關於鋼琴2級試

cooking^^mama

今日鋼琴老師同我講  佢想同阿仔報2級試  佢話阿仔應付得黎  聽到第一時間好開心  阿仔剛5歲上年8月先開始學琴  咁快就可以考2級  但諗諗下又好擔心  個仔到底應唔應付得黎  因阿仔比較怕羞  我擔心佢去到會唔會驚到咩都唔識  .... 同埋我見人地學年幾先考試   我個仔會唔會早左d....

請問有經驗o既家長  考2級難唔難  同會考d咩  考試時間約幾耐呢 ??
考試時係米個仔自己入去考  我可唔可以陪佢?
我咩都唔知 請大家比多d意見我  謝謝

[ 本帖最後由 cooking^^mama 於 10-4-24 14:27 編輯 ]

洛婷

2 級唔難 , 肯練一定冇問題 :D

考試時間大約 15 分鐘完成 , 家長唔可以入去 !!!

小伊

不過我覺得無必要考，剛剛學咗幾個月，好多基本野都未識，花幾個月堂堂練3首歌，可能會阻礙進度。

ada1812

咁快....個鋼琴老師想趁機加你學費炸掛

我都忘記我個女學左幾耐先去考三級試, 反而個鋼琴姐姐講過學音樂唔係只為考試, 學得開心, 同埋要explore多D不同的音樂都好緊要

ema

I agree with ada1812.  Once your child has passed the grade 2 exam, the teacher can charge grade 3 lesson fee...

原帖由 ada1812 於 10-4-25 18:34 發表
咁快....個鋼琴老師想趁機加你學費炸掛

我都忘記我個女學左幾耐先去考三級試, 反而個鋼琴姐姐講過學音樂唔係只為考試, 學得開心, 同埋要explore多D不同的音樂都好緊要 ...

cooking^^mama

先多謝各位回覆同意見  昨日去左街  未能即時回應返大家  

首先我對小朋友學琴  無咩特別期望同特別目的  初開始學琴  只想為個仔培養對音樂o既興趣  

我仔依家學完2本level 1 o既書  依家學緊輕鬆學鋼琴level 2 --- My grandfather's clock  我唔知佢進度算點  因無人可比較  起初學level 1琴書時  一堂半小時會學3首歌  依家學level 2  一堂就學一首至半首歌  

勤唔勤力練習??  就每日堅持至小20分鐘  

彈得好唔好 ?? 我都唔知算唔算好 ... 我真係唔識 ...  等我今晚試下upload佢彈o既歌比大家有經驗o既家長或導師比意見

最後都再澄清  我仔學琴唔係為升小學  考慮考唔考試都不為呢個因素  我憂慮o既係我唔知佢有無咁o既能力  只怕唔pass  打擊佢自信  但老師誠意權權  我亦有想比個經驗個仔  所以發表呢個主題  希望大家給我意見

[ 本帖最後由 cooking^^mama 於 10-4-26 15:04 編輯 ]

cooking^^mama

原帖由 ming2 於 10-4-26 15:09 發表


我覺得只要係0係準備考試0既時間唔會阻到佢學習其他樂曲0既話,一試無妨...但係如果要停晒學其他樂曲,而只係集中練/學考試範圍0既野,咁就要認真考慮清楚有冇呢個必要啦.... ...

多謝你意見

鋼琴老師話6月考試  但我上網search  又好似話8月- 11月 到底係點呢    定係6月先出考試範圍呢

其實我好小機會見到個導師  一來唔係我帶佢去  二來就算見到佢  佢都好忙  一個接住一個學生  所以我好多野都唔清楚  亦唔知自己個仔o係彈琴方面  邊方面比較強邊方面比較弱...

cooking^^mama

唉 ... 上網搵左好多人地意見  總括覺得個仔應該未夠考2級 ... 唔通個老師真係有目的  想加學費 ??!!

有無家長有此經驗  可以再比多d意見我

[ 本帖最後由 cooking^^mama 於 10-4-26 16:34 編輯 ]

Funny

我個仔都係5歲, 都係學左半年多d, 四本其中一本書都係輕鬆學鋼琴level 2, 已彈到do re mi, 佢之前已完成3本其他書, 佢每堂30分鐘, 每堂可學3-4首歌, 老師話佢進度好好喎, 但無叫過我地去考級, 佢話除非我地好想攞cert, 否則就唔好咁心急, 練多d基本功先喎! 佢話好多學生兩年都可以考5級, 但基本功根本唔好喎!!

