很徬徨...我應該點做?

worry-mom

囝囝快到2歲, 覺得佢有自閉症特徵, 最明顯係別人跟他說話時無眼神交流, 說話不多.  最初我以為佢識講野後會有改善, 但現在佢都未識講很多說話.
想問下有經驗既媽媽我可以點做呢?  我已經覺得很不開心, 真係覺得接受唔到&徬徨.
下個月會再返健康院檢查.  打算再同姑娘講.  但想問下, 係咪一般等佢地refer都要排好耐先可以作評估呢?   我應否找私人機構評估?   那一間較可取呢?   
另外想問下, 一般評估後(政府or私人機構)係咪佢地會建議參加某此訓練課程?
我見其他thread提及什麼 i/e/s位, 想問其實是什麼呢?
之前有幼兒園收左囝囝今年9月讀pn, 我應否給他讀呢?
另外亦想知道, 一般2-3歲階段, 是否跟其他小朋友一樣, 其他人不會分別到小朋友有特殊問題呢?
我真係唔知點算...希望有媽媽可以幫到我. thanks!

lokjoan

除了唔望人, 有無其他特徵? 如果只是這樣, 就不需要太擔心, 去健康院同姑娘講, 佢會先安排你見健康院的醫生, 我暫時只走到這一步, 剛剛1月尾見了姑娘, 佢安排3月初見醫生, 我話想早d, 最後排左2月19日, 我估初步評估後, 如有事, 佢會寫紙俾我去兒童評估中心. 但其實你可以試下打去健康院話想早d返來檢查, 睇佢地會唔會可以早d俾你, 因為我原先是5月份先返健康院做語言發展監測, 但我打電話去同佢地講我個concern, 佢地就俾我改早到1月尾.
另私人個d你要小心d搵, 因為我原先今日約了一間去做評估, $800左右, 但我識得有個做職業治療的朋友告訴我, 呢間嘢就算無乜事都會話你有事, 所以依家會等我個朋友幫我問返佢d同行, 搵一間好嘅俾我.

原帖由 worry-mom 於 10-2-8 02:09 發表
囝囝快到2歲, 覺得佢有自閉症特徵, 最明顯係別人跟他說話時無眼神交流, 說話不多.  最初我以為佢識講野後會有改善, 但現在佢都未識講很多說話.
想問下有經驗既媽媽我可以點做呢?  我已經覺得很不開心, 真係覺得接受 ...

hcily

作為過來人,我非常明白你的心情,但萬事總有解決方法,先定一定神吧.
如你對孩子情況有擔心,一定要跟健康院姑娘說,如lokjoan所說,他們會安排見健康院的醫生,你同樣要表示你的擔心,否則若孩子只是boardline case,他們會叫你等多幾個月,看清楚才說,但記住,孩子是不能等的.
請他們refer你去衛生署的兒童體能及智力測驗中心作詳細檢查及轉介,一般要等六個月至九個月(很離譜,但沒辦法).
如你心急,也可找私人評估(要找可以轉介你去政府服務的評估,否則做了也未必可以排位).
所謂I位,E位及S位,就是指這些服務,你想知道詳細分別,可看下列文章:
http://hk.myblog.yahoo.com/teachyourchildtospeak/article?mid=53
無論你是等政府評估還是私人做,假如你是懷疑孩子有問題,便要盡早給你安排訓練,不要介意這些訓練是給有問題的孩子(而你還未確定孩子的問題),因為做了沒有壞,沒做卻可能拖延孩子的治療,這點非常重要,時間不等人. 協康有很多課程可參加.
另孩子能否讀PN端看他未來幾個月的情況,其實如他不太嚴重,上主流幼兒院可給他正常社交刺激,也有好處,不過如果他適應不了,千萬別勉強,否則學不到東西,同樣浪費時間. 但我建議你開學前跟學校坦誠談談,看學校能給予甚麼支援,如學校不接受小朋友,建議你不讀也罷,走為上著.

worry-mom

首先多謝兩位媽媽回覆.
囝囝除了唔望人, 仲有不喜歡用手指指出物件(當然間中問他他亦會指出, 不過不時常做), 另外, 非常鍾意玩車, 但係佢係揸住架車前後推動玩的, 當然亦有排列既時候啦.  其實上網所說既特徵愈睇愈confuse, 自己就梗加唔開心, 一下子接受不到.
可能由於係下月初回健康院, 所以都預計她們都不建議改期.  今天姑娘覆了我, 她說叫我不用太擔心, 因為有些小朋友2歲時語言及尊注力都未能達標的, 很多時到2歲半情況有很明顯既分別.  但作為媽媽點樣唔擔心呢?   她都有提及等轉介既時間都很長.   
之前忘記問大家, 那些早期訓練(政府或私人機構) 會否接受沒有做評估的小朋友報名呢?   協康會口啤好一點, 但是否輪候時間都較長呢?   兩位媽媽有沒有一些早期訓練課程推介呢?  因為我都希望儘快幫助兒子, 希望接受訓練後有改善.
另外想問下i/e位是否只限於某幾間學校呢?

