十五十六添, 我都好想兒子入讀國際學校, 但....

msbeauty

如果兒子入讀國際小學及中學, 但當入大學時, 是否一定要去外國讀書呢?

可否在本地讀大學呢? (因本人不想他獨自一個去外國讀書)

[ 本帖最後由 msbeauty 於 09-9-30 13:05 編輯 ]

opakgn

國際學校學生可以經「非聯招」考入本地大學。
以前，本地國際學校學生經「非聯招」考入本地大學率偏低，因為以前傳統中學要讀7年，而家傳統學校改左334，讀6年中學。即是大家讀書年數一樣。情況可能會有轉變。
不過，唯一擔心係要考兩科語文，因為多數人會考中文（中國語文及文化）及英文（Use of English)　如果以國際學校學生嘅中文程度去考可能會差少少。（除非識第三種語文，不過可能仲難）
同埋而家有ｄ讀完副學士嘅學生都會經「非聯招」入番大學。
其實我都有呢個擔心，因為我個女讀緊EFS，雖然都有中文學，不過程度始終比較低，（認字同寫字比較弱）幸好係用普通話教中文。如果將來真係考唔到本地大學，可能試下番中國，再唔得先諗去外國囉。（我都唔想佢去咁遠）

msbeauty

請問你女兒讀邊間efs, 可以有中文學呢?

其實, 我亦想我的兒子去外國讀書, 但可能是獨子, 故不想他離開我去那麼遠的地方讀大學, 故不知道若讀國際學校, 難不難入讀香港的大學呢?

原帖由 opakgn 於 09-10-18 11:47 發表
國際學校學生可以經「非聯招」考入本地大學。
以前，本地國際學校學生經「非聯招」考入本地大學率偏低，因為以前傳統中學要讀7年，而家傳統學校改左334，讀6年中學。即是大家讀書年數一樣。情況可能會有轉變。
不過，唯一擔心 ...

[ 本帖最後由 msbeauty 於 09-10-19 14:12 編輯 ]

opakgn

我個女係ＲＣ讀緊，其實當初都有考慮讀傳統學校。（因為諗住唔使交學費）幼稚園時幫佢報國際係諗住國際又得，傳統派位又得。
佢Ｐ１果陣我去咗做補習老師，諗住認識ｄ學生再睇下邊間小學好。但係我發覺ｄ學生好慘，勁多功課、默書。最慘係ｄ學生唔鐘意返學！返完學都好似咩都唔識咁。當然亦有小數學生資質好ｄ，或者接受到填鴨式教育，（即是可以迫得果ｄ），通常呢ｄ都係成績好個批。
我覺得小朋友學習首先係佢要有興趣去學，如果連學都唔想返仲講什麼學習呢？我會重視小朋友有求知慾，懂思考，同埋要係生活中學習，而唔係只係一個讀書機器。
不過，有ｄ家長會覺得國際學校ｄ程度（例如數學）比較淺，但我覺得唔可以比較，因為兩者教育方向唔同。傳統教學一定要訓練學生「識考試」，為咗ｋｅｅｐ住收到學生，唔會殺校，佢地都無辦法唔谷學生成績。
對於重視成績嘅定長，可能傳統學校會較適合。

opakgn

原帖由 opakgn 於 09-10-19 19:26 發表
我個女係ＲＣ讀緊，其實當初都有考慮讀傳統學校。（因為諗住唔使交學費）幼稚園時幫佢報國際係諗住國際又得，傳統派位又得。
佢Ｐ１果陣我去咗做補習老師，諗住認識ｄ學生再睇下邊間小學好。但係我發覺ｄ學生好慘，勁多功課、默書。最慘係ｄ學 ...