原帖由 cooking^^mama 於 10-4-26 15:03 發表

我仔依家學完2本level 1 o既書  依家學緊輕鬆學鋼琴level 2 - ...

[ 本帖最後由 Funny 於 10-4-26 16:36 編輯 ]

cooking^^mama

原帖由 Funny 於 10-4-26 16:34 發表
我個仔都係5歲, 都係學左半年多d, 其中一本書都係輕鬆學鋼琴level 2, 已彈到do re mi, 佢之前已完成3本其他書, 佢每堂30分鐘, 每堂可學3-4首歌, 老師話佢進度好好喎, 但無叫過我地去考級, 佢話除非我地好想攞cert,  ...

我從來無提過希望個仔考試  前日老師突然提起我都好意外  佢同我講 : 我問左阿仔  佢都話想考試  佢都學左差唔多一年  考一級無用  考試2級啦  

我當時都未來得切反應  因從未考慮過呢個問題  而佢又已經同左阿仔講  咁我就初步答應喇
點知越諗越唔對路  越擔心

Funny

我都從來無向老師同埋個仔提考試或比賽, 因為根本唔係學左好耐, 我諗就算音樂神童都唔一定要去考試, 只要跟住自己個進度去學咪得lor, 或者遲d先至一次過考3或5級lor, 仲唔使時時比exam fee 同埋加學費。

原帖由 cooking^^mama 於 10-4-26 16:42 發表


我從來無提過希望個仔考試  前日老師突然提起我都好意外  佢同我講 : 我問左阿仔  佢都話想考試  佢都學左差唔多一年  考一級無用  考試2級啦  

我當時都未來得切反應  因從未考慮過呢個問題  而佢又已經同左阿仔 ...

cooking^^mama

原帖由 Funny 於 10-4-26 16:54 發表
我都從來無向老師同埋個仔提考試或比賽, 因為根本唔係學左好耐, 我諗就算音樂神童都唔一定要去考試, 只要跟住自己個進度去學咪得lor, 或者遲d先至一次過考3或5級lor, 仲唔使時時比exam fee 同埋加學費。

...

我同你諗法本來係一樣o既  但個鋼琴老師突然咁提出打亂左我    我諗我要盡快同佢商量下  多謝你

[ 本帖最後由 cooking^^mama 於 10-4-26 17:09 編輯 ]

Funny

呢樣我都知。

原帖由 ming2 於 10-4-26 17:21 發表


要留意一樣野...唔係唔考試個老師就唔會加學費呀...如果小朋友真係水準升"呢",就算小朋友唔考,老師都一樣會加架....不過考試費就真係可以慳d 0既... ...

ernestchow

原帖由 ming2 於 10-4-25 23:54 發表


我諗作為外人0既我地,又唔可以單憑樓主0既幾句說話,就認為佢個老師係因為想加學費而叫學生去考試0既...咁樣對個老師係好唔公平....可能樓主個小朋友真係好勤力練習吸收得好好呢?? 我地又唔係當事人,點知咁多呢??. ...

甘佢基本功根本會唔會唔好?

cooking^^mama

原帖由 ming2 於 10-4-26 17:18 發表


cookingmama

如果係指皇家試,咁就應該係4-5月and 8-11月係考試期,而8-11月0既考試報名期已經過左啦...會唔會係老師指新syl. 出0既日子呀??不過應該唔係六月出喎...最快都大約七八月先有..

另外,同老師溝通係好重 ...

終於搞明白喇  ...  原來老師o既意思係出年考  依家開始逐小將考試野滲入去  我呢d門外漢真係一頭霧水    以為考試就考試  點知原來要一年時間 ...  佢話唔考都可以  就繼續學歌仔  不過依家唔決定  到時先決定  又要再浪費一年時間先考得 ... 佢仲主張叫我考   我同佢講星期六先答佢

[ 本帖最後由 cooking^^mama 於 10-4-26 18:42 編輯 ]