anlywan

唔好咁擔心..初初我同你一樣唔喜歡別人把一些我都唔知是咩的名稱放在我仔仔上...但現在我咩都接受因為我認識多左(包括買啲書睇...問人...上網睇資料...同姑娘傾)..我仔仔在上年九左右是20個月大我發覺他未講嘢又唔同朋友仔玩又同人冇眼神交流...於是找兒科醫生寫左封轉介書去左旺角排期到今日就可以去評估.
但在等待中我十二月同仔仔去過STEP做過簡單測試就話佢有自閉傾向..但我就冇在佢度做個自閉評估1.因為很貴..2.我覺得評估是想得知個結果..佢唔講嘢唔同小朋友玩根本唔洗估都知佢地一定俾個自閉症只是睇俾個重定輕..有個媽咪講的對自己仔女邊方面差而自己又等唔來就可以在私人機構做住訓練...好似我個仔就在LINKS做緊感統訓練..都有進步在行為方面..望人眼神好好唔知是大左定訓練左..
到今日4:00PM去政府做評估拿埋報告後再同姑娘商量仔仔之後仲需要咩訓練囉...呢啲是我的按排純粹分享吓!!

原帖由 worry-mom 於 10-2-8 18:21 發表
首先多謝兩位媽媽回覆.
囝囝除了唔望人, 仲有不喜歡用手指指出物件(當然間中問他他亦會指出, 不過不時常做), 另外, 非常鍾意玩車, 但係佢係揸住架車前後推動玩的, 當然亦有排列既時候啦.  其實上網所說既特徵愈睇愈c ...

rpang001

唔駛咁悲觀!

想當年我仔仔情況仲差過妳囝囝好多,佢2歲半才被評為自閉症傾向,當時衹能說出四-五個字字句,冇眼神接觸,仲容納唔倒成小朋友群體,日日起屋企玩火車,推趟門,自己去面試入普通幼稚園都唔收,有食物敏感,鼻敏感,聽覺敏感,大小肌弱,語言遲緩,分離焦慮.....到依家快6歲,順利來年升讀小一,經多番評估都進度理想,除學校i位的訓練,都母須再安排密集式的治療

當然,當中父母作出重大努力,在幼稚園階段也面對千奇百怪難題，最緊要多了解這類小朋友特質和需要,適當地在日常生活中加以訓練,久耐久之就有美好的進度.

當前都係盡快接受評估,及萬一真係自傾,盡快安排接受合適訓練及為入讀幼稚園作準備

krislee0716

囝囝快到2歲, 覺得佢有自閉症特徵, 最明顯係別人跟他說話時無眼神交流, 說話不多. 最初我以為佢識講野後會有改善, 但現在佢都未識講很多說話.
想問下有經驗既媽媽我可以點做呢? 我已經覺得很不開心, 真係覺得接受唔到&徬徨.
下個月會再返健康院檢查. 打算再同姑娘講. 但想問下, 係咪一般等佢地refer都要排好耐先可以作評估呢? 我應否找私人機構評估? 那一間較可取呢?
另外想問下, 一般評估後(政府or私人機構)係咪佢地會建議參加某此訓練課程 ?
我見其他thread提及什麼 i/e/s位, 想問其實是什麼呢?
之前有幼兒園 收左囝囝今年9月讀pn, 我應否給他讀呢?
另外亦想知道, 一般2-3歲階段, 是否跟其他小朋友一樣, 其他人不會分別到小朋友有特殊問題呢?
我真係唔知點算...希望有媽媽可以幫到我. thanks!

