鋼琴考試服飾禮儀（男孩）

Camom

如題。老師建議囝囝穿著西裝，如是，可否建議在那裡可以買到較正規的表演／比賽服？謝謝。

馬沙仔

考演奏級??

Camom

唔係，係2級，不過平時比賽老師都話起碼要著恤衫西褲皮鞋打bow-tie，但係考試就一定要成套著哂。平時比賽我見到有Ｄ小朋友會著哂西裝，係好formal，似鋼琴家著嗰Ｄ表演服，所以想問吓邊度可以揾到嗰Ｄ衫。謝謝！

Radiomama

考2級的話不用咁誇張，我同仔仔去年考試見d姐姐哥哥都係著普通衫褲，我仔仔都係jeans + 長袖 T shirt，最重要係佢可以舒服彈琴同有禮貌。

Camom

多謝各位意見！可能阿仔嘅老師比較傳統，所以有咁嘅要求吧。

katelee

你可以去太子＂金都＂看看！

KWOKTT

考琴試唔駛咁誇張唔係表演,最緊要係舒服, 長袖衫加西褲/牛仔褲都可以, 千其唔好奇異裝束, 如果係夏天考,都最好穿長袖, 因為如果入面冷氣凍,縮吓縮吓咁就唔好啦.
影響表現呀!

christianmom

我都係在金都商場幫囝囝做恤衫和西裝，價錢尚算合理，妳可以去看看。

原帖由 katelee 於 11-1-18 11:02 發表
你可以去太子＂金都＂看看！

音樂人長老

考試無指定服飾，整齊清潔就可以，著全套西裝都無問題，都係尊重個考試啫，反為要早啲買定等小朋友著嚟練琴，咁佢先會適應到。

birdbird

我仔考試的日子, 剛好係上學日, 所以我比阿仔著校服. 校服, 係最穩陣的服飾.

著冬季校服的話, 考時就除下風褸/校褸, 免得郁動手時會有聲或是倫盡.

Camom

多謝哂各位嘅意見／提點，因為阿仔第一次考試（4/5月），所以想早Ｄ做好準備。我會去金都睇吓，不過個人都是不喜歡太誇張嘅服飾。

crystalwsm

其實Nicholas & Bears 嘅衫都好得體，可以去睇下

fa_fa

我個琴老師都話著禮服較好，
因為係一個禮貌同尊重既表現，
又會讓小朋友知道考試既重要性，
唔會輕佻面對。
如果個個都著校服、便服，
而你小朋友著禮服，
你係考官會點睇？

音樂人長老

時代唔同咗，而家講smart casual，名牌牛仔褲可能貴過套裝，不過英國人傳統啲，正式埸合會著西褲，校服褲都唔錯。

Lilo

我小朋友12月剛考完2級琴，我見到個考官都係著得好causaul，個位女士都係著長袖衫+西褲+平底鞋+一條大披肩，如果個考生著禮服會唔會太誇張？

洛婷

我覺得正整就可以 , 未必一定要著禮服