其實以個人睇法，如果你真係好想佢讀本地大學，傳統嘅小、中學會適合d。因為考入大學始終都係睇成績。
講真個句，國際學校學生唔係程度低，只係「考試技巧」無傳統學校學生好，傳統學校會訓練到d學生識考試。但國際學校就唔注重考試成績，較著重學生個人潛能發展。其實佢地好精靈，不過唔識考試。
(不過，好可惜，通常d家長會以成績作為量度標準)
如何取捨要好睇家長要求。
其實我自己覺得，而家d大學生無以前果d咁叻，可能係教學質素問題。我覺得佢地同10年前嘅中學程度差唔多。(雖然課程深咗，但係d人都唔吸收)

msbeauty

opakgn, 多謝你的分享!  是的, 我亦不打算給兒子太大壓力, 我想他可以開開心心讀書.  但請問如果讀到一半, 發覺兒子原來不適應國際學校, 那可以怎辦呢?  聽聞很難轉回傳統學校, 是嗎?

請問你會打算給女兒在外國讀書嗎 (讀完中學之後)?

opakgn

Hello. 其實好少會有唔適應國際學校嘅學生，反而多數唔適應嘅係家長。你想像下返學好relax，又少默書，無考試，我諗好少學生會唔適應。
好多時唔適應嘅係家長，有時d家長會覺得唔知d仔女學咗d咩。好似我個女咁，小學係冇textbook，主要用老師d handout，具體上真係唔知佢學咗咩嘢。不過見佢返學都幾開心，同埋係某d事上有自己嘅見解，亦可以表達到出嚟。所以都覺得自己冇安排錯。
之前有聽過有d家長因為經濟問題，要由國際轉返傳統，d學生就真係好難適應。一來workload大咗好多，中文又追唔上，校規又多，好慘。所以真係要考慮清楚、選定，唔好轉來轉去，最後苦了學生。
亦聽過有傳統學校學生頂唔順，轉去國際，反而有好轉變。

我諗住比佢讀到中學後，考到本地大學就最好，否則想佢返中國讀。相信到咗果陣時，中國已經發展得好勁，加上好多外國公司同中國做生意。如果流利英文加普通話都會幾吃香，起碼冇咁擔心一畢業就失業先啦! (好似諗到好遠、好完美，不過據我所知其實北京、上海d大學都唔易入)
如果最後真係唔得嘅話，會送佢去英國囉，因為我地有教育津貼，英國係唯一選擇。

所以真係要努力儲錢!

msbeauty

真的多謝你的分享.  我估計你應該是公務員家屬, 是嗎?  其實我亦是.  但據我所知, 教育津貼只去到19歲, 那若到時你的女兒會到英國留學, 那筆費用是好大的 (因已沒有津貼). 是嗎?

而且據我所知, 這津貼不是局限於去英國, 其他地方留學都可以, 對嗎?

不好意思, 太多問題!

opakgn

原帖由 msbeauty 於 09-10-21 10:23 發表
真的多謝你的分享.  我估計你應該是公務員家屬, 是嗎?  其實我亦是.  但據我所知, 教育津貼只去到19歲, 那若到時你的女兒會到英國留學, 那筆費用是好大的 (因已沒有津貼). 是嗎?

而且據我所知, 這津貼不是局限於去 ...

淨係英國可以咋，仲一定要寄宿至有。

其實d津貼係供唔到大學嘅，最多讀完高中。因為我同老公一人供緊一份保險，應該夠佢讀大學嘅。

我有d朋友(又係公務員)，一心諗住初中就送子女去英國，高中畢業就返香港考番本地大學。佢地小學就讀傳統學校/直資學校，中一開始去英國。咁樣可以享盡津貼(本地+海外)又用最少錢。但係我又覺得初中去好似太細，仲要我個係女仔呢!

仲有，如果用海外津貼，雖然每個月交嘅學費少咗，但係津貼咗嘅金額要立番稅架，所以其實冇想像中咁平。

今朝睇報紙話香港會起多幾間私立大學，我諗第日會有多d大學學位，希望可以係香港讀啦。(最多比貴d學費，都冇英國咁貴卦)

opakgn

其實去英國係諗住可以比少1年大學錢囉。
因為有年齡限制，正常17歲讀完year 13，最壞打算，佢去英國要repeat 1年year 13(18歲入大學year 1)仲可以用到津貼，當然年齡過咗就要自費。
其實我一直都有過問題，如果公務員子女係天才，例如15歲就考到大學，咁係咪可以全程都有津貼呢? (都係問下，唔知有冇lee d case)

opakgn

如果你對海外升學津貼有興趣，可以查詢下(內部)，每年都有talk講。我同我老公係果女3歲時聽過1次，諗住聽定d資料可以好預算d。

PearPear

Hi msbeauty & 各位,

你地好!  很高興見到你個題目.  其實我都好耐之前有上黎問過類似題目, 不過當時沒有人多大討論.  而家見到你地討論呢個問題, 我很開心!