deleted

hcily

wory-mom,
某程度上,健康院姑娘說的可能對,像我兒子,兩歲前連單字也沒有,兩歲後開始有明顯進步,兩歲半可以講句子. 但你又怎會乾坐著等他兩歲半沒有進展才行動呢,那會錯過很多黃金時間呀,所以還是及早訓練為上.
協康有一個青蔥計劃,提供訓練給有自閉症或懷疑有自閉症的小朋友,未評估也可參加,不過由於是自負盈虧的計劃,所以收費不便宜,下面是網址.
http://www.heephong.org/chi/slp/slp_news_list.php
另好像救世軍,聖雅各福群會等也有提供服務,你可以找找. 私人機構有領思,邁步及樂天等.
至於你說的早期訓練中心,如是政府安排的,則一定要評估了的才能排.
下面這個網站有政府I位E位S位的學校及排位情況，你可以看看　http://www.swd.gov.hk/tc/index/s ... iont/id_crsrehabwa/
其實以你的形容，好像也不用太擔心，當然，還是一句，越早訓練越好．

worry-mom

多謝大家的鼓勵.  我本身很眼淺的, 由感覺問題存在開始, 每當我抱著他或是看他睡著時, 我的眼淚很自然不停流下.  覺得很無助.  我都希望我自己可以堅強一點.
大家提供給我的資料都很有幫助.  睇了協康及私人機構的網頁, 他們都分別提供很多課程, 如果我想先選擇針對溝通(說話及眼神交流)及訓練手指指向物件(不知是屬於那裡訓練), 應該選什麼課程呢?
因為我見一係有些課程有年齡限制, 一係就全方位/密集(需每天上堂及較貴).  定係...要選擇1:1訓練呢?
有無媽媽曾經選擇...我想針對那方面的課程呢?
THANKS!

anlywan

你好啊!我又是昨天見完政府評估一個小時差不多全同我講...問問題..之後都冇俾個名稱我仔仔所以我都唔知倒底佢是咩...但好似你咁講我仔仔同你仔仔差不多啊...但昨天佢地竟然俾埋封信我去油麻地排"兒童精神科"真想哭有冇媽媽知到底咩事...我問個醫生只話成人同兒童精神科是唔同...小朋友啲情緒等問題都是入呢科...但我仔仔情緒是好好架唔會一時大叫及大哭....你地話好唔好遞?????

原帖由 krislee0716 於 10-2-9 19:48 發表

昨為過來人,我都好明白你此刻心情,當年我都係一樣,見自己的囝囝跟其他小朋友很大分別,很擔心.尤其當懷疑囝囝可能是自閉,好似天榻下來一樣,上網check自閉特徵有一半都中左,包括 :
-
很少眼神接觸
-
不懂得說話
-
喜 ...

rpang001

原帖由 anlywan 於 10-2-10 10:12 發表
你好啊!我又是昨天見完政府評估一個小時差不多全同我講...問問題..之後都冇俾個名稱我仔仔所以我都唔知倒底佢是咩...但好似你咁講我仔仔同你仔仔差不多啊...但昨天佢地竟然俾埋封信我去油麻地排"兒童精神科"真想哭有 ...

不用為"兒童精神科"這個字眼影响,因為自閉症係入於這科,油麻地兒童精神科這地方我上年年尾我經常帶仔仔去,入面8樓隨可約見臨床心學家[主要幫助家長去面對處理自閉兒所面對困難,約一季一次],還可有密集式小組訓練[一星期一次],我仔仔去上自閉症社交小組,仲鐘意過去幼稚返學,對小朋友來說是個開心成長的地方。

Capricorn2521

不用擔心，我仔評估時醫生說過。因為有自閉徵狀的小朋友，不善表達，溝通較弱。學前幼稚園可能同同輩相處沒大問題，但到小學時有d叻d就可能見你不合群或不多說話就不同你玩等等問題出現....同同學相處不來，影響自尊，情緒。所以依家要排定先，因為要輪侯多年。如果小朋友到時冇需要，就不用去了。情緒病/抑鬱症係屬精神料的。

另外，可能醫生又吾太肯定你仔仔係吾係自傾，就費事多說。始終年紀太細，變化很大。小朋友會一個月比一個月叻的。不過，個醫生咁樣，又確實令你好擔心。所以，你照排啦...保險妮傘...

我未排到，不過週圍8，知道就算見完醫生，佢都冇藥比你，係叫你參加一D EQ訓練課程，如rpang001所說。又吾洗錢，去玩吓囉.... 不要太擔心，見步行步，希望在明天呀!

原帖由 anlywan 於 10-2-10 10:12 發表
你好啊!我又是昨天見完政府評估一個小時差不多全同我講...問問題..之後都冇俾個名稱我仔仔所以我都唔知倒底佢是咩...但好似你咁講我仔仔同你仔仔差不多啊...但昨天佢地竟然俾埋封信我去油麻地排"兒童精神科"真想哭有 ...

