我仔仔真喺有自閉症

midcocc

Hi
大家好, 我今日先clik上來, 昨天去評估, 醫生話佢言語慢, 還有自閉(排期見精神科,排兼收)??好驚

midcocc

Thank you....

KSWKSW

你仔仔几大? 言语慢几多?

原帖由 midcocc 於 09-10-18 02:56 發表
Hi
大家好, 我今日先clik上來, 昨天去評估, 醫生話佢言語慢, 還有自閉(排期見精神科,排兼收)??好驚

midcocc

2歲9個月, 言語約1歲半, 咁你小朋友呢?

owl_2046

你心情我地呢度個個都經歷過.
驚一陣好啦, 快D平伏落黎, 同你HONEY商量下, 下一步點做.
排得兼收, 你亞仔情況都唔會太差.

原帖由 midcocc 於 09-10-18 02:56 發表
Hi
大家好, 我今日先clik上來, 昨天去評估, 醫生話佢言語慢, 還有自閉(排期見精神科,排兼收)??好驚

midcocc

其實唔帶佢去協康訓練, 而係出面搵playgroup & 學前親子班....好唔好呀?? 唔知會唔會俾人笑(佢唔鍾意, 便大叫)
咁....你哋呢?

MARSTEN

都確定左係自閉症點解重唔去面對呢...
快d同佢排training啦~ 或者排I位
playgroup無用架,我個仔上足半年都係唔同人玩,幾歲後都係唔同同年齡既小朋友玩...呢d野唔係咁易改變到架,而且佢地重有好多情緒上既野要訓練,出面既唔會理解你仔仔

原帖由 midcocc 於 09-10-19 16:52 發表
其實唔帶佢去協康訓練, 而係出面搵playgroup & 學前親子班....好唔好呀?? 唔知會唔會俾人笑(佢唔鍾意, 便大叫)
咁....你哋呢?

KSWKSW

2歲5個月, 言語約1歲多, 好烦, 唔知点算好?

原帖由 midcocc 於 09-10-19 15:33 發表
咁你小朋友呢?

midcocc

多謝你俾D意見我

beautyshirley

我都是上星期才做評估的， 雖然醫生沒有同我講我的小朋友是否很嚴重，但他要排s位，所以我相信其實你的小朋友不是太差，不要灰心。現在最緊要是儘快為小朋友安排合適的training。

我的小朋友返了個多月協康會的伴我童樂後，眼神及說話方面已有很大進步(會望人及會跟人聲尾說話了，之前是連單字也很少的，更會逃避別人的目光)。愈早介入進行訓練，小朋友的可塑性愈高！

playgroup及n1我都有試過，但我覺得遠不及這些特別為自閉症而設的training來得效益大。 況且我覺得playgroup或幼稚園的導師未必了解及知道如何教這種咁有特色的小朋友。 不要再考慮了，快點為你的小朋友找training course吧！ 因為很多這類training 都要等的，不是一報就有得讀。

midcocc

你哋是否在政府評估? 排S位是否在幼稚園讀K1?
請問協康會的伴我童樂, 是經政府排期 & 私人?
Thank you !!

owl_2046

協康"伴我童樂"係協康會私家S位, 唔係政府, 一般係$7500 3個鐘, 一星期五日, 詳情可上協康網頁.
政府S位=特殊學校, 一星期五日全日制課程.
我仔之前未有政府S位就比佢讀私人S位, 因普通幼稚園都唔係好接受A仔, 佢地亦唔識及冇耐性教, 我都領教過

原帖由 midcocc 於 09-10-22 03:13 發表
你哋是否在政府評估? 排S位是否在幼稚園讀K1?
請問協康會的伴我童樂, 是經政府排期 & 私人?
Thank you !!

beautyshirley

我是自己找私家醫生寫信到政府評估的，因為是他首先發現孩子不對勁。

[ 本帖最後由 beautyshirley 於 09-10-22 23:06 編輯 ]

SandraLo

原帖由 midcocc 於 09-10-19 16:52 發表
其實唔帶佢去協康訓練, 而係出面搵playgroup & 學前親子班....好唔好呀?? 唔知會唔會俾人笑(佢唔鍾意, 便大叫)
咁....你哋呢?