我個理念同你地差不多, 我都係覺"填鴨式"絕非好的教學制度!  如果小朋友性格能夠接受都仲好啲, 如果唔係, 我覺得就係會影響佢地一生.  原本有興趣, 都變得無興趣!  原本, 如果可以用其他方法一樣可以學好的, 結果under 呢個制度下, 就無辦法學得好, 最慘係如果成績唔好, 整個校院生涯就斷送!  浪費少年學習時間之餘, 亦大大影響性格成長!

眼見很多本地學校學生, 由於學校, 功課壓力過重, 年紀雖少, 已變得"勢利", 價值觀已扭曲了!  本身潛能亦得不到發展, 也亦被毀滅了!  我深信其實每個小朋友都有一定同不同潛能同長處!

我都係覺得似乎國際學校的理念會比較適合真正的學習!  然而, 同你地一樣憂慮同一個問題: 就係, 如果可以話, 都希望小朋友可以係香港讀大學, 我想陪佢一齊, 唔想佢離我咁遠!

但我手頭上都係無咩實質資料, 可以知道, 究竟香港啲大學會真係收幾多國際學校學生?  不過我又有聽聞, 而家香港啲大學, 都會trend to 收國際學校學生, 或外國來的學生, 因為佢地喜歡他們有創意, 有靈活同獨立思考能力!  不過唔知有幾真?

另外, 想問問: 請問知唔知RC的中文程度?

opakgn

Hello, 各位，好開心有相同諗法嘅朋友。

本地大學收生主要經「聯招」同「非聯招」，但係而家「非聯招」嘅競爭都幾大。因為以前冇咁多學生經「非聯招」入大學。以國際學校學生嚟講，以前多數都係諗住出國，又或者係個學生本身唔係本地人，佢地父母嚟香港做嘢，公司包埋未成年子女嘅教育，通常佢地都會返自己國家讀大學。但係而家多咗d本地人因為不相信/頂唔順傳統學制，而選擇讀國際學校嘅學生。(即係我地lee d)其實最終都想入番本地大學。再加埋d副學士畢業生、內地學生等。
我搵到lee段新聞，你可以睇下。
http://hk-pub.com/forum/thread-2386654-1-1.html

RC有中文學，普通話教。但程度就梗係冇傳統學校咁深。例如我個女，佢6歲Year 2，年齡等如傳統小學1年級生，但中文程度嚟講就應該冇。不過我都ｂｕｙ用普通話教中文科嘅。

PearPear

opakgn,

多謝你的資料!

我諗副學士都係其中一個主因, 令"非聯招"多左咁多人報!

雖則你囡囡而家Year 2, 年齡等於出面傳統小學1年班.  咁RC的中文課程同出面小學1年班差幾完?  只差1年定點樣? 其實如果相差1年, 我覺得問題唔大, 可以自己係屋企訓練下佢!  另外, 想問問:你囡囡平時係屋企講甚麼語言?  同埋請問除了每月的學費, 年中仲有冇其他的費用?  唉, 因為我唔係公務員, 小朋友讀書無津貼, 所以對我黎講, 學費都幾金下架!

一直都好想join RC school visit! 但次次都報唔到名!  我已經係佢一出post個日已上網check, 每次都full晒!

而家好似樣樣野都難左好多, 聽聞RC都好多人報!  請問小朋友以前係讀咩kindergarden?  我小朋友讀緊對面Boxhill, 不過就算已決定比佢去讀國際學校, 都唔知到時入唔入到.  因為小朋友出世個年好多bb出世.  如果到時入唔到, 要讀傳統小學就麻煩, 因為聽講boxhill對考出面啲小學就差啲囉~

聽你地之前講話香港會起多幾間大學!  現時有冇咩資料?

