SPI & CHIROPAK

yywhk

我買過一次　ＳＰＩ，　但個款唔好用，　反而ＣＨＩＲＯＰＡＫ　就覺得好好用。

囝囝成個小學共用過三個書包，　兩個Ｃ，　一個Ｓ，　第一個係最細碼Ｃ（因覺得囝囝細粒，買個最細碼），用咗成兩年都仲好新淨，但覺得始終ＳＩＺＥ比較細，三年級開學換咗個Ｓ，用咗兩個月，己經開始殘，主要係Ｄ質地問題，另外個設計唔好，Ｄ書放咗入去後，因為空間大多，會浪來浪去，重心唔貼背脊。　

嬲嬲地買過個Ｃ，一月份開始用到宜家（即係已經三年半），囝囝升中都話可以用番舊書包先，（因為囝囝中意灰黑色，仲係好新淨）。咁我打算睇吓佢開咗學，覺得個書包唔夠大先再買過，買都一定買番Ｃ。

佢一年級用嗰個，後來俾妹妹用（兩個都鐘意橙色夠Ｓｈａｒｐ），　用咗一年，但妹妹學校超多嘢要帶，二年級就換咗個大ｄ粉紫，用到今年四年級開學都好新淨，唔駛買新書包。

另外，我有時的吓佢地書包，覺得好重，問佢地會唔會太重，但兩個用家（囝囡）意見係話，個書包拎就重，但只要背帶調整得合適，個書包揹好上背係唔覺得重。

原帖由 S_Trader 於 10-8-20 01:06 發表
有冇小朋友既媽咪可以比多d意見呢? 我呢個星期日會買書包比囝囝.
開頭見朋友買spi active small比佢個囝囝, 我都諗住跟住買.
但頭先同我c6去開黃埔開吉x島, 同佢睇開書包, 見到呢個CHIROPAK既書包, 我本人就好鍾意,  ...

pineapple0983

原帖由 yywhk 於 10-8-20 11:40 發表
我買過一次　ＳＰＩ，　但個款唔好用，　反而ＣＨＩＲＯＰＡＫ　就覺得好好用。

囝囝成個小學共用過三個書包，　兩個Ｃ，　一個Ｓ，　第一個係最細碼Ｃ（因覺得囝囝細粒，買個最細碼），用咗成兩年都仲好新淨，但覺得始終ＳＩＺＥ比較細，三年級開學換咗個Ｓ，用咗兩個月，己經開始殘 ...

我都係 Chiropak 擁躉。
用過DK 同 SPI 都怕。

eileenycm

但係上次我經過吉吉, 拿起個Chiropak, 真係覺得非常重, 而且囝囝比較細粒, 所以到現在都未有心水... 仲有個幾星期就開學啦, 一定要扑鎚.

原帖由 pineapple0983 於 10-8-20 19:29 發表

我都係 Chiropak 擁躉。
用過DK 同 SPI 都怕。

ksnghk

Yes, Chiropak 非常耐用，用了三年以上還很新淨，質料很好，半年清洗一次即可。

而且款式較平實，升上中學還可用。

sungmingma

咁貴唔貴呀? 因為我個仔剛升小一, 想問下意見..
sungmingma

amy625

我都係分別買個d, s, c, 三個牌子。s用一年報消,d用半年囡囡話唔好用,c就用左三年暫時都好新淨,當初買c 時候我都係覺得重身,用過之後d用家(囝及囡)話咩起黎唔覺重,輕過咩 s,我自已試過又真係喎。

chan803

原帖由 S_Trader 於 10-8-20 14:18 發表
唔該晒.
我睇完spi都怕會浪, 因為第一大格.
c就好似彈性多d咁.

唔會浪WOR, 佢有條帶可以COOL 實D 書架.

colourless

我未曾用過這牌子,但都聽過好多人讚chiropak 好耐用,上星期見到有得賣,拿上手比spi重d,我細仔升小一 116cm,給他 '咩'上身,我認為大左,而且好老積,我覺得會岩高小或初中的小朋友多d,所以我會係佢 3,4年班先買給他用,若這牌子咁耐用,希望用到初中,因為到中學都唔輪到媽咪揀,因為我大仔12yrs,現在給他著有公仔d衫都唔肯了

KK07

想問有經驗媽咪,我買了chiropak書包給女,她不喜歡那塊背板,覺得很'硬',請問把那塊背板拿掉,會唔會影嚮護脊功能?

chan803

原帖由 KK07 於 10-8-22 20:10 發表
想問有經驗媽咪,我買了chiropak書包給女,她不喜歡那塊背板,覺得很'硬',請問把那塊背板拿掉,會唔會影嚮護脊功能?

無睇過CHIRPOPAK, 不過係應該會影嚮護脊功能.

zanzibaryan

CHIRPOPAK好丫，我也買了一個比仔仔，佢有護脊功能，背後那板很硬，但也很貼背，有助小朋友發育時避免駝背，而且很耐用。

pineapple0983

苦口良藥呀！
佢咩開d軟林林書包，一咩Chiropak (或其它護脊書包)梗唔習慣啦；你攞走塊板咪本末倒置囉。
好似你瞓慣d軟床肉，朝朝起身都好攰；突然有日你換張靚靚硬床肉，第一日實瞓唔慣架，瞓耐d你就知。到時比番原來嗰張你瞓你就會有感覺。
你做家長應該幫小朋友揀一d幫到佢ge嘢，唔係任佢"習慣"一d短期佢覺得舒服ge嘢。
對唔住講多左嘢。

KK07

苦口良藥呀！
佢咩開d軟林林書包，一咩Chiropak (或其它護脊書包)梗唔習慣啦；你攞走塊板咪本末倒置囉。

多謝提點,我都知道有板係好D,但女咩開Dr Kong書包,一試Chiropak就話背部硬兼重,移除後覺得好好多, anyway, 我會拿迫佢試下.

LWsusanna

除了黃埔吉之島有 Chiropak, 知唔知那裡有得賣, 同時間我仲想和 Zeven 的書包比較, 因仔仔脊骨身體檢查時話要加倍留意..  請給意見..

小玲

我見到S新一批書包比舊的輕(好似做半價後大約四佰蚊有找)，尤其背板部位同舊款的爭好遠。有冇人試過得唔得?

colourless

我見係油麻地永安4/f 玩具/文具部有得賣,不過都個幾星期前,因就來開學,唔知賣晒未