現有上進心努力為自己的前途奮鬭, 所以我們應該對她/他循循善誘, 耐心去引導她/他, 並不是去責備她/他.   如果我要鬧她/他用幾隻字巳經火力十足, 毋須寫百多字希望她/他能夠釋懷, 繼續努力, 邁向新一天.