想囡囡E.Q. 高, 學什麼課外活動好?

kittywong1386

各位:

我囡囡E.Q.好低, 好多時一遇到唔滿意, 不合心意的地方,
就點講都唔聽, 我覺得越來越難教, 我希望佢玩下課外活動訓練下, 睇下有無用, 大家覺得學什麼可以令囡囡慢慢學冷靜,
芭蕾舞好唔好呢? Thank you. :wink:

Smiile

可以給她試試學圍棋。

charlottemama

我覺得可以比佢學ｄ有得多ｄ發揮, 創作既野．

kittywong1386

sorry, 我唔記得講我囡囡得3歲, 我諗圍棋要大個少少先得.
佢除左成日發脾氣, 重成日喊(有時候我知道為了好小的原因)我已經盡量同佢講道理, 佢又聽唔明. 有一次佢我忍唔到, 打過佢一次, 但我又後悔到不得了, 自己內疚左好耐, 諗諗下長始下去都不是辦法, 有時候諗等佢大D 就明白, 又驚佢大左都是O金樣, 你地明唔明白我的擔心. 其實課外活動幫唔幫到呢?  :-|

ayesha

點解唔直接俾個女上 EQ 情緒班 ?  

我個女 5 歲, 都上緊 EQ 班.

我覺得呢 d 課程幾有用, 可以俾佢認識自己既情緒, 如開心既時候可以點, 唔開心既時候又可以點.

bwmm

Please suggest some relevant course.

kittywong1386

ayesha,

邊度有E.Q.班上, 你囡囡上左幾耐, 有什麼改變.
我真的好想知呀! thank you.

ayesha

我個女係元朗學緊 "EQ 情緒管理" (唔記得 exactly 課程名), 已學完初班, 依家上緊進階.

有什麼改變 ?  暫時睇唔到有咩大改變, 不過就小左發脾氣及 "樓"計.

kittywong1386

ayesha,

你可唔可以俾個聯絡我, 我住上水都可以喎.

BoBoChau

ayesha,

我住係天水圍。我都想要有關資料，可否說出有關機名稱及電話，另想問價錢方面及階段點樣分,上幾內！

kittywong1386,

我個情況同你一樣，我個係囝囝2歲9個月，做母親真係好辛苦。駝住佢又驚佢有問題，生

TWMa

小朋友這個階段對自己的主見開始會比較堅持, 也想試試用吵鬧或喊的方式是否可得到想要的--- 有時則是因為這個時候他們的表達能力還不是那麼好, 不符心意時用發脾氣或哭鬧方式對他們而言較簡單.
平時親子閱讀可多選些有關 "德育" 方面的的小故事, 父母的行為舉止更是他們的模範, 要讓他們明白爹地及媽咪也不會用吵鬧及喊來解決問題, 最重要的一點是, 不要他們一哭鬧便就範, 反而要做到只要一哭鬧就全無商量, 雖然不會一下子見效--- 畢竟他們的語言表達力不會一下子大躍進, 但潛移默化之下會有很大改進的
小朋友哭鬧時, 就在安全的情況下, 讓他一個人冷靜一下, 等他不哭鬧了, 再問他為何哭鬧, 盡量用較淺白的語句教他們正確的表達方式, 如果是不可答應的事, 也要向其解釋原因
要小朋友 EQ 高, 父母身教最重要

kittywong1386

TWMa,

你講得好o岩, 我囡囡exactly同你講的一樣, 時常堅持主見,
其實我都反省自己, o個次打佢, 已經証明自己E. Q. 都不是太高, 如果EQ高, 應該等自己心情平伏才決定點做. 點樣都唔應該打囡囡.我會記得你講的說話. :wink:

TWMa

kittywong1386:
其實是自己的經驗談, 因我剛渡過你現在面臨的階段, 剛開始時也試過用 "打罵教育", 但每次也會思考這樣的處理方式是否合適, 是否最好...
孩子一直成長, 各階段都有不同的需要, 我們又何嘗不需跟著成長, 學習如何做個稱職的父母?!
經過了一年的 "Trouble3", 女兒今年升上了 K2, 突然有了很大的變化--- 她幾乎可完全用 "語言" 而非 "哭鬧" 來表達她的需要; 學校開始有功課了, 她可自動在我回到家前完成; 自己練鋼琴; 專注力明顯提高; 自己翻書聽CD學英文及國語詞句(完全不用理她, 她自己翻書然後跟著唸)..... 我有說不出的感動, 十分欣慰
希望一年後你也會有相同的感動
Cheers

ayesha

BoBoChau, kittywong1386 & Jessica,

好彩我仲 keep 住張單張, 現 copy 內容給你們參考:-

--------------------------------------------------
情緒啟導課程
情緒是人對事物的感受, 主要是指經由外在刺激或內在身體狀況所引起的喜、怒、哀、懼、愛、惡、欲等複雜的情感反應。

情緒智能 (E.Q.) 是指一個人在有關情緒五方面的能力, 包括:
Ø        自知: 認識和了解自己的情緒
Ø        自制: 適當地控制自己的情緒
Ø        自發: 適當地激發上進的情緒
Ø        同理心 : 洞悉別人的情緒
Ø        社交能力: 技巧地處理和別人的關係

幼兒情緒啟遵班 (基本課程)
兒童是社會未來主人翁， 他們的未來不是單純由學業成績來決定。 如能學習掌握情緒的管理技巧，他們長大後成就定會提高。 本活動由遵師帶領用不同形式 (文字、圖像、說話、音樂等)認識和表達自己的情緒，使孩子成為有自控能力的小主人。

對象: 4-6 歲幼兒
費用: 會員 $250 / 非會員  $ 280 (共 4 節)

幼兒情緒啟遵班 (進階課程 I & II)
本活動由遵師進一步帶領幼兒學習如何正確用不同的形式表達自己的情緒，從中自小培養他們了解自己，因而能夠有效發揮自己的優點，繼而學會體諒別人。

對象: 4-6 歲幼兒
費用: 會員 $520 / 非會員  $580 (共 8 節)

元朗周宋主愛青年中心
tel: 2473 6717

---------------------------------------------

你地試下打去問幾時再開班 ??  因為呢個課程好受歡迎, 一開班就好快 full.

ayesha

我都同意 TWMa 所講

"孩子一直成長, 各階段都有不同的需要, 我們又何嘗不需跟著成長, 學習如何做個稱職的父母?!"

有時, 小朋友發脾氣 / "樓"計, 係因為佢地唔識用"言語" 表達自己, 所以只好用最原始既方法 - 發脾氣 / "樓"計.

努力 !

kittywong1386

TWMa & Ayesha,

睇完TWMa 的post, 心定了很多, 安慰好多, 起碼知道她不是衝著我發脾氣. 而家我對囡囡多左信心.

可能而家的小朋友"好老積" , 俾左個錯覺我, 覺得佢好似識得講野, 而家我有心理準備, 知道囡囡哭鬧或者發脾氣是唔識用言語表達自己, 我想我地的親子關係會續步改善.

好多謝TWMa的提醒. 3歲的BB 名符其實 Trouble 3,
我都希望我囡囡有一天好似你囡囡o金, 得人鐘意.
互勉! :wink:   

kittywong1386

ayesha,

多謝你post的資料, 唔知o係咪一定要收4歲呢?
等我問下先.

jasma

我都很同意 TWMa 所講,多謝你啊!

ayesha 寫道:

我都同意 TWMa 所講

"孩子一直成長, 各階段都有不同的需要, 我們又何嘗不需跟著成長, 學習如何做個稱職的父母?!"

有時, 小朋友發脾氣 / "樓"計, 係因為佢地唔識用"言語" 表達自己, 所以只好用最原始既方法 - 發脾氣 / "樓"計.

努力 !

:  :  :

stcnwt

我想請問大家,除左元朗,kowloon有無呢D相同的課程呢,我很想給仔仔試下,但他只有3.5歲,可以嗎?

kittywong1386

各位:

我足之在粉嶺搵左間叫"伊甸創意坊", 佢有E.Q.班上,
重全部老師都是教會的, 所以勁有愛心, 我打電話去問資料,
佢都好緊張問下我囡囡的情況, 是否需要參加E.Q.班, 我今個星期六會去試堂, 去完返o黎再分享.