[ 本帖最後由 Capricorn2521 於 10-2-10 14:17 編輯 ]

anlywan

真是嗎?因為個醫生講的好含糊!!!我以架決定報"努力試訓練課程"想知多啲唔洗唔擔心...因為我好似唔怕但晚上又好自然諗好多....做阿媽真是好難...多謝你啊!!!

原帖由 Capricorn2521 於 10-2-10 11:55 發表
不用擔心，我仔評估時醫生說過。因為有自閉徵狀的小朋友，不善表達，溝通較弱。學前幼稚園可能同同輩相處沒大問題，但到小學時有d叻d就可能見你不合群或不多說話就不同你玩等等問題出現....同同學相處不來，影響自尊，情緒。所以 ...

Capricorn2521

其實你都做緊同做咗好多野，你亦知道這方面很多資料，同時清楚你仔仔係有進步的，如眼神接觸有改善。只不過你見到封精神科的信，才令你失去一點信心。所以你要知道排精神科係要排，叫做到時有多個專家意見。遞完信之後，就要恢復你的岡位及首要任務：係去訓練你個仔!

原帖由 anlywan 於 10-2-10 12:07 發表
真是嗎?因為個醫生講的好含糊!!!我以架決定報"努力試訓練課程"想知多啲唔洗唔擔心...因為我好似唔怕但晚上又好自然諗好多....做阿媽真是好難...多謝你啊!!!


...

worry-mom

想問下大家...
如果想溝通方面得到改善(說話及眼神交流), 咁係咪應該找ST呢?
咁...有無人知, 如果想訓練小朋友"主動"手指指向物件(不知是屬於那裡訓練), 應該選什麼訓練呢?

kalam611

你小朋友語言理解能力如何? 如果佢理解同講都唔OK, 而妳又想訓練佢手指指,咁可以先上幼兒導師訓練,亦可同時上埋OT,至於ST,可以係小朋友理解力好咗之後再加

幼兒導師訓練幾間坊間嘅centre都有,亦有d  導師會上門.

至於上唔上pn, 如果到時妳有第d 訓練安排,或已排到S/I 位,咪唔上囉,如果無,上就一定好過唔上嘅.反正仲有7個月時間考慮,遲 d 至諗,而家盡快安排合適嘅訓練緊要呀

worry-mom

平時叫佢做D指令(如...取/擺放物件, 請人食野等簡單指示)佢都有做, 咁係咪叫做理解能力OK呢?  佢最大問題係同佢講野無乜眼神交流, 如果同佢玩(玩到笑晒果隻), 佢就會望住你多D.    講野就唔多啦.   問佢圖片上既, 想佢指出, 佢就多數都唔肯做囉.(心情好都有做過).
S/I位....唉, 我估等做評估再排期....有排先輪到啦...唉!

原帖由 kalam611 於 10-2-12 10:42 發表
你小朋友語言理解能力如何? 如果佢理解同講都唔OK, 而妳又想訓練佢手指指,咁可以先上幼兒導師訓練,亦可同時上埋OT,至於ST,可以係小朋友理解力好咗之後再加

幼兒導師訓練幾間坊間嘅centre都有,亦有d  導師會 ...

worry-mom

想問多樣...一般話肯唔肯同小朋友玩...
如果2歲既小朋友來說, 大家一齊玩同一玩具(當然無說話無眼神交流), 而沒有拿走自己坐埋一邊玩, 咁算唔算都叫一齊玩呢?

hcily

按指示取東西及請人食野當然算是理解力,起碼他要理解你說話的意思,然後按你的說話去行動,當中牽涉的分析也不少呀.
據專家說,兩歲的孩子剛開始喜歡同人玩,不過我兒子幼兒園的老師說兩歲孩子未懂與人玩耍一點也不奇,她說學校的孩子很多在兩歲還是各自各玩的.所以叫我不用太擔心.
我想一方面不用太擔心,另一方面,最好也盡量安排社交訓練給他.

kalam611

咁妳囝囝都唔錯喎
係架,政府位真係有排先輪到 ..咪鬼齋等佢,因為而家係訓練嘅黃金時間,追得幾多得幾多啦.時間唔等人,搵住私人訓練先. 我覺得ST, OT,同幼兒導師都會幫助到小朋友嘅眼神同聽指令,不過就 ,如果經濟許可咪三樣都上,但如果要揀我會先上幼兒導師.當前急務係睇睇小朋友邊樣差就訓練邊樣,暫時咪理佢到底係乜嘢名堂喇,妳係佢阿媽,對得佢最多,妳覺得有問題就應該係有d 嘢架喇
努力加油呀