俾政府評估中心累死

scholar

我囡囡7月中時去了做初次評估,當時姑娘初時表示下次評估應在半年後,接著望望個月曆,話會排快期,但快期都要4個月,最快都要排到10月底11月.

今日我打電話去check究竟幾時又得做評估,點知佢覆我要排到1月.我問佢:姑娘明明話排快期,點知個姑娘check完record,話佢當時意指"試吓排快期", 但同專家開會後,認為都係排normal queue. :evil:

我聽完真係好嬲,但又唔知講乜好. 我想,你轉去normal queue點解唔話番俾我知?

之前我一直以為女兒在排快期,所以決定不做私人評估.因為覺得俾幾千蚊只係排(服務)早一個月,不如將錢用在治療上.如果知要等半年,一定早就去咗私人評估.

我真係覺得佢害得我好金...現在女兒一定有dev.delay,但就唔係自閉.如果女兒是需要e位或i位,排遲三個月真係差好多.我好後悔信咗正苦.....

scholar

中九龍

原帖由 pipi331 於 09-10-22 00:29 發表
請問系邊間評估中心?

ktv

我個case和你個case 相反, 政府冇話俾我聽排快期, 話要半年後先見醫生, 咁我就搵私人評估, 跟著排咗i位。跟著政府打來話有快期, 可快d見醫生。咁我私人評估和政府評估時間相差大約2個幾月。花咗幾千元快2個幾月, 不過算啦, 都叫做大d機會入到前些o既志願。

原帖由 scholar 於 09-10-21 23:08 發表
我囡囡7月中時去了做初次評估,當時姑娘初時表示下次評估應在半年後,接著望望個月曆,話會排快期,但快期都要4個月,最快都要排到10月底11月.

今日我打電話去check究竟幾時又得做評估,點知佢覆我要排到1月.我問佢:姑娘 ...

ktv

遲了3個月評估, 未必遲了3個月入e位, 因為多數9月先有空位, 除非中途有人放棄個位。例如可能2009年的4月通知你有位, 但多數要等到2009年9月先有得讀。有些地區少位多人, 就可能要早d排先趕得及9月入讀。可參考社署網頁看排位情況。

原帖由 scholar 於 09-10-21 23:08 發表
我囡囡7月中時去了做初次評估,當時姑娘初時表示下次評估應在半年後,接著望望個月曆,話會排快期,但快期都要4個月,最快都要排到10月底11月.

今日我打電話去check究竟幾時又得做評估,點知佢覆我要排到1月.我問佢:姑娘 ...

scholar

我最驚佢係要i位,1月先transfer去社署,9月開學都未有位...我真係好唔開心

ktv

e/s/i 都係多數9月先有位。 i位某些學校都好排到, 例如屯門/元朗區的學校好快, 2009年7/8排, 即刻9月入到學。當然, 1月開始排, 心儀的學校就未必入到了。 但如不計較地區/學校, 都會有位讀o既。

原帖由 scholar 於 09-10-22 11:38 發表
我最驚佢係要i位,1月先transfer去社署,9月開學都未有位...我真係好唔開心

someoneelse

明白你心情...就算有無位，總覺得排定隊會安心點....

不過以我經驗，無論排咩位，幾時有位都要講彩數，因為當中涉及很多變數...

你亦唔需要太擔心，因為有時響學期中，無論咩位都會有機會有位放出黎的...

現在，既然你說小朋友有遲緩，據她的情況，先響家庭內做點教育/訓練吧！

原帖由 scholar 於 09-10-22 11:38 發表
我最驚佢係要i位,1月先transfer去社署,9月開學都未有位...我真係好唔開心

scholar

someoneelse, 囡囡已經在上playgroup, 我也學會了不少教她的技巧.

今天再跟cac的姑娘詳談,結果再給了我們快期,該可在11月見醫生啦.

原帖由 someoneelse 於 09-10-22 12:47 發表
明白你心情...就算有無位，總覺得排定隊會安心點....

不過以我經驗，無論排咩位，幾時有位都要講彩數，因為當中涉及很多變數...

你亦唔需要太擔心，因為有時響學期中，無論咩位都會有機會有位放出黎的...

現在，既然你說小朋友 ...

scholar

~_~ 原來這麼多要考慮.年頭已幫女兒報了較近屋企及有兼收位的幼兒園,年底才知有冇位.

我想即使要i位,排同一間幼兒園即可.(但可能要等好耐好耐)

hmm...都係做完評估再考慮.現在想太多也沒用.

原帖由 pipi331 於 09-10-22 23:56 發表
講開揀 i位 學校, 可能我唔識人啦.
我用社署個list 間間 (自己住果區) 打去問吓佢地ge做法.
發覺唔同 學校/機構會有 小小分別. 例如: 延展安排 (有d學校無延展, 有d學校唔比 i位學生延展, 有d學校話要收咗個小朋友 ...

Chunmother

我個仔排左三個星期就有得做評估! 擒日做完之後佢話亞仔有發展遲緩(包括言語),又話亞仔有自閉! 之前第一次見姑娘又話我個仔冇自閉,以家就話有! 我同老公都覺得個兒科醫生只係睇亞仔幾十分鐘就話佢係自閉!會唔會求其左D呢!

Chunmother

冇喎! 同係一般健康院做的一樣! 問下眼耳口鼻係邊, 搭積木同畫畫! 我個仔全部都做到都話佢係自閉,真唔明解! 以家仲要排埋兒童精神科!

pp_t

我朋友個仔做評估時所有嘢都做到, 但係個醫生話佢唔望人, 所以評咗佢係自閉症......我朋友問咁點解唔係自閉症傾向, 醫生話寫自閉症排學校會快啲.....咁樣答人真係好不負責任!!!

eat

原帖由 pipi331 於 09-10-26 23:39 發表


哈! 咁我個仔 過多幾個月 去正苦 評估中心見醫生, 反下手都會因為唔鐘意望人 而比 "好"醫生 評自閉. 其實佢會選擇性望人ka.

我個仔都係選擇性望人,佢做評估時乜都做倒,答問題都OK,但個醫生話佢記性太好係有黑板式記住,話佢鍾意睇地圖及有特別喜好,所以評估為自閉症徵狀,要排睇兒童精神科(排到2011先有得見),但就已經排到去協康會做其他治療,咁乜野叫e/s/i位,係咪每個月比$60就得....

rachncurtsmom

我個仔兩個幾星期前去私人評估時真係不太望人，但最近兩個星期眼神接觸交足貨，差不多每日都有新字講出來，真係全部都係這兩星期發生的。我就諗，如果而家先做評估的話，可能會有不同的結果。