原帖由 opakgn 於 09-10-21 13:59 發表
Hello, 各位，好開心有相同諗法嘅朋友。

本地大學收生主要經「聯招」同「非聯招」，但係而家「非聯招」嘅競爭都幾大。因為以前冇咁多學生經「非聯招」入大學。以國際學校學生嚟講，以前多數都係諗住出國，又或者係個學生本 ...

opakgn

其實我冇認真比較過中文程度，但我有個而家讀緊小學嘅表弟，佢將佢K2時幼稚園(佢讀維多利亞)d中文認字卡比我個女，當時我個女year 1，都識唔到1/3。

我地係屋企講廣東話，其實佢d英文主要係學校學/用。佢幼稚園唔係讀名校(讀沙田好時光-International Class)可能因為咁，佢K1/K2好少同學，（連埋佢在內）K1得10個，K2時，因為出學卷，d同學有d轉去中文班，淨番5個。點知因為少人，佢d英文進步得好快。其實我果時唔知year 1係5歲讀，我報名時已經收哂，佢係第二輪考，又比佢好彩考到。因為當時算係新校，好多家長寧願選SJS（同區），我諗果時ｄ競爭又冇咁大。
佢果時幼稚園個校監都建議我比佢考RC，都係因為SJS競爭好大。（我唔想學校離屋企太遠，所以要選沙田區）

講開SJS－我識一個SJS嘅媽咪，聽佢講SJS都有中文堂（普通話）佢話唯一唔好係學校冇Canteen，要朝朝煮飯比個仔帶。

RC小學學費$6800，雜費係以年計，開學個陣一筆過比，好似千零蚊，至於school lunch就$26餐（都可以自己帶home lunch)。校巴就要睇地區，我地算近，每3個月比一次，拉平均每月約$800。(Service Provider -冠中）

EFS已經係最平嘅國際學校嚟，其他果ｄ（唔係EFS）間間都要成萬蚊一個月。（小學－中學唔止）

lee段新聞，你睇下。　
http://hk.news.yahoo.com/article/091021/4/esbe.html

msbeauty

好開心看到大家的分享.  但想請問一下, 是否很難入國際學校呢?  因我們只是一個很普通, 很普通的香港家庭, 沒有外國護照, 而我和我老公又不是專業人士. 只是平時跟工人會用英文談話, 是否入讀國際學校比較難呢?   據知若外國或移民人士入讀機會好大, 是嗎?   那我應該要給兒子什麼training呢?

opakgn

Hi, msbeauty.
其實我都係一個好普通嘅家庭，亦唔係專業人士。我相信任何父母，無論任何職業，大家對子女嘅愛都係一樣。
外國Passport holder & native English speaker係優先。不過唔代表其他無機會嘅。我個女夠兩樣都唔係啦。

如果你想佢入國際小學咁幼稚園就要讀國際。等佢自小適應學習環境/模式。小學可以考國際(5歲)又可以派位(6歲)。(當然如果有可能入傳統小學，就要自己教下中文)
傳統幼稚園就應該好難考到國際小學，我甚至懷疑interview機會都唔知有冇。

就我自己所見，國際學校學生同傳統學校學生係有分別嘅，兩者平日表現亦有唔同。當初亦有考慮直資(培僑)，但係幼稚園校監就話我個女多數考唔到，因為該校嘅target學生唔係類似我個女果d，最後都冇試。

如果佢讀開國際kinder，interview時表現番平時咁就得架啦。我覺得除此就冇咩特別準備。至於英文方面，如果kinder係國際，加上係屋企都要同姐姐講，我諗問題唔大囉。

有一個有趣的情況，我個女以前幼稚園讀國際班，反而隔離中文班有個鬼妹仔。(佢有身份証又有外國passport) 其實原理都係一樣，大家都做兩手準備啫。

msbeauty

Thanks, opakgn.  但我睇過, EFS的國際幼稚園得4間, 而我又住在九龍區, 故返學要搭長途車.  而其他所謂的國際幼稚園都大約1萬一個月, 實在好貴.

其實所謂的國際班(本地幼稚園), 是否用英文上課呢?  但若五歲(K2)入唔到國際小學, 那是否要在六歲才考本地小學呢?

Sorry too many question...