問題唔係俾人笑..... 如果學到嘢俾人笑吓又有乜所謂;
正常小朋友係從模仿中學習, 唔駛特別去學講嘢就識講, 但自閉症小朋友係唔識模仿, 所以好多嘢都要針對性咁「教」先識, 普通playgroup幫得到, 佢即係冇問題啦, 唔好哂時間啦！

豆Dan

我覺得一定要父母都接受咗依個係事實先,如果唔接受都係無用架.
"早一日訓練就早一日有進步"

JANETHIM

Hello midcocc,

我想問下你去邊度做評估, 收費如何?
我囝囝2years10months, 表達能力比較差,
但健康院話佢冇問題, 但我都好擔心，你可唔可以比d資料我呀!　

唔該！　

原帖由 midcocc 於 09-10-18 02:56 發表
Hi
大家好, 我今日先clik上來, 昨天去評估, 醫生話佢言語慢, 還有自閉(排期見精神科,排兼收)??好驚

midcocc

真係多謝大家 ,有時同家人講, 佢哋都唔明!

而JANETHIM,
我就喺健康院轉介到評估中心,(是姑娘主動題出),你囝囝表達能力比較差?  緊,佢有無同你對答?? & 眼神接觸??

~仔仔媽咪~

原帖由 midcocc 於 09-10-24 21:51 發表
真係多謝大家 ,有時同家人講, 佢哋都唔明!

而JANETHIM,
我就喺健康院轉介到評估中心,(是姑娘主動題出),你囝囝表達能力比較差?  緊,佢有無同你對答?? & 眼神接觸?? ...

我明白你心情,亦同時明白你家人感受.

嗰時我仔三歲半評估為自閉傾向,得十二個月左右言語程度,之後排咗去兼收位幼兒園,嗰時我家人都大力反對,仲講咗好多好HURT我既說話,話我咁樣會害死個仔,又話個仔大個咗會俾人笑佢讀特殊學校,盡管我花費唇舌去解釋兼收位唔係特殊學校,都係主流學校只係同時有言語治療訓練和有受過特殊教育訓練既老師訓練囝囝,但我家人堅持話呢D係傻仔學校,話我咁樣會害死個仔,,,但我始終都係選擇堅持自己既決定.

之後我囝去咗兼收位讀書,雖則學唔到D咩,我囝唔理人,但至少响短短三個月內,我囝囝進步得好快,大家都有目共睹,之後過咗幾年我家人都開始接受我仔真係有問題.

查實個仔係自己生既,外人點睇點講毋須要理會同在意,只要清楚自己所有既決定真係為囝囝着想,清楚自己做緊乜,自己亦了解囝囝既需要,我地係仆心仆命去幫個仔,呢樣已經足夠.

試下JOIN協康會啦!真係好有用架!至少我身邊有幾個朋友既自閉囝囝去過協康會度做訓練後,真係明顯進步咗好多!除此之外,我個人覺得俾囝囝同時去出面playgroup亦可以一試,佢唔同人玩係預料之內既事,但唔俾多D機會佢去嘗試接觸其他人同其他人玩,未試過就放棄,我覺得作為父母唔可以剝奪孩子既機會.

我幾個所認識既自閉小朋友,就算評估咗係自閉症,但一樣照常去參加出面既興趣班,一樣讀一般既主流學校,但媽媽唔講,根本無人察覺到小朋友係自閉症囉!但小朋友上多咗呢類訓練和興趣班,的確有進步,進步不論多或少,都始終係有進步囉!所以好好把握每個時間同機會,等囝囝可以好好利用呢幾年既黃金時期,去改變自己.

加油!

豆Dan

十分同意仔仔媽咪的講法.

原帖由 ~仔仔媽咪~ 於 09-10-25 02:48 發表


我明白你心情,亦同時明白你家人感受.

嗰時我仔三歲半評估為自閉傾向,得十二個月左右言語程度,之後排咗去兼收位幼兒園,嗰時我家人都大力反對,仲講咗好多好HURT我既說話,話我咁樣會害死個仔,又話個仔大個咗會俾人